| 今日冇節目，留響屋企渣攤~ 補寫日記、上網、睇報紙，咁就一個朝早… 食完晏，諗住睇番套VCD，不過最後都冇睇到… 今日係近期比較低沉o既一日… 首先一來屋企呢排又有d嗌霎…我都幫唔到咩手… 跟住又冇咩心機做野，基本上成日都冇做過野， 淨係諗莊員自介都諗左成個鐘…成個人吽哂… 仲有聽日o既大同踩單車面臨爛尾…呢個先最灰… 或者我係一個唔識得放假o既人… 一方面又唔搵d工作放假做下， 另一方面唔做野又覺得好冇意思咁， 即係有節目o既話都仲可以忘記下d野， 如果果日冇野做…好似今日咁…就成個人頹哂喇… 咁到底我應該係出去玩? 去搞莊務? 對住部電腦? 原來冇功課、冇考試，並唔係我想像中咁好玩的… 即係我又唔係d咁讀書o既人， 但似乎我呢個假期真係冇乜目標… 呢樣野對於我黎講都幾慘… 或者…我需要搵個人同我吹下水… 或者…我需要一班人同我出去癲番日… 或者…我需要… ===== 今日係冬至，夜晚落去食飯做節~ 幾好[食送]架都，不過今晚d氣氛奇怪左d囉… 我仲要夾住坐響兩個老人家中間… 食完返上去…用左陣電腦…傾左陣電話… 電話裡面同人傾好左…單車團延期… 最唔想見到o既野發生左…唯有希望延左之後搞得成啦… 今晚係非常難過o既一晚，唔係唔開心果隻「難過」， 係d時間真係唔知點過…冇電腦用、冇其他野可以做， 屋企人入哂房訓覺，得番我一個響廳睇電視… 仲要冇節目好睇，都比我睇左兩粒鐘… 好想有人突然打電話約我聽日出去， 但係我又從來唔會提起勇氣，去打電話約任何一個人… 我都唔知自己想點… |
| LiAh 2003/12/23 06:41 但係我又從來唔會提起勇氣，去打電話約任何一個人…  哈~你就應該提起勇氣啦~ |
| Esther 2003/12/23 09:44 其實我似乎與你同一感受, 都幾怕放假, 唔會主動約 人, 但亦無人會約我, 「乾坐」好似十分浪費時間, 好無奈!有關家事一項, 你已經 幫了大忙, 因此晚飯時間氣氛良好, 全賴有你和筠姨媽 或者我同你都係工作狂… 呀…我都冇做到乜野啦…希望大家唔好再為左件事唔開心啦… |
| 中大校友 2003/12/23 17:41 覺得悶咪打電話比我. 可同你出去睇戲,一連睇幾套都得. 你就好啦!冬至可同屋企人食飯,我相 信我有生之年都唔可以... 噚晚唯有同班培正仔夜遊工展會渡過 2003年的冬至. 嗯…你唔係好忙嗎? 咁起碼都有人陪你出去o既… |
| 豬豬豬豬豬豬豬豬豬豬豬豬 2003/12/23 18:50 唔好咁悶啦~要出菇一齊出麻!!! ><得閒陪下我玩啦~ 我唔要出菇! 你得閒陪我玩先講啦~ |
| Yun~＊ 2003/12/23 20:42 到此一遊~ 咦，阿潤~歡迎~ |
| 彩漫草 2003/12/23 21:57 聖誕最怕寂寞…… 拍下拖啦 呵~你估我唔想咩? 都要遇到一個有feel o既先得架… |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |