| 今日係派卷大日子，首先報告一下小弟下學期成績先： 首先第一科係英文，阿Sir一開始就講野講左半粒鐘…頓時想訓… 跟住四份卷一次過派哂，最差係作文， 原本諗住個題目o岩我作，點知離哂題…咁都pass到已經偷笑… 其餘都算OK，不過略比上學期退步… 跟住到physics，雖然大部分同學都視為極難的一科， 但竟然係我最掂o個科，分數係三科AL之冠，名次方面都應該唔錯， 今次考試都keep到測驗個standard，係MC方面有待改善~ 然後黎番個小息先，急急忙忙咁搵各個miss阿sir校長校工， 可惜阿sir同校長都見緊人，唯有搵miss同校工先， 搵校工係為左摷返個舊生會借學生會o既計分牌… 之前我做經手人結果考完試後先驚覺唔見左… 校工指住兩個籮叫我慢慢搵，結果搵勻都唔見… 諗住又要賠返個計分牌畀學生會， 突然學生會D人話我知原來佢地拎左去用… 小息過後速上課室，跟住黎個applied， 呢科個分數都普普通通，同我expect的差唔多~ 名次方面仍然係響中間，睇黎都好難再有突破喇… 跟住中化又一次過派四份卷，listening奇差， 其餘都OK，不過上學期幾高分下，而家勁退步… 最尾一科pure，係我認為最難o個科， 目標係全年合格(上學期衰左)，所以考試前都幾畀心機溫~~ miss首先頒發各個獎項，最高分獎完全係熱門人選， 不過最佳進步獎o既結果就幾令人意外o既， 因為我係其中一名得獎者… 睇返個分數，都算滿意啦…我唔對自己要求太高… 總結黎講，三科AL都略有進步， 不過平均分因為中化o既大退步而拉低左， 不過都叫滿意自己成績喇~下年繼續努力~~ check哂卷之後搞左一輪中化project分組， 經過一輪包剪dup決戰，終於可以做到「天文地理」，好野~ 跟住成班人同miss企響度傾左好耐計之後就一齊去食飯， 然後去打羽毛球打左一陣，跟住就搭地鐵出旺角… (點解有D咁o既行程呢…太難解釋，成匹布咁長) 去旺角係約左個網友…諗住去book網友camp的渡假屋， 不過等極佢都未到，反而其他冇約的網友就相繼出現… 結果最初約個網友最遲出現…遲哂大到… 然後去信和問哂價就搵間較好o既黎租， 跟住順便睇睇遊船河資料，為舊生會活動作準備~ 然後就成班人響旺角四圍行，去左間韓燒視察環境， 準備舉辦氣象迷聚會，結果就訂埋檯… 呢筆錢加上去camp筆錢，搞到要去[才禁]機… 跟住又去睇各種電子器材，最後行到成7點… 夜晚繼續刨旅遊書，為聽晚o既interview作好準備~ 好快就知道歐洲之旅能否達成喇，祝自己好運啦~~~ |
| M 2002/06/28 01:06 乜野係「天文地理」? === 遲到果個係咪咖哩? === 租左邊度呀? === 咁快訂左台, 唔洗睇人數咩?  係個project o既題目囉 === 仲使講... === 塘福囉...詳細位置唔知喎 === 我已經book到盡量多人…而家都唔使睇人數啦.. |
| 二姨 2002/06/28 09:10 幾日不在港, 首先恭喜你有份Interview, 「鄧」你開 心! 成績方面, 其實你有無唔合格呀? 潮汕原來都幾落後, 基本上無名勝可行的, 好在間酒店好正! 多謝~ 梗係冇~ 哦…我都唔知你去左潮汕添.. |
| 羊~ 2002/06/28 10:40 都話你phys掂架啦....又唔信! === 羽毛球~~~好懷念喔~~!! === 你d行程咁怪...既真係... 完全搵唔到野re..封筆先 你有話我聽&我有唔信咩?... === 你好耐冇打過咩? |
| 彩漫草 2002/06/29 23:45 呀...總平均爭你1分咁多 都唔錯啦 |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |