| 今朝訓覺時，天已經光哂… 到我起身果陣，太陽已經落山了… 雖然只係訓左9個鐘，唔算太多，不過都係覺得今日時間好短… 做左陣功課就返屋企，夜晚都係做功課… 無啦啦有套《麥兜菠蘿油王子》VCD，即刻拎黎睇~ 係有少少失望，感覺上第一集充實好多… 而且真係好多位都不明所以…果然係好難明… 係之後上網睇番d影評先比較明白d道理… 其實如果真係明到佢講乜，呢套野都應該好有意思~ 今晚同網友吹水，又講到功課問題… 其實到底要做咁多功課，呢樣野係o岩定係錯? 同學覺得做咁多功課，好辛苦，浪費時間，兼顧唔到； dept覺得你要提升競爭力，要train得你tough d… 大家睇法唔同，有冇辦法令大家都滿意? 不過我而家想講o既都唔係呢d… 上年今日，我o既日記回顧緊我大學o既第一個sem… 我o既「預言」當然冇錯，CE人year 2的確係爆忙… 雖然有心理準備，但有時都會有d不知所措… 內心成日責備自己，呢排為左做功課而放棄左莊務， 放棄左朋友，放棄左好多野，我都唔想，但我控制唔到… 唔做功課? 又冇理由丫…但一日到黑都做功課，其實又為乜呢… 雖然做o既野係自己興趣，雖然有時成班friend一齊做又幾開心， 但講真，我真係好羨慕其他系o既同學o既大學生活… 莊務呢家野尤其是令我覺得無助… 我真係唔想放棄，我真係唔想搞到個soc頹左… 但我唔知我可以做得d乜…我要向我lab partner負責呀！ 不過就算我真係放棄自己d功課，我都唔知可以再為個soc做d乜… 老實講，我真係唔好意思叫一直努力趕功課o既莊員做野… 佢地唔自發做莊務的話，我都唔想夾硬踢佢地做啦… 還好CE人都深明year 2之苦，會體諒下我地… 唯有望唔會比左個壞榜樣比下莊啦… 仲有呢排成日都會想做多d有意義o既野，例如搞活動呀甚至做義工之類， 不過自己o既圈子都唔覺有人會做呢d野，我係咪要跳出而家呢個框框呢? 但係…我又未做完功課，堂又走哂，final就到，跳乜鬼丫~ |
| 彩漫草 2004/11/28 14:37 你year 3會唔會好少少呀?? 我而家盤算緊要過個14-15分的year 3，之後用空餘時間做多D自己o野 其實dept的想法係好的，但係train出來的o野有冇用至得架？如果佢D course年年教 的o野都係一樣，就冇意思啦……同埋一個人除左寫program之外，仲有好多o野可以 做，唔知呢樣CSE dept又有冇諗到……如果唔係班友仔出到來一個二個train到成舊 飯咁又有乜用？不如做多D o野令自己個人變通D仲好…… 不過prof都係舊年代的人，都係依番佢地自己的想法做事……你可以講下人地個dept 少功課的優點o既……  year 3見d人好渣攤…我地係全部major core谷哂響year 2先搞成咁… 我year 3…其實有機會我想讀多d其他o既course，見識多d野~ 呢樣野我本來都諗住日記講，而家順便講埋啦~ 記住上個sem搞送舊，班老鬼講左好多CE d course o既問題， 其中最重要o既就係教d野太重theory，好多practical o既野都唔教， 而且呢3年的確可能train到你變成一舊飯，連溝通都有問題… 不過講真呢個dept叫得做CSE，梗係想你變成program專才啦… 我都唔對dept有d咩期望啦，想自己變通d咪出去take其他course囉~ |
| 豬 2004/11/29 00:07 從台灣回來了~^^ 好累~~>< 休息下啦~ |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |