| 今日又係吽響宿溫書，不過我日記唔係想講呢樣， 反而想講講我溫書溫到悶，去左去上網， 噤下噤下…搵到d老鬼o既日記，由year 1寫到year 3， 我都好有興趣知道讀CEG o既人o既心路歷程係點樣， 所以我就一直由year 1睇到year 3… 一路睇…都覺得幾感觸…原來讀CEG真係會令人咁厭倦… 好似好多老鬼都覺得揀左讀compu eng係錯誤咁… 作為一個freshmen，我當然未能明白箇中o既辛酸啦， 起碼我都好enjoy呢個sem裡面…同埋咁多CEG o既人相處~ 不過如果要人不斷咁對住部電腦怒寫program， 仲要成日通頂趕功課，加上15:1 o既男女比例，其實都好辛苦… 唉~咁我就當然冇後悔過揀compu eng， 無論點講都好，我始終都係鍾意電腦呢科嘛… 暫時呢個sem讀落去都仲有少少優勢…雖然唔知持唔持續到… 但係我做得系會P…唔只要自己鍾意CEG， 仲要令其他人都鍾意呢科咁惡哽o既科目，就真係好難… 同埋仲有一樣野係關乎揀大學o既問題， 果個老鬼寫到中大係一間「鋤書大學」， 咁其實我填jupas果陣都預左係咁， 不過經歷o camp之後都覺得其實又唔係丫… 但係到左呢個考試期，見到d同學咁用功， 加上自己班同學…個個都好讀書咁，摺人又多， 又開始諗…其實係咪最後都係科大適合我多d呢… 我咁諗就當然唔係因為我唔鍾意中大啦… 始終呢幾個月都過得幾開心，點都對中大有番d感情o既~ 其實而家個情況都已經比我當初想像中好架喇… 不過如果想過d我想過o既生活，玩d我想玩o既野， 就要盡量抽離CEG，去見識下外面o既世界喇~ 無奈我又做左P…要抽到出去都有d難度… 另外睇老鬼d日記…仲講到出去做野o既問題， year 1就諗似乎係好早，但係兩年真係可以好快過… 我都要開始諗諗，到底我將來會搵份工， 日日對住部電腦，好似讀緊U果陣咁怒寫program， 定係自己開間公司搞IT…定還是…完全唔做IT? 唔講咁多喇…講得多都悶… 總之睇完d日記…諗到好多野啦… 其實係我發覺自己入到U，睇到好多人寫過o既野， 都會有好多啟發…可能咁樣先係「大學」啦… 講番今日，夜晚返屋企食飯囉…好耐未響屋企食過啦又… 返去果陣第一次用部mp3機，感覺都唔錯~~ 今餐晚飯好滿足呢~好飽、好溫暖呀~ 夜晚終於睇一次睇《衝上雲霄》…都幾好丫~ 今晚要早d訓…聽朝同阿媽去grant loan interview… |
| 彩漫草 2003/12/04 01:26 要人地鍾意一科目，唔係睇佢惡唔惡梗架...係睇D人 可唔可以團結以及歸屬感...玩得當然最好... 就好似IE咁...IE人鍾意IE唔係淨係鍾意IE咁簡單...當中仲有好多複雜野...做P的， 的確難抽身，但係都唔一定既...而家最重要的係維繫聯絡起身邊人的感情先，一句 招呼都好緊要架... 15:1真係唔係問題...盡量擴大自己圈子就得...UC都係一個女仔的疏史丫...  唉~CEG人就係缺乏左呢d野… 其實根本就係惡性循環…大家讀得辛苦，就少左歸屬感， 跟住大家讀得唔開心，仲讀得更加辛苦…如是者… 15:1唔可以話完全冇問題架都…失衡o既男女比例會令人心理變態… 不過你都講得o岩，UC真係一個女仔o既好疏史， 我有9成中大識到o既女仔都係UC o既~ |
| Esther 2003/12/04 09:33 我始終相信「半杯水理論」:- 你可以樂觀地 : 好野!有半杯水飲! 亦可以悲觀地 : 好慘!得半杯水喳! 每個選擇未蓋棺不能定論, 過程要盡全力去走, 放開懷享受, 就無悔無憾。 嗯~但願個個都識咁諗~ |
| 中大校友 2003/12/04 21:32 你就好喇有得睇《衝上雲霄》… 我就一集都未睇過. 我覺得中大不是一間「鋤書大學」, 至小我讀書果陣都玩得好盡. 祝你考試成功... 你唔係夜晚就得閒架喇咩… 唉~呢d係關乎唔同系o既文化…其實都唔應該以偏蓋全o既… 多謝~ |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |