| 因為今日要去港大EEE interview，所以請左假， 所以今朝就難得有個假期喇~但都係準備下interview咁囉… 其實都唔知有乜好準備，又睇番自己有咩可以介紹咁囉… 食完飯…hea左陣就換衫出發啦~ 今日個行程非常之順利~不過唔係講緊個面試，係講搭車… 由小巴到地鐵到巴士到巴士到地鐵到村巴，完全唔使等車！ 沿途就梗係閉目養下神咁啦…地鐵真係訓覺好地方！ 如果冇記錯今次只係第二次去港大，完全唔熟點去， 所以響架巴士度要不斷望下出面睇下到未… 望下中環o既風景，同九龍果d真係完全唔同， 突然勁有衝動想in完之後周圍行下咁~(不過最後都係冇行) 入到港大之後就跟住D指示行啦，點知畀佢坤左，搭錯lift， (其實係我自己睇錯department…) 結果要再搭番幾層落去，但部龜lift真係慢到嘔， 咁就浪費左幾分鐘…好彩最後都冇遲到… 去到點完名之後就坐低等in…今次冇中大果D talk， 又冇師兄陪下你咁，相比之下果邊安排好D啦… 今次interview係二對三，即係有3個人同時被in… 入到去首先每個人英文自我介紹一分鐘… 一個話自己出自什麼engine世家，一個就話自己無啦啦鍾意電， 咁我咪又爆哂d電腦野出黎囉，不過都唔知自己講左幾耐… 之後係中文傾計時間，例牌問讀大學想得到乜野… 不過傾下傾下變左係果個engine世家同兩個教授係咁講engine野… 個interview又係大概15分鐘啦，都唔知in完之後佢知道我D乜… 不過冇所謂啦…港大我都唔志在o既…純粹為左加下分囉… 上左車突然響度諗，坐兩個半鐘車為左果15分鐘in，值唔值得呢… 響中環落左車，真係諗過周圍行下，或者搭船過尖咀… 但一見到個地鐵站就好自然咁行左入去… 返到屋企抖番陣上下網咁囉…然後夜晚又再出去， 同同學食飯順便傾班會camp野~ 齊人決定去沙嗲王，貪佢可以坐耐D又夠靜~ 嘩！一個月冇黎過，突然裝修到靚哂~(醒起有d coupon未用添) 因為戒緊口，所以只係order左個雞扒飯，但都幾好食o既~ 食飽飽、傾好哂D野、call埋同學之後就解散啦， 我仲要捧住一大堆之前同學借畀我o既漫畫返去… 今日做左樣非常刺激o既野：book釣墨魚！ 記得上年舊生會搞左個非常失敗o既遊船河， 我響果次之後決定以後唔會搞類似o既活動！ 但黎緊個氣象迷聚會唔知點解神推鬼擁咁揀左釣墨魚！ 其實我真係唔知點解，因為下個月已經另外有釣墨魚活動！ 不過冇啦，訂都落左喇，仲想點呀? 而家唯有求神拜佛希望有廿個人參加囉… 但第一日得6人報名…開始擔心… |
| Esther 2003/06/27 08:51 叫其他人幫手推廣下啦, 活動大家有份嫁0番!  都有架喇…希望得啦… |
| 彩漫草 2003/06/27 12:11 唔會唔值o既 見下世面嘛 噚日都見唔到乜野… |
| Esther 2003/06/28 09:13 見到人生百態0羅! 咁我噚日響港大都只係見到幾個人… |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |