| 2003年香港高級程度會考今日正式開鑼! 好耐冇試過咁早起身喇~好彩精神狀態都算唔錯~ 考試期間身體要緊，所以今日決定戴口罩出門… 其實戴唔戴都真係要作一番掙扎… 好多人(尤其係o靚仔)都覺得戴黎太誇張，又驚畀人笑， 但事實上到呢個地步仲會唔會有人呢樣野開玩笑? 不過我戴起佢，其實仲好睇啦，遮哂我D瘡， 但係戴完之後都要諗左一陣先敢出門口… 要放低世俗o既眼光其實都唔係一件易事… 出到去，3個之中有1個戴咁囉，真係前所未見咁誇… 雖然我戴o個隻只係手術型，但都有D焗， 去到試場都忍唔住除番出黎，o個度空氣流通多啦~ 原本試場係有冷氣o既，不過為左令空氣更流通而改開風扇… 考生大概6個之中有1個戴口罩，監考員就全部都有戴， 見到呢個情景再加上AL，真係有如臨大敵feel… 第一份卷係作文，揀左條報告書黎做， 時間上都係比較充裕，我諗都作得唔錯啦~ 跟住break去toilet，陣尿味嚴重難頂…原來何中個廁所已經算正… 落到操場，有個人無啦啦走黎問我野， 我疑惑左好耐，呢個咩人黎架呢? 好似邊度見過… 網友? 冇人今年讀F.7呀…同學? 我D同學都唔識佢o既… 之後一直都疑惑呢個問題，直到lunch之後先醒起， 原來係我阿媽個friend個仔…之前行花市見過一面… 第二份閱讀理解，好彩都係速讀o者~ 之後落荃灣lunch，然後繼續第三份文化問題， 其實完全都唔關文化事，純粹吹水… 第一題講旅遊，仲有封email響度，做! 第三題講教育，唔使諗啦，做! 今日好似吹到幾多野出黎呀，搞到唔多夠時間， 寫完隻手勁軟…仲要淨番十幾分鐘有隻蜜蜂走出黎，可惡! 考完之後諗住試下行下唔同o既路，點知一行就行到大窩口， 是但啦…當係散步散下心都好…幾個人一路行傾下計都好呀… 返到屋企上網一睇，「麗城花園第三期有人感染非典型肺炎」， 估唔到咁快就殺到埋身，真係響屋企都有種恐慌的感覺… 雖然唔係自己o個座，但睇埋淘大個case，已經傳左畀隔離座， 聽日無論如何出門口都要戴口罩! 嘻~因為呢單新聞都有D人主動關心問下我點，幾感動啊~ |
| 凱楊 2003/03/29 01:19 依加帶口罩已經被視為明智之舉∼唔會有人覺你怪架啦 （畢竟我都係未帶） 喂∼咁你真係要小心ｄ啦∼ 保重！  嗯!你都係呀…話哂都係沙田 |
| Esther 2003/03/29 09:20 噚日我返大陸做, 回程得知「麗城三期」事件, 擔 心到死, 立即去探望你亞媽及X 姨。 你們要都不能掉以輕心, 人太多的地方少逗留 為上(當然考試避免不了)!!!! 嗯… |
| 我是羊 2003/03/29 10:39 難得有一日寫到咁長... 你灰色的生命終於添上色彩啦 誰說不可能? === 係囉...去到呢個地步我仲未想戴口罩 ..後日又要返學喇... 到時可能政府下令一定要戴先出得街 =.= === 咦? 咁講... 我9科有4科冇冷氣 係咪即係好事? 強制性空氣流通...唔錯丫 不過...呢幾科我o係冷氣場(學校)都係做唔哂 空氣場可能仲差.... 淆中 === 蜜蜂? 咁驚.... === 保重啦... ...我生命有幾可係灰色啊? === 話一定要戴一定有人唔制，而且有D人想買都買唔到 === 到5月就熱架喇…唔開冷氣唔係咁好… 到時D肺炎都應該冇咁勁啦… === 係囉…勁驚… === 大家咁話~ |
| 我是羊 2003/03/29 23:30 前排幾灰呀...短到我都搵唔到位re你.. 溫書冇計啦…我又唔覺得灰o既… |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |