| 今朝又要一早起身，準備去中大o既開放日~ 搭巴士去沙田同同學會合，期間已經發覺周圍o既人都係去中大… 去到火車站等左20分鐘先齊人，跟住就齊齊搭火車，我就已經好耐冇搭過了~ 一陣就入到中大，上一次黎係近一年前o既事， 當時只係搭車去左個hall睇戲，都冇時間參觀其他地方， 今日就可以慢慢了解下中大喇~ 首先就去賤標(engineering building，工程學大樓是也)， 原本就應該搭車去，不過勁多人等車，所以我地決定行上去， 要行勁多級樓梯，走到上去已經索哂氣… 等齊人就去左個info eng o既lab tour，一次過已經睇左幾個lab， 然後隨即又報左CSE o既lab tour，不過首先要坐響度聽人講野先… 聽左三個字先開始行，今次行得仲多，由一樓行到上十樓， 然後掃哂咁多個lab，再無啦啦拉我地入去聽個briefing， 結果用左個半鐘先完左個tour，行完已經係午飯時間… 跟住就由個同學帶我地去食飯，原來係行番去我以前去過o既canteen， 話說F.4暑假參加過中大一個course，有免費午餐食，就係響呢個canteen， 不過o個陣勁難食，所以初頭都驚驚地，不過而家裝修過哂， D野食都幾好，而且比科大平唔少~ 食飽就番去賤標繼續睇下D engine，今次就去睇double E， 首先係聽個briefing，悶到訓著，然後又再掃哂D lab， 加加埋埋今日都睇左成廿個lab… 睇完之後都已經4.半，都已經冇乜野睇， 就同同學去睇下D宿舍，期間見到條蛇經過… 嗯，宿舍各樣野同科大都差唔多，係間房大D同埋個景冇科大咁靚… 睇完宿舍就行番落去搭火車轉巴士走喇~ 雖然今日差唔多全日留守響賤標，但都睇到幾多野下， 諗諗下，中大都幾好喎，不過仍然同科大勢均力敵… 不如兩間大學而家即刻合併…唔使等我諗咁多野… 唔知係咪因為中大實在太大，所以完全唔覺多人， 撞到人o既機會都少左，不過都撞到D舊同學同科大camp友， 仲有朝早去lab tour時無啦啦有個人走埋黎問我係咪玩過電腦奧林匹克， 嘩，我都唔認得此人但此人竟然認得我，勁！ 夜晚開始揀科喇，做左唔少資料搜集先砌夠25科， 當然大部分都係compu，大學方面港/中/科/理/城大分別佔6/8/7/3/1… 不過仲未排次序，呢個咁艱辛o既工作慢慢先黎~ |
| 彩漫草 2002/10/07 00:11 1. 下？係咩？佢地有d唔係心儀UST咩 2. 個個都話飯黑廉（D飯又黑又平...ugh...講笑）難食...唔係呀...咁多次去都冇 壞印象呀... 3. 有冇人知乜係小橋流水 4. 中大梗係好 5. 係咪個個入親o黎都差唔多玩過HKOI所以佢先咁講 6. 我未選科添...聽日先 7. IE你排第幾？ 8. 宿舍每層d common rm係咪同科大差唔多？每個hall又有冇一個大既總common rm ？ 9. 澄清，IE冇econ讀...唔關事... 10. 未試過一口氣post咁多問題...除第三段外，請用段落作答，謝謝﹗  1. 佢地=? 2. 我都話係F.4暑假去…o個陣都未裝修好，而且我食o個D係免費午餐， 質素就梗係…同埋我地落左一層…係唔係兩間唔同架? 3. 我就知…因為我兩年前都行過(雖然o個陣我未聽過有咁o既名)， 其他人我就唔知佢地知唔知… 4. 中大好…但科大都唔錯…真係好難抉擇… 5. 梗係唔係啦…佢會唔會咁多個人裡面求其揀個黎問又咁o岩問得中我呀? 7. 你睇左啦… 8. em..我淨係睇左崇基個hall…地下有一個好靚o既common rm(其實係廳)， 至於樓上o個D common rm就幾簡陋下，得個廚房同飯檯，連電視都冇… 9. 我有話過IE有econ讀? 10. 唔好意思…用唔到段落 |
| Esther 2002/10/07 09:08 嘩! 都唔算少人啦, 人山人海。 証明你個樣子好特別, 可能笑得夠燦爛 不過科大就真係勁迫… 特別係在塊面有特殊特徵咋卦… |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |