| 今日出發去雙魚星號兩日一夜免費之旅， 所以朝早就要執行李…o岩o岩好塞得落平時用開個袋裡面… 執好就要出發…因為仲要去book camp… 諗住同網友下個月尾去貝澳玩番3日2夜~ 出到旺角首先要填飽個肚先…一餓之下咩都唔諗就去左大家樂… 排隊買野果陣見個收銀做野慢到不得了， 心血來潮之下拎左張意見書黎寫… (跟住過兩粒鐘大家樂就打番黎跟進番D投訴…都算係咁啦) 食飽之後就行過去信和…但沿途都好多反23野睇… 仲有一幕街頭劇…擾攘左一輪先行到去… 去到例牌兜個圈，然後就入第一間睇… 見到個廳好大，個價錢都OK，即刻就畀錢了… 搞掂之後就行去地鐵站然後搭去尖沙咀，準備上船~ 去到仲有時間就上一上網，然後就排隊上船… 順便講下點解會有呢個免費之旅啦~ 大概係半個月之前…有網友話有D咩信用卡優惠， 話可以成家人上船之外再請多個人去，結果我就被請喇~ 臨上船之前原來都要做D出境管制措施－量體溫… 跟住搞好D手續就上船啦~然後入房啦~ em…間房的確係比較細，但係都有窗，個景好靚丫~ 安頓好一切就出去周圍行下，睇下D設施囉~ 上過獅子星號，自自然然就會拎黎比較啦… 但係當然就冇得比啦…不過都比我想像中好囉~ 去到機舖又例牌打下機，玩左一陣就腳痛… 之後都到晚飯時間，入左間中式自助餐廳…都ok啦~ 跟住發現原來可以去另一間餐廳再食，結果食到超飽… 然後周圍行下…上甲板吹下風睇下星咁，正~~ 跟住落去機舖玩埋D coins，玩完仲發現原來做gym唔使錢， 於是入去玩左半個鐘，[支力]到不得了而且大汗淋漓… 返房沖完涼之後就係消夜時間，又食飽之後就返房睇電視， 最後2.幾先訓…原本諗住通頂架~但冇人同我通… |
| Ming 2003/06/30 14:47 喂, book左幾$呀 冇人同你通, 咪自己通囉 你好似有好多野都冇玩到  千二 自己通…為乜呀?又冇咩好做… 好多野冇玩到…例如呢?雙魚星冇乜特別野玩咋喎… |
| 彩漫草 2003/06/30 16:28 而家失業率咁高 如果真係唔係太慢就放過佢啦 去信和bk camp？ 原來你未去過雙魚星∼ 我係先魚後獅 點會腳痛？ 玩time crisis？ 咁就算炒左呢個都應該會請過第個卦… 梗係 未呀…咁有獅子星o既話梗係揀獅子星 跳舞機呀…單車機呀…滑雪機呀… |
| Esther 2003/07/02 09:19 唔係放過快餐店呀, 係收銀員, 不過如果真係佢有問 題, 亦應該自我檢討一下。 係囉…今時今日咁o既服務態度… |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |