| 今日去中大in info eng，朝早都準備下先啦， 起碼諗下自我介紹果D野啦…跟住執好野就出發啦… 嘩…一出門口就落狗屎，響架巴士度D玻璃窗都變哂瀑布… 去到沙田等埋另一個要in o既同學就搭火車入中大啦~ 去到仍然超大雨，又廢事行上去，所以決定搭校車去(我都係第一次搭)， 上到去首先係食飯啦，我乜野都未食呀… 之後慢慢行去賤標(工程學大樓)囉，去到發覺我地差唔多最遲… 見到大概有廿幾三十人啦，不過total係in百幾人囉… 然後就入去個lecture hall度聽個簡單o既talk… 一開始就係show D project，然後主要係講一陣點in囉… 仲講埋有咩問題會點，同埋可以點答，都叫做有D心理準備啦… 聽完個talk就分批去D課室門口等interview啦， 坐低之後仲有D學生介紹下info eng同埋中大咁，都算安排周詳~ 聽左半個鐘左右就入得去，裡面有兩個professor， 一坐低都係例牌介紹自己啦，我咪up哂自己D野出黎囉…但又數唔哂… 跟住都係問大學expect學到乜野果D囉，都好似冇問到幾多問題… 之後反而係問我有冇問題，我咪問下有冇hardware野讀囉， 然後兩個一輪咀係咁講，成個interview好似佢地仲講得多野過我… em…我都唔知自己in左幾耐添，但比我想像中短囉… 佢地又唔問得我多野…仲有之前準備個cdrom好似都用唔著o既… 同埋突然要講一堆英文都真係幾唔慣，grammar勁錯！ 不過唔緊要，果兩個professor比我更差… 佢地可以講講下英文突然夾住D中文…聽到我R哂頭… 呼…in完之後總算放下心頭大石啦，填番份問卷之後就走喇… 之後行番落去火車站搭車囉…好彩冇行錯路… 然後上到48X又訓到成隻豬咁… 夜晚…都係grad VCD啦… 今日in成點其實都唔重要，因為其實我唔係最想讀呢科… 不過今日我發覺入到中大同入到科大係好大分別… 雖然中大去過幾次，但感覺仍然好陌生，完全冇親切感… 但係去到科大就好似見番老朋友咁，而且仲有D歸屬感添… 總之…一切都要等放榜之後先可以有最後決定… 壁球+羽毛球後遺症今日發作…手臂好痛… 但係話時話，點解右手都會覺得痛o既? |
| Ming 2003/06/10 16:26 校車 係咪開放日都有果d? 我都坐過~~:P 賤標 = gine buil? 呵呵, d professor 我都領教過~haha 不過我自己都唔係好...-_- 有個問題想問好耐, 點解你搭親車都可以訓既...... 我未去過科大添...  係…卦~我之前去親中大都係行路的 ya~ 話時話我都未聽過你講英文 點解唔可以訓? 我覺得車係最容易訓得著o既地方喎… 無論村巴、地鐵、巴士都可以訓到~ 同埋我有一樣勁，就係永遠都唔會訓過籠~ 例如搭村巴，次次都係訓到好lum，然後一埋站就自動會醒~ 點可以未去過科大架…去見識下啦…話哂人地busi咁勁 |
| 彩漫草 2003/06/10 21:37 我地個學生冇介紹D乜…… 佢話樓下有個prof直情係自介之後就用哂中文吹水 我手臂冇乜事……可能係o個日少玩 我地果個係咁[溜]我地講野，但個個都一碌木咁坐響度… 唔知佢係咪講緊我in果個prof呢… 你直情係少玩啦…我差唔多玩得最多 |
| 夏ソ悶羊 2003/06/10 23:25 講英文夾雜中文....... 某sir曰: "no talking! i will chow down your name!" ..都唔知咩學校的........ 嘿，終於留言啦~ chow down…XDDDD |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |