| 今日係一年一度o既便服日，我地班一早就講好左呢日全班著班衫， 我當然唔例外啦…換好衫就早D出門口，因為要拎D新版班衫黎派~ 今次又要拎住成40件衫由地鐵站捧番學校，[支力]到不得了… 上到課室已經見到成班黑衣人坐哂響度，真係幾型~ 派哂D新版班衫就已經夠鐘上堂，班主任都著埋班衫，成個同學咁~ 第二堂就測physics，得兩條數，好似都唔多識做，以為係自己衰， 不過個個測完都呻難，仲要有人以為測兩堂，結果做得一題… 第五堂轉去家政室上堂，打開個袋赫然發現部相機唔見左， 諗諗下好似係第一堂之前諗住搵機會影相， 於是拎左部相機出黎擺響個櫃桶度，但一直都冇再郁過部機… 唯有苦候至落堂為止，然後即刻跑番上課室搵， 但只見個櫃桶已經塞滿書，坐響我原本個位個同學都話唔見有相機， 於是再跑落校務處問，但都係失望而回… 既然個個都走哂就唯有去食飯先，食飽就再返學校， 問下同學，問下miss阿sir咁，但都係冇結果， 跟住再上返個課室再睇清楚D，原來部相機畀櫃桶裡面D書遮住左， 真係虛驚一場… 搵番部相機就隨即落樓下準備影相，今日咁難得差唔多全班都著班衫， 所以想趁機會影番張7B合照，原本打算放學先影， 不過D miss阿sir又唔得閒，唯有lunch time抽十分鐘黎影… 今次又要好似上次咁叫人排位同邀請老師， 搞到差唔多打鐘先排好位，最後影到個7B變左πB… 放左學大家繼續影相，咁o岩拎左件新班衫， 於是個個就著住黎影，今次呢件班衫五顏六色咁，真係幾靚~ 影到差唔多3.就散band，然後就返屋企抖一抖， 跟住又即刻出門口，因為今日班會有BBQ活動，我就出去幫手買野~ 去到大家已經買緊用品，買完就再分兩批，一批買野食，一批捧D野去等人， 等左成半個鐘先齊人…然後就一齊搭巴士去咖啡灣~ 差唔多一年前黎過呢度BBQ，今次又重臨舊地， 不過上次係租爐，今次就搵免費爐， 不過今日勁多人，最後都要租多個爐響隔離… 雖然有人霸爐，但我地去到D爐仲未用得，所以大家就響沙灘玩住先… 到6.幾D人終於走，我地就開始走左o個陣就開始落雨… 根據過往紀錄，近幾次BBQ都係落雨，仲要去邊度BBQ就落響邊， 今次果然唔例外，希望黎緊氣象迷聚會唔好咁邪… D雨越落越大，我地唯有租兩把遮黎遮住個爐， 不過遮左一陣就停雨…浪費左D租遮費… 大概7.大家就正式食野，食左兩個鐘大家都差唔多飽哂， 然後就響沙灘鋤D，不過我就唔多飽，食到10.幾先燒完… 個個都飽哂之後就執野，然後移落沙灘準備玩遊戲， 仲要特登去D好暗o既地方黎玩，又買左D蠟燭黎增加氣氛… 玩到11.幾就開始散band，大概11.半就一齊離開， 拉大隊搭小巴返屋企，大家仲諗住一齊出荃灣食糖水， 不過我已經好眼訓，架小巴去到屋企樓下就落車算喇… 聽日雖然放假，但一朝早仲要開會，所以都唔敢太夜訓， 沖完涼上下網…差唔多2.就訓(其實都已經唔早)… |
| 彩漫草 2002/10/03 01:02 都唔可以話sai租遮費... 如果唔係我地都濕哂  係o既… |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |