| 今日係舊生會遊船河的日子，朝早見窗外有D雨， 最驚D人見落雨淆底，令舊生會損失更慘重… 起身之後就打電話搵阿姨，不過原來佢黎唔到…咁都冇計了… 最後出席人數係20人…仲欠10人… 跟住就上網睇睇天氣，點知一上就話升左個熱帶低氣壓， 隨即就出一號，即刻要將工作重點放響個網度… 由於今次係今年第一次打風，所以乜野都未準備好， 淨係因為天文台將「懸掛」改做「發出」已經要改哂D script， 另外因為server問題又要搞一輪，結果用左成個鐘先搞掂… 然後就已經夠鐘出發食飯然後買野，落去大家樂仲賣緊早餐… 等左幾個字先買到野，匆忙地食完個飯就搭車去地鐵站… 我去到已經遲左1分鐘，但竟然未有人到， 就響呢個時候又有兩個基督徒走埋黎搭訕… (類似情形響上年都曾經遇過…) 不過佢地冇點sell野，反而係我同佢地sell遊船河，不過佢地黎唔到… 齊人就去百佳買飲品同零食，淨係捧D水都已經捧到死死下… 買齊野就一齊搭地鐵去，其間約左個和記同事拎番D野， 結果響太子站等左十分鐘…然後上左架車又行得勁慢， 行到去鐘樓都已經遲左15分鐘…但竟然得幾個人到左… 首先就去銀行噤機，然後等左一輪就再去捧埋D晚餐， 去到就已經齊人…雖然有個幹事黎唔到，但多左個網友黎， 最終都有20人上船…冇人淆底都已經好好~ 上到船首先周圍行下，又上船頂影相曬太陽(其實係天陰…)， 不過隻船搖得好犀利下，落返下面好似有D暈，訓番陣就冇事… 原來船公司話隻船會駛去西貢，不過聽聞o個度大浪， 所以要改去南區…過左個零鐘隻船就駛到去南丫島石排灣喇… 隻船停定就打算開始集體遊戲，不過突然有人提議唱K， 網友們又燒左幾隻VCD出黎，裡面裝左大堆新歌，於是大家就開始唱… 另外一批人就去打牌，最終D集體遊戲都係冇左件事… 大概5.左右就一齊影張合照，然後就繼續各自各活動， 但冇幾耐就開始落雨，仲突然落到勁大，唯有入番哂室內… 我入番去先醒起我對襪放左上船頂，走番上去又搵唔到， 以為有人拎左落黎…點知畀人掟左去第度，結果畀雨淋濕哂… 6.就係開飯時間，20人食30人份量o既自助餐，結果當然食淨唔少… 我食飽就開始收錢，然後就開始釣墨魚行動， 不過唔知點解似乎D人對呢個活動興趣不大… 我一放個u落去已經覺得好重，一扯就見到海面有堆墨汁， 可惜條墨魚就扯唔到上黎…再釣左陣又有料到， 不過都係上唔到黎…決定放棄… 大概釣到8.就要開始回程，我見出面幾好風就出去船頭度下， 跟住成班網友就輪住走出黎坐，結果搞到我冇位坐… 我就走上船頂同大家玩估故仔遊戲，沿途風勢都幾大， 同埋周圍都有行雷，好彩冇落雨~ 隻船差唔多10.就回到尖沙咀碼頭，然後大家就解散~ 我就同幹事們拎埋D野走，其間落勁大雨，把遮又爛左，都幾狼狽… 上到地鐵大家勁玩數手指遊戲，一直玩到落車為止，勁好玩^^ 回到家已經11.，成日冇上網…要搞返個熱帶低氣壓D資料， 寫日記都已經係.半鐘的事… 總括黎講，今次遊船河o既報名情況真係極度令人失望， 20人當然竟然有三份一係我D網友，成堆舊生完全唔知去哂邊… 不過今日都總算幾順利，雖然冷氣船轉左中式船，又有天氣影響， 同埋我最初都驚舊生同網友會唔會夾唔黎， 雖然主要都係各自各玩，但個氣氛都總算幾好， 真係要多謝幾位網友咁畀面出席，如果唔係令舊生會損失更慘重… |
| M 2002/08/04 10:46 唱k邊係突然提議..基本上早有準備 乜數手指都好玩架咩..  我指突然提議o個個時候唱…當然大家一早準備會響船上唱… |
| 同學丁 2002/08/04 13:17 明明釣0左3隻墨魚上0黎0架! 點解會唔見0左?! 大家都唔記得左理D墨魚…唔知船主點處理… |
| 彩漫草 2002/08/05 00:29 1. o個D所以鬼佬係摩門，我都試過一次... 2. 估故仔？你估過一個女仔被水草纏故事未？ 3. 數手指？係咪「呢個係三……呢個係七……咁呢個又係乜？」o個D？ 1. 唔係鬼佬黎架…呢D根本唔係講耶穌… 2. 梗係估過~ 3. 呢個有玩過…但我唔係指呢個… |
| 二姨 2002/08/05 14:43 為我誤會日期一事講句對唔住, 重以為係星期日可以去 到。 星期六我終於1:45pm放工呀..... 有關我的建議, 你地商量好就隨時Call我得嫁La。 哦…唔好咁講…係我一直未聯絡到你o者… |
| Alan Chui 2002/08/06 18:58 多謝給我們一個難忘的遊船河(追風團) 活動,雖然我們一班cr友忙於追跡 16w的消息,但玩得相當開心,因為可以 第一次出海感受真正風力.船河聚會 結速後,我們一行七人到M記繼續下半 場追風聚會,討論16w的最新動向, 至晚上＋一時左右才離開. 哦…應該係我講多謝至真~ 如果冇你地o既參與我地舊生會蝕得更犀利… 嗯…其實我都想同你地去M記…不過要捧住D野唔係咁方便… |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |