| 訓左6個幾鐘就要彈起身(對於我黎講係極唔夠)，因為要去book場for舊生會足球比賽… 走左上石圍角等埋另一個舊生會幹事，之後就行過去城門谷， 去到只見最靚o既timeslot都畀人book左，結果唯有book個星期六上晝… 然後過學校開locker拎番D野，期間打畀主席， 點知又話要book埋籃球場、又要拎野去洗，另外仲有同學話要幫手買菲林， 結果兩個人響石圍角團團轉咁忙左個幾鐘囉… 返到屋企就飛髮啦…噚日想飛都飛唔到… 之後又趕住返屋企食飯，跟住再補寫日記， 然後就換番套靚靚西裝，整裝待發去grad din喇！ 話明grad din梗係夜晚先食啦…不過我應承左做技術支援，所以約到成3.咁早囉… 著住件西裝真係響屋企都已經出哂汗，好彩我有備而戰，帶定風扇！ 原來約埋一齊去o既主要目的係幫手拎野，淨係D抽獎禮物都已經拎到手軟… 仲要行一段路先去到地鐵站，真係汗流浹背…好彩站裡面有涼風吹送~ 等埋另一批拎野o既同學就出發囉…嘩，D女同學化妝化到認唔到添… 今次grad din o既地點係美麗華酒店，仲包左成個廳，都幾豪架~ 去到整頓好一切之後大家就開始勁影相~ 我再set好哂D電腦設施之後就o岩o岩好6.「恭候」時間~ 同學們陸陸續續黎到，又要同佢地影相啦~ 跟住又有其他電腦野要搞，都冇時間同班人聚下添… 等到7.幾終於齊人，節目正式開始！ 一開始當然有校長班主任同學講D感人至深o既說話啦… 跟住係舊生會時間…不過完全唔關我事…係主席出黎講野咋… 哈~都估到佢咁長氣啦…講得仲多過之前果幾個… 之後係大合照、大抽獎，然後到我播條片出黎， 不過一開始冇聲要播多次…有少少樣衰…是但啦… 雖然唔算好多野食，但都幾好食~不過食左兩round之後就要開工喇… 要影番D相擺落grad VCD啦，又無啦啦畀舊生會主席召去個counter幫手… 不過個主席認真唔講得笑，竟然召到全班100%入會，真係畀十萬個服佢… 跟住又要搞電腦，播番D精心製作o既MV…我都有份架… 曾幾何時話有個神秘任務，咪就係拍MV囉！日記公開！ 嗯…剪完出黎個效果都幾好丫，起碼冇變態feel… 仲有另外幾個MV都好搞野，我地果個都一般啦~ 播哂片之後到遊戲時間囉…收買佬…真係唔知玩過n+幾多次… 不過都幾好玩o既~最衰係成日要coins…我冇拎散紙包出街呀… 可惜我地果檯次次都拎錯少少野，最後負分包尾…不過唔緊要啦~ 最後仲有壓軸抽獎環節！D獎品好勁呀！但係我一份都冇！ 抽完獎…都成11點…節目話咁快就到尾聲喇…真係唔捨得… 不過大家又話要再睇多次d MV…就響播緊果陣竟然有個客打黎…真掃興… 然後過左陣…最friend果咋就走先…但我都未執好野…況且我都想留多陣呢… 其實我仲未食飽…見D野食都未收哂就食多兩轉~ 最後成班人hea左一大輪，成12點先離開~ 行到去地鐵站班人又唔知點解企左好耐，結果都係成班搭地鐵… 不過成堆人仲走去旺角食糖水…我一來[支力]二來唔想飛的返去，所以byebye啦… 返到荃灣時間係12:48，直衝去小巴站，人影都冇個… 正打算截的士o既時候終於有架小巴駛埋黎，好感動啊~ 返到屋企第一件事梗係沖個凍水涼啦~今日真係全身都係汗… 跟住上多陣網就訓啦…實在眼訓到要死… 嗯…個grad din真係超正，真係玩得好開心~ 經過上次去clubhouse之後，我原本諗住今次咩都唔理，盡情享受個grad din， 不過都估唔到最後都咁多野要搞，同同學慢慢聚下o既機會都冇…幾可惜囉… 同埋今次影完大合照之後，睇怕都冇乜機會再影咯… |
| Esther 2003/06/21 12:48 點呀點呀? 成唔成功呀? 好玩嗎? 你一定好夜返, 無寫日記0即?  一個字：正！ 第日補寫囉咪~ |
| 貓貓 2003/06/21 14:41 咁忙都幫我買，真係唔該哂~ 唔使客氣~ |
| 彩漫草 2003/06/21 22:41 咁真係要多謝你拎得咁辛苦……我[手羅]住架車都覺 [支力] 梗係豪啦，俾左唔少＄＄＄ 但係我最鍾意你地個MV呀，"steven哥"…… 唔使多謝我喎…要多謝就多謝grad din班搞手啦~ 係喎…仲諗住坐你架"車"返去添… 嗯~不過都物超所值o既~ 下話~多謝捧場喎 |
| Ming 2003/06/22 09:22 咦 我好多時都係訓六個幾鐘 可能習慣左 grad din對我黎講 心情真係超矛盾 一方面又好開心... 一方面好唔捨得... 啊~真係勁羨慕你~好似從未見過你o既眼訓look… 基本上個個心情都係咁架啦~ 不過我地通常係將開心o既心情掩蓋哂唔捨得o既心情~ |
| Esther 2003/06/23 09:07 帥哥 + 美女 = 一個超正晚宴!! yes!! |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |