| 去完科大camp抖左兩日後，今日又去個塘福兩日一夜camp， 今次係第一次同網友去camp，而且我仲係團長， 一早起身執齊野，10.幾就出發去東涌… 開頭諗住一齊食左飯先買野入塘福，點知最後得兩個人撐檯腳… 食完就去返地鐵站，等齊人就落百佳分三批行動， 分別去買燒烤用品同零食雜項，不過個個都玩野， 放哂D唔等使o既野落架車度，結果用足一個鐘先買哂所有野， 淨係零食雜項都已經買左張半米長o既單出黎… 買完野行番出去，見到出面突然滂沱大雨， 「我次次去親camp都落雨」呢句的確冇錯… 行到巴士站要極速衝過去，有遮都搞到成身濕哂… 我記得我過去一年只係去過大嶼山三次， 三次都係等巴士時落大雨，真係巧合… 等左成半個鐘先有車，此時已經陽光普照… 坐左大概半個鐘巴士終於去到塘福， 然後行過九曲十三彎o既小徑，終於去到間渡假屋~ 三房一廳800呎，設備都唔錯，同上次去貝澳都差唔多… 環境都算唔錯，不過衰在隔離有個草地，惹到成間屋都係蚊… 我為左夜晚BBQ，所以book左地下o個層， 大家去到就自然將D野放低哂，點知成半個鐘之後， 有另一批人走入黎話book左地下， 個負責人叫我畀張單佢睇下，佢指住個3字話原來我係book左三樓， 結果我地要捧哂D野上三樓，搞左幾個字… 呢個故事教訓我…下次收到D單要睇清楚所有字(包括冇意思o既數字)… 安頓哂之後大家就開始各式各樣o既活動， 打機o既打機，打牌o既打牌，鋤D o既鋤D，我就吽一陣先… 跟住我地無無聊聊就拎副UNO出黎玩?棉胎， 結果由6.幾玩到8.幾終於玩完，簡直玩到人都癲… 朝早11.幾食左碗麵…捱左9個鐘都已經好肚餓， 於是開始落去透爐，今次落完雨都算透得幾快，燒左兩張報紙就搞掂… 然後大家就拎野落黎開始燒喇~ 原本我一直都喉嚨唔舒服，不過實在太肚餓， 都唔理得咁多，結果燒到成11.先燒完… 大家燒左一陣就陸續上返去進行各項活動， 淨番幾個繼續留守爐邊，不過就唔係為左燒野食， 而係為左玩…將各種物件拎哂入個爐裡面燒， 結果玩到12.幾先玩完… |
| M 2002/07/26 08:22 不過個個都玩野，放哂D唔等使o既野落架車度←好明顯唔 係個個啦, 得零食果架咋嘛  係囉…我呢邊實在非常混亂… |
| 二姨 2002/07/26 11:11 其實個三字係電話號碼其中一個字都唔定, 人地可能" 哈"你地細細個同埋斯斯文文呀! 唔係卦… |
| 彩漫草 2002/07/26 22:42 你下次去撒哈啦camp啦~ 又大雨... 係咪你同我去先? |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |