| 今朝一朝早就要去洗衫…好彩今次部機冇事，順利洗好d衫~ 跟住上堂…一路聽書一路背交職份致辭囉… 幾好架咁樣~慳時間不特止仲可以避免訓覺…真係一舉兩得~ 今日難得早放，不過去食飯之前要返宿拎套suit比交職個MC， 唔該同房借出套suit~如果借唔到都唔知點算… 晏晝去上天文…已經好耐未上過呢堂啦… 今次原來已經講到木星，都講得幾有趣喎~ 最後講到海王星，不過幾有趣極我都係怒訓… 上完堂又被屈請食檸檬批…又會呢個時候有咁多檸檬批響度o既… 食完就趕返宿換suit，準備今晚交職典禮！ 執好d野就落去賤build，去到soc房已經見到成班莊員換好suit， 仲要咁多人迫哂響裡面換衫，情況都幾搞笑~ 等到人齊之後就拎野落王統元堂，即係交職典禮o既會場~ 然後就繼續搬野、準備場地，6點幾先可以開始綵排… 搞左半個鐘就開始迎接各位來賓啦~ 今次我地除左請哂所有engine soc之外，仲搵左4個其他U o既soc~ 唉…我事前冇準備點樣同d人social，所以都冇同d人傾好耐… 最衰係要等自己中大d人，搞到時間拖左幾耐下… 到7.半交職典禮就正式開始，等上莊個P致辭後就輪到我啦~ 我諗大致上都OK啦，都講得幾順o既~之後宣誓都冇乜問題~ 之後仲有派紀念品同影相時間，我一直企響出面冇得返去坐… 完哂之後有茶點，但係我又要同系主任傾一傾野，搞左陣先出到去… 跟住無啦啦又要social一番，最後只係飲左兩杯汽水， 之後又係咁同人傾野，到得閒少少果陣一望，所有野食都已經清哂… 最後等所有人走哂，都已經8.幾，仲要執完野先走得， 企左成個鐘…又餓又[支力]，都幾辛苦下… 不過成個典禮總算順利進行，辛苦d都值得o既~ 跟住返lab擺低d野，然後就返宿換衫，準備出去食宵！ 終於有機會同所有莊員一齊出去癲番晚喇，實在太好喇~~ 9.半落到火車站，好快就齊人，之前開會都唔見大家咁準時… 嘩~我都好耐冇試過出火炭食宵喇~好令人懷念… 班人一開始就嗌左半打啤酒，都幾誇… 做得P…要敬番班莊員幾杯都預左架喇…但係佢地話要每人敬一杯… 我已經盡量就住就住…但最後都唔知飲左幾多… 經過新年果次之後，我真係唔敢飲得太盡啦… 所以都要扮下醉咁，廢事比佢地繼續怒隊… 之後成12點就飛的返中大啦…都幾盡興o既~ 佢地以為我真係醉左，返到去都要送我返宿添，哈~ 沖完涼，上陣網就訓覺啦~今晚點幾就訓，好耐未試過咁早~ 嗯…今晚交職總算一切進利順行，算係咁啦~ 不過我知我d social技巧仲要慢慢改進，繼續努力啦… 同埋終於可以成支莊一齊出去食宵，總算完左我心願~ 但係今晚竟然冇猜枚…美中不足喎… |
| 培正仔 2004/02/26 20:17 能夠上堂一心幾用...勁 你扮醉...哈哈  我平時上堂訓都係因為一心一用… 梗係要扮下啦~唔扮唔得… |
| 豬 2004/02/26 21:23 哼哼哼~死仔飲死你呀!因住中酒精毒..毒瓜你呀!嘻,不過 都係個女人型型d呀!^^可惜無緣見到...!抵佢! 嘩…唔使咁毒呀? 佢…哈~ |
| 咖啡 2004/02/28 21:49 下次要灌到你真醉至得 你仲差我地兩杯o番 唔係卦… |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |