| 話咁快，今堂PE已經係考試之前最後一堂啦… 唔知點解今次d上手下手比之前退步左，都有d擔心考試點… 之後就返宿hea，同做左少少功課咁啦~ 期間收到個電話，終於比我搵到第一份補習啦~ 係上網果d中介服務搵返黎，禮拜二開始補，即管睇下得唔得啦~ 跟住落本部拎返d功課啦…最緊要係d lab report啦… 有一份有7成人被捉抄，我都竟然不能倖免， 唯有執執份野再交過囉…冇計啦… 之後去賤build拎返大堆功課，然後正想返宿繼續做功課之際， 比人召左去u gym練習…因為之前報左名同同學玩拉機接力賽~ 所謂拉機即係拉d划艇機，我地CE都有堆同學成日玩呢家野… 我今次都係第一次去u gym間健身室，原來都幾多野玩喎~ 仲以為划艇機拉下拉下好容易，原來都好多動作要跟架… 結果玩左兩個鐘，幾好玩，但玩完都幾累~ 跟住去coffee con食野~嘩…好耐冇食過啦… 響果度坐左足足半個鐘梳化，真係賞心樂事~ 之後去賤build開ocamp會，原本係小花園開， 不過唔夠位又落雨，結果走左去IE lab開…勁迫… 好彩今次唔係開好耐，8點幾已經完啦~ 之後返宿…有兩個同學上黎坐左一輪先走， 跟住就做埋d功課，然後再執埋野啦… 執緊果陣…深感不妙…銀包不見了… 搵間房地毯式搜查一輪都搵唔到，再諗番之前… 返宿之前響百萬大道借左張學生證比人，之後趕搭校巴， 最有可能係響呢個時候跌左銀包… 既然宿都搵唔到就唯有直接落百萬大道搵， 一個人，夜媽媽，仲要落住雨，都咪話唔悽涼… 經過地毯式搜查之後都係搵唔到，唯有去保安組記低先… 跟住再即刻打電話報失返兩張提款卡… 其他野暫時唔重要，唯有返宿等消息囉… 唉…o岩o岩先話搵到份補習，轉過頭又竟然唔見銀包… 好彩呢期銀包唔算多錢，不過要補領返d野都幾麻煩… 好多人話中大唔見銀包幾大機會搵得返，望就咁望啦… 不過上個禮拜先話唔希望人地再擔心我， 估唔到今日又要令人擔心、令人失望…唉… 但今次冇太唔開心啦，係覺得麻煩o者… 仲諗住今日用d時間溫書添，結果當然冇哂時間啦… |
| Esther 2004/03/26 09:06 身分證呢?  我打去差館佢話唔使報失… |
| Esther 2004/03/26 17:44 好彩咁快物歸原主, 以後小心啦! 我重未完全康復, 真論盡。 知道啦~ 保重呀… |
| 培正仔 2004/03/26 18:53 原來你都有份抄功課..哈哈 希望你快些搵番個銀包... 其實9成人都有抄…不過其中2成人抄得有技巧o者… |
| 彩漫草 2004/03/26 21:44 都係唔小心o者 用D有拉鏈的褲袋啦…… 我不嬲唔係放銀包落褲袋架喎… |
| 豬 2004/03/27 00:38 哎呀呀..下次小心D保管自己D野啦~ 未咁大頭蝦..幸好搵得返!!!^^ 呵呵...真係有夠運的~~~ 知道啦~~ 呵~真係算好彩~ |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |