| 今日去左東莞餃子團及電子產品工廠一天團~ 其實係其中一個course焗你去o既參觀，睇下d廠點運作咁啦… 成班人一齊搭旅遊巴上去，好似以前中學去旅行咁… 不過旅程一開始就有d擔心…架車竟然唔識離開中大… 一開車就好gap咁剷左上lady shaw條路，用左半個鐘先走到… 都有一年冇踏足過祖國o既土地啦~不過其實冇乜感覺… 坐左兩個幾鐘車終於入到東莞，不過司機竟然又行錯路… 行行下前面竟然無路可走，都唔知點兜先兜返轉頭… 最搞笑係當架旅遊巴進退兩難之際， 司機仲指住遠處o既目的地比我地睇，真係啤一聲… 好辛苦架車先倒後行返出去，跟住去左食晏先，都成2點啦… 去左間拍烏蠅o既餃子店，除左d餃子同豬手以外其他菜式一般… 最後都係食唔飽，好彩都係每人10蚊o者… 等野食期間大家攤哂d回鄉證出黎…交換小學生個樣黎睇，哈哈~ 跟住終於就入去參觀啦，今次睇vtech，都算幾出名丫~ 首先去左間幾靚o既房簡介下，又睇過下間公司o既產品， 之後就去睇下個工房，睇住大堆女工響度開工， 雖然有人一路解釋住，不過現場太嘈，都聽唔到太多野… 睇完生產線再睇下d測試工序，成個visit就完左架啦… 跟住又花左兩三個鐘回程，塞車呀，撞鬼… 都唔知特登花成日黎搭車，為左睇呢個工廠，到底係值唔值… 其實的確係見識到d野o既，我今日都係當去旅行咁去~ 回程期間一路望住個時間一路擔心緊， 今晚shaw千我地趕唔趕到返去呢… 最終返到中大都係miss左架校巴，再等下架就遲到… 結果又上左大埔道截的，都準時趕到去，好彩~ 今晚嘉賓好多呀，有薛家燕石修朱咪咪pingpung周國賢， 仲有stephy同theresa，整體黎講個氣氛都幾好~ 朱咪咪簡直帶起整晚高潮，反而壓軸o既endy就失左色… 今次同班ce佬坐都幾high呀，希望以後都keep到啦~ 不過今晚出現左d小意外，打邊爐搞到有張檯著左火… 張檯o岩o岩o係正我前面，都有d驚心動魄… 朱咪咪出場果陣，佢要搵個人同佢合唱… 我竟然比人叫左出黎，不過最後冇比朱咪咪揀到… 但其實如果我出左去，都應該幾好玩架~ 因為出到去合唱果首《相思風雨中》， 我以前細細個響屋企幾鍾意唱架，哈哈~ 完左shaw千之後班ce佬又去左打機，原本話玩大富翁， 最後因為冇電腦用轉移左去另一間房打winning， 打到成5.幾先走，終於比我贏到一鋪啦，哈哈~
|
)
| 彩漫草 2005/01/23 18:59 前台??正喎 下次同你打番鋪先……  前呀~ 好呀… |
| Esther 2005/01/24 09:31 間廠大唔大嫁? 係「家」燕姐呀! 我有次參加勞聯千人宴都俾「黑妹」點左上台合唱一首「卡門」, 上台同真正歌手合唱幾好Feel嫁。 我覺得都好大呀… 改左啦… 正喎~ |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |