| 今日係第一日返暑期工，晨咁早就起身， 食完早餐就搭地鐵去黃大仙轉小巴去工作地點－聖文德書院~ 其實唔搭小巴仲好…轉兩個彎已經去到… 入到間學校四圍都已經有箭咀帶人入去MMLC， 去到明明仲有5分鐘時間，但已經點緊名… 點我名出到去除左拎工作證之外，仲獲得和記間尺一把… 點哂名之後就開始講書，每人拎住份ppt handout， 然後個engineer就係咁講D networking知識， 初初我諗住我都識架啦，點知一開始講就好深入下， 仲有位同學(即係同事)係咁舉手問D我完全不明所以o既問題， 我先知我D networking知識原來係咁貧乏… 雖然係咁講都幾辛苦下，不過講講下就有break， 仲有汽水橙汁任飲，都幾歎丫~ 講到12.左右就夠鐘食飯，今日阿sir請食飯喎~~ 不過出面勁大雨，同事們又冇帶夠遮，結果借遮都借左幾個字… 然後一行40人就冒雨行去就近o既敘福樓飲茶… 一開始幾驚成檯人戇居居無言咁食完餐晏， 好彩幾位和記本身D staff坐過黎，都有D計傾~ 食完就行返去間學校，然後就分組，準備黎緊幾日做project… 原來今個禮拜幾乎唔使返工咁滯，只係做資料搜集， 到禮拜五下晝先返學校做返個present… 分左組就黎個自我介紹，今次又要好似科大camp咁， 極速認識哂D組員，不過呢次一組得5個人o者… 跟住所有人就逐個企響身介紹自己，當然成40個同事就冇可能認到啦… 然後就分組參觀間學校o既server room，其實仲簡陋過本校， D server只係就咁擺響staff room隔離… 跟住就上番去「討論」，其實大家響度打機就真… 最後hEA到4.幾，大會宣佈放工！不過大家可以繼續傾下個project… 就響呢個時候突然有人召集科大course參加者， 原來同事當中都有幾個都參加左逢二四就要返科大o個個course， 於是就傾左一陣…傾傾下見自己o個組D人已經走哂，我都唯有走啦… 去到地鐵月台撞番個同組升F.5 o既同事，沿途都有傾有講，幾好丫~ 舊生會遊船河最新情況：校長個電話仍然係接唔通， 阿sir個電話就打得通，最初佢應承左， 後尾又打番黎話唔得，真係玩野… 然後email仍然冇收到申請表格…真慘… 今晚從阿媽手上接過一封阿爸寫畀我同細佬的信… 睇完之後，失望就當然有了…不過就冇覺得唔開心， 倒覺得好似有件事情解決左，個心反而安樂左… 而家最重要係希望財政方面冇問題啦… |
| mayi 2002/07/29 23:56 好掛住ust呀~~~  你鍾意可以隨時搭車去架…無任歡迎… 或者等我地要返科大上lab時一齊去都得~~ |
| 二姨 2002/07/30 14:58 你真係已經大個仔La, 最初好擔心你不願接受事實, 其實「不歡而散未嘗不是好事, 不歡而又不散, 那才叫人悶悶不樂」。我跟你一樣想法, 希望財政方面無問題, 你可以將此憂慮坦誠向父親表白的。當然, 我必定永遠盡我全力支持你們, 不要太憂心, 一定要俾心機完成大學, OK! 事情發生左咁耐…都有心理準備了… OK!總之就全力以赴做到最好啦! |
| 二姨 2002/07/30 17:07 我地公司及商會舉辦活動經常遇到無人參加的惱人問題 , 出Reminder, 再出「追魂Call」啦。 D人係嫌貴…點call都冇用… |
| samzone 2002/07/30 22:04 冇大件事ma... 都唔可以話唔大… |
| 彩漫草 2002/07/31 17:16 你份乜野工……咁歎 和記環球電訊暑期實習員囉~ |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |