| 原來近兩年o既今日都係落雨呢…o岩o岩睇番日記見到… 2001年：「由於暴雨關係，本日非常繁忙，未能抽空寫日記， 不便之處，敬請原諒。」哈~懶就懶啦~咁多藉口… 噚日突然約左舊同學游水，所以今朝幾難得要早起… 今次去城門谷啦，原來都有兩年冇去過喇… 首先去室內池游一游，跟住諗住出去曬下太陽， 但係個天一直陰陰地，仲落住微雨，最後都係入番室內… 不過裡面又超凍，結果又走番出去…游左兩個鐘就走喇… 之後諗住去book足球場for舊生會足球比賽，但失敗左… 跟住落蕙荃睇下籃球場幾錢…for舊生會籃球比賽…但太貴喇… 咁o岩有堆同學響度打緊波…順便當探下大家囉… 然後落荃灣午飯、去荃豐閒逛、去勞工處睇job(其實冇人要搵工)， 咁樣hea法其實係因為想hea到3.返學校做野… 不過最後都hea唔到，結果返左屋企上左陣網… 跟住返去拎成績表，同埋去面試囉…又係家教會D乜乜欣賞大行動… 成績表…咦…我physics都有第4喎…仲有中化第6…算係幾令人振奮~ 不過比較遺憾就係pure同applied都冇名次囉… 同埋…我上堂係咁訓覺都有操行A，死未? 仲有張畢業證書…乜咁簡陋o既，同F.5果張差勁遠… (同埋有錯囉…佢寫左F.6開學日同埋F.7最後一日… 但其實開學日係出左紅雨tun左一日…今年最後一日因為sars又tun…) 講返個interview…上年我又有玩過…不過係勁趕果隻… 不過今次問D問題好空泛…搞到我口窒窒添… 「你認為人最重要o既素質係乜野?」 「你認為『承擔』係一種乜野o既野?」 真係冇諗到D問題會咁哲學…是但啦…我想講o既野講哂就得啦… 我都唔知in左幾耐喇…都係10分鐘左右啦… 之後落去想搵個miss影野，但係見到另一個miss， 跟住係咁傾計，講下近況之類囉…都傾左幾個字…最後影野冇左件事… 返到屋企又抱頭大睡，夜晚又執相咁，今晚總算執完所有相一次， 不過跟住仲要再執呢…總之長命工夫長命做啦… 同埋仲有寫紀念冊囉…禮拜日交貨啦~ |
| 凱凱 2003/06/07 02:39 你都識反省下丫~哈哈 = 那兩條問題好精警喎~我想知你點答? 同埋你去in乜野?  你指訓覺? 呢個唔到我控制架喎… = 咪家教會D乜乜欣賞大行動…即係同學投票D最乜乜出黎… 我係「勇於承擔」…咁我答素質咪講番呢個囉… 但承擔係乜我就真係亂咁答…都已經唔記得講左乜 |
| Esther 2003/06/07 09:57 總括講句, 其實成績係咪算好0者? 哈, 做反面教材重揚成0甘, 各位同學.....各位街坊.....上堂訓覺而操行有A, 係百 年出現一次之奇異怪象「泥」0架!!!! 我覺得麻麻… 阿sir都明白我訓覺係唔到我自己控制嘛… 真係一聽書就自自然然合埋眼…我都唔想… |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |