| http://schedule.edwardfung.com是日正式啟用！ 禮拜一，又再重新投入工作… 首先要處理o既係個桌球網，要擺幾條video上網… 呢個唔算煩，最煩係capture番D圖出黎， 搵左勁耐都搵唔到software做到呢個效果， 結果係唔知點樣狂噤print screen先搞到…真係人都癲… 其實搞掂哂個網已經係午飯之後o既事，之後繼續到個公司database， 做做下「嘟嘟嘟…」，「疫區除名」，yeah~ 咁多個月黎o既包袱終於都完全消除啦~(雖然我自己一早已經冇哂包袱) 睇完個記者會繼續開工…進度都麻麻…聽日先算啦… 夜晚用左唔少時間同人傾氣象迷聚會，釣墨魚定去長洲食海鮮? 講左個幾鐘都冇定案…都要聽日問番清楚D詳情先算… 其他時間咪grad VCD…今晚由我親自出馬執grad din相， 但都搞左幾耐下…睇黎隻碟都要繼續delay… 「你點可能成日都對住部電腦架?」 「屋企D野乜都唔知，你好似唔屬於呢間屋咁o既?」 唉∼你估我想架咩…工作迫人呀… 驟眼望埋去，一路做野，一路聽住歌、開住ICQ，幾輕鬆呀… 但其實我個腦一D都唔輕鬆…一路要計劃之後D野要點做… 望住個ICQ…好想搵人傾計…但都冇咁o既閒情…(而且都冇人hi我) 好想出去玩…但我而家都已經忙到唔敢再約人… 因為我已經迫不得已咁做左飛機王… 好想搞好wic同埋呢個網…但睇黎真係遙遙無期… 我已經忘記左…仲有舊生會網要搞… 雖然grad VCD仲有排都做唔完…但唔知點解…我竟然冇勇氣叫人幫手… 如果我自己做埋淨低o既工作，我恐怕一世都做唔完隻碟… 唔係講笑…7月起碼有兩個camp，8月仲有O camp， 如果唔可以響暑假內及時完成…入到U唔使旨意有時間整… 我已經唔迫自己響咩日子之內完成，但我唔想呢個假期又咁樣過左囉… 如果ICQ可以見到句：「有乜野可以幫到手？」…已經心滿意足了… 無啦啦又呻左三段添…我都估唔到咁平凡o既一日都可以咁長… 不過我驚…如果D工作一直都做唔完…我會怕左部電腦… 基本上我而家除左聽歌之外，我使用電腦o既90%時間都係做緊野… 弊喇…U我差唔多全部揀哂compu…如果真係驚左部電腦咪好慘… |
| Esther 2003/06/24 09:16 一定要學會在有需要的時候發出求救信號, 將來在社 會做事亦一樣, 老板只會看結果, 不理你做的過程是困難重重抑或輕而易舉, 亦不理 你單打獨鬥定係千軍萬馬的完成, 所以你要趁機吸收經驗學習如何安排人手。  嗯…其實我之前已經分哂D野畀人做… 而家果D唔係咁方便分畀人做o既… |
| Ming 2003/06/24 18:13 powerdvd得... 勤有....(佢d mtv呢~~) 你知就好啦 次次約親你都係有野做 一次兩次唔緊要 但係好多次喇 雖然知你係迫得不已 但係你諗下其他人點諗 唔好再一個人喇 有d野要團體精神先可以完成 雖然我唔清楚你地點搞vcd 我搞club先至明白到呢樣野 平凡既生活, 唔代表你既內心世界都係平凡 多d講你自己內心果句出黎 人地又清楚你點諗 你自己又舒服d 有需要仲可以幫到大家 電腦係你架喇 冇得淆底 哦…算啦…已經搞掂咯… 我當然知被放飛機係好難受…真係對大家唔住… 所以我都唔敢再約人…不過有時撞期撞到七彩…啊… 不過我忙還忙，同得大家出去我一定會好好珍惜囉… vcd…同上啦都係…而家總算分左一截工作出去啦… 咁我上年都有搞club，梗係明呢D啦… 不過有時自己做仲方便D咁解… 可能係我要求高囉…寧願自己做得好D咁… 哈~估唔到係你叫我講內心果句… 你平時D日記全部都短過呢個留言… 其實我多數係生活不平凡而內心世界平凡… 所以日記多數都係記敘式~ 係間唔中先咁有感慨o者~ 嗯…咁我諗都係…始終做乜都不離電腦… |
| 彩漫草 2003/06/24 21:16 cap圖唔搵我？ 我百幾張都搞得掂咯 知你忙就唔會立亂hi你 快快send哂D o野俾我 我而家好得閒 公司野…廢事搵其他人啦…同埋果陣你都唔響度… 我明o既…不過就算我得閒都唔會有人知… send哂啦~ |
| 凱凱 2003/06/24 23:49 小心超出負荷 我已經感覺到你既精神亮起紅燈 希望係我錯覺 記得有苦盡情呻，唔好谷爆 咁我諗冇超出o既…係時間比較緊迫囉… |
| Esther 2003/06/25 09:03 0我.... == 好多人關心你0番! == 朋友意見總有值得參考地方, 留意一下自己的一切, 別要超出負荷, 知道嗎? 嗯…多謝大家啦~ == 絕對值得參考啦~ |
| Esther 2003/06/25 09:08 你與我用同一個模式列出每日約會、特別事項等等, 好好用0尼^^ yes~ |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |