| 起身係11點o既事，即係之前果晚訓左3個鐘~ 大家梳洗完之後就出左去食晏，食完都已經2點幾… 返到去睇左陣電視之後就出去海灘玩遊戲~ 首先果個遊戲都唔係好識形容…總之玩完好[支力]啦… 但係因為漏左野冇拎而要等勁耐先玩到囉… 玩完之後輸左果隊(我冇份)要罰向救生員索取簽名， 但係D救生員又唔肯，擾攘左勁耐先得，其他人要坐響度呆等… 之後果個遊戲又係唔識形容，但呢個玩完就唔[支力]囉… 跟住又係落哂水玩，但係我冇準備泳褲添…算啦… 今次有浮床又有波玩，但係個波又無啦啦飄走又執唔番…真係悲哀… 不過淨番個浮床都玩左勁耐，等到個天都黑埋先走… 臨走果陣個天係咁行雷，但係就唔似會落雨… 沖完身就up住個身踩番車返去再沖個涼， 望一望個電視先知原來已經出左黃雨，再望出面…原來已經勁大雨… 冇得上網就唔知天氣點…唯有打電話問網友，順便問下大家近況囉… 但係原來行雷會導致cut線…要打幾次電話先講得完… 等左兩粒鐘場雨先至細左，已經成9點…大家都未食晚飯… 但係落雨好多人又唔想出去食， 淨低我地幾個出左去順便諗住幫其他人買埋… 其實出到去都已經冇乜雨，但係D雷都係好勁囉… 去到間原本打算去o既大排檔，見D雨都停左就叫人出黎食~ 不過跟住又落過場雨…冇計啦… 等齊人嗌野食都已經係10點幾o既事，此時已經勁肚餓… 但係仲要等多半粒鐘先開始有野食囉… 雖然呢度好多野飛黎飛去，但係D野真係幾好食架~ 同埋有部電視任睇，我都好耐未試過睇咁耐電視囉… 走果陣做緊晚間新聞，同埋仲落緊雨， 但係我把遮唔知畀邊個拎走左，淨低把勁細o既遮… 仲要同個女仔share…嘩~雨中漫步真係浪漫到暈啦~(講下o者~) 不過就好凍囉…又大風D雨又係咁撇…都幾辛苦… 返到去換番件衫，原本諗住訓喇架，但係聽到話播戲就彈左起身… 原來係播《美國處男》，一套意識非常之不良o既電影… 一路睇一路以為自己睇緊鹹片…都唔知點解只係IIB級… 播完兩點幾就一齊訓覺…我差d冇地方訓添…好彩有人畀個位我~ (但係佢結果係做左廳長…唔好意思下) |
| Esther 2003/08/08 10:06 有無女仔一齊「觀賞」套三級戲呀?  冇呀…其實個camp都係得三個女仔去… |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |