| 今日約好左阿姨上黎教佢打倉頡，朝早起身洗好面就準備迎接… 其實我自己都唔係好熟倉頡，我都只係盡量教… 不過好彩點拆碼o個D尚算記得，都叫做教到D basic野啦~ 教左個幾鐘就教完，跟住就繼續wic時間~ 原本見踩完冰對腳仲有少少痛，諗住今日吽響屋企算數， 不過下晝網友問我出去唔去睇波，我諗出面睇波氣氛唔錯， 而且又想睇下塞內加爾，所以決定睇夜晚o個場~ 諗住完左晏晝場波先約，不過最後要打埋十二碼， 結果時間勁"吻"水，5.8先約好時間地點，要響6.3前出到奧海城， 於是即刻飛奔出去，雖然搭小巴時有D阻滯， 不過都好彩轉東涌線唔使等，結果6.1就到達~ 然後係晚飯時間，去到個foodcourt先知佢6.半就閂門， 即係我要極速食飯，結果我用左5分鐘就食完一大碗拉麵， 再加兩隻餃子同飲完杯可樂…破哂個人紀錄…真係好佩服自己~ 食完就行去平時新聞成日影o個個「西九龍某商場外」， 距離開波仲有成個鐘已經好多人響o個度， 我地set好張蓆就一路鋤D一路等… 突然一陣歡呼聲，原來畫面已經去到比賽現場~ 幾分鐘之後比賽就開始，嘩嘩聲不絕，多人睇氣氛果然唔同哂！ 上半場完左之後大家都忍唔住要起身…對腳已經好[支力]… 順便交一交水費…不過廁所大排長龍… 下半場就轉眼開始，轉眼又結束，結果0:0，仲要打加時… 不過打左幾分鐘就完，咁都畀土耳其贏到… 完左場就排住隊走…仲要被迫拎埋張蓆返屋企… |
| 靚蝦王 2002/06/23 01:31 唉,今朝西班牙真係輸得好唔抵呀,都唔知係咪南韓收 買左個球證,明明巴拉查同摩連迪斯o個兩球係冇犯規,但係就俾球證判食詐糊,真係冇 陰公呀!>_< 塞內加爾同土耳其就悶戰一場啦,迪奧夫全場都俾人mark住,毫無表現,成隊塞內加爾 好似冇哂力咁樣! 唉,今屆世界杯對我黎講己經可以話係打完喇,最鐘意o個幾隊已經出哂局,都唔知出唔 出去睇決賽好喇!>_< (呻完一輪,個心都算舒服d啦)  ...我冇你咁有研究 |
| 羊~ 2002/06/23 01:00 哈哈...時間呢樣野真係不可思議 今朝之嘛...你話教人打字... 我當左遠古時代lu~ 時間係咪過得好快呢? 唔敢講 不過暑假真係會過得好快~ 珍惜! === 你丫...梗係搭左我走左果班車 遲你成10分鐘仲唔係?! 唉~~~ 冇計啦~~ 你臨出門口先叫我 有咩辦法唔遲喎~ 不過最衰係冇得試下個foodcourt 封鬼左 >< === 睇波...其實今日場波真係好悶下 加上我有好多有關足球既知識唔充足 個波入左但係「越位」唔計 究竟咩叫「越位」呢? 其實已經有好多人解過比我聽 但係始終唔知做緊乜 算啦~~睇波呢種娛樂唔太o岩我o者 我都唔想呀..佢地咁遲咁打黎催我即走.. === 嗯..我覺得呢場ok啦..起碼比起響屋企睇有氣氛好多~ 越位呢…自己睇啦 |
| Brian 2002/06/23 00:53 wa~~~ 腳仲痛...... 我冇痛過ar..... 只係呢兩日ル炎 點同啊..我踩左幾十公里喇.. |
| M 2002/06/23 12:04 免費送成張蓆比你仲想點 真係多謝哂^^ |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |