| 今日係人月兩團圓o既大日子，梗係要大肆慶祝~ 首先朝早就去同網友出旺角唱K，自從開學都未唱過， 今日終於可以盡情咁唱下喇~好在把聲都OK，唱3粒鐘都冇乜問題~ 唱到2.就散band，網友就去西貢準備燒野食，我就返屋企先， 因為夜晚要同家人BBQ，諗住食完先再join佢地~ 返到屋企有兩三個鐘頭空閒時間，主要都係對住部機， 然後等到5.半左右就準備過去阿姨屋企， 因為有老弱婦孺，所以勁近都要搭的士， 不過期間一波三折，結果都用左半粒鐘先過到去… 今年已經係連續第三年中秋響呢個天台度BBQ， 往年天氣都係麻麻，諗住今年好D，應該見到個月光， 不過燒左一輪都仲未見到，直到8.左右先開始見到，於是即刻影相~ 食到8.幾都飽飽地，而且個肚有D嘰哩咕嚕，所以都係唔食喇… 此時網友已經打黎，所以都係決定失陪先，然後就搭車去西貢喇~ 搭左大半個鐘地鐵終於去到坑口，然後再搭的士去銀線灣， 去到已經見到下面非常熱鬧，跟住就行樓梯走落沙灘， 落到去就見到網友響度迎接，然後就跟佢地行， 沿途好多碎石，而且又勁黑，周圍都係D用石仔搭成o既爐， 個feel好似劫後餘生咁…行完一輪終於都去到， 只見大家已經食完一輪野，響度玩緊蠟燭， 此時我個肚仍有D嘰哩咕嚕，所以都係唔食野， 既然都冇乜好做就一齊玩下蠟燭… 過去兩年中秋都冇玩蠟燭，今年再玩已經有D生疏~ 大概10.幾有個網友打黎話加入，不過佢響巴士站唔知點行過黎， 於是派幾個人上去迎接佢，順便買D飲品， 由於路程偏遠，所以行左幾個字先見到個網友， 然後再行下搵下有冇百佳士多之類，不過沿路都係荒生野嶺， 都唔慌會搵到…唯有放棄，落番沙灘個士多買D水算數… 返到個基地都已經11.幾…回程期間已經開始覺有D雨， 不過返到去已經冇乜，所以就繼續玩下蠟燭咁… 直至差唔多12.雨勢突然加大，大家即刻搵辦法避雨， 好彩我地有兩把遮，於是一行八人即刻匿哂入去… D雨一直都唔停，D蠟燭好快就熄哂，淨番個爐未熄… 我地諗住等D雨停先走，因為4個人一齊行都好難郁… 不過落左半個鐘似乎越黎越大，而且四圍行雷閃電， 附近D人又走哂，而且仲有棵大樹響隔離， 仲見到D水響上面湧落黎，好似山洪暴發咁， 大家就唯有冒住雨咁走，去到有瓦遮頭的地方就即刻閃入去~ 我地又諗住等D雨再細D就離開，不過仍然係越落越大， 企左響度成粒鐘都走唔到，唯有睇下閃電先冇咁悶… 直到2.左右有人唔知點樣買到D便利雨衣， 既然雨勢都冇減弱跡象，大家就決定冒雨離開… 期間行過條樓梯口，D水好似瀑布咁衝落黎，對鞋即刻入哂水… 上到去就分兩架的士去返坑口站，期間迫到不得了， 好彩幾分鐘就已經去到，然後大家就各自返屋企… 雖然響地鐵上都好眼訓，不過因為成身濕哂， 畀冷氣吹到好凍，所以我都唔敢訓，廢事冷親… 3.1終於返到荃灣，見到小巴站個告示：「延長服務至3時」… 跟住有個人走黎問我同個網友一唔一齊搭的士， 於是一行三人就截左架的士返去… 結果今日總共搭左四次的士，仲要四次都冇跳錶，真係搞野… 返到屋企第一件事當然係沖涼，然後再上下網… 因為去到銀線灣都冇食過野，所以都好肚餓， 出去食左個杯麵，去到4.9終於上床訓覺~ 我諗今日都算係最難忘的一個中秋節了， 雖然唔係好見到個月光，但真係非常刺激… |
| Esther 2002/09/23 09:17 嘩!!個月光好靚呀!!! 係咪在寒舍之天台影?  梗係啦~ |
| 彩漫草 2002/09/23 21:44 正所謂能醫不自醫... 能測不自測 一句講哂：天有不測之風雲… |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |