| 陸運會第二日(嚴格黎講都仲係第一日)，又要一早返學校幫個人搬野， 結果o個個人都仲係遲到，我地唯有打下波黎打發時間… 今日佢冇遲得咁犀利喇，不過衰在有個人行開左， 結果要三個人捧一部laser printer同四部notebook，真係咿R… 好彩之後有人幫手… 去到個會場放低D野之後，就走返上控制室準備… 首先係開幕儀式，然後就好快咁開始比賽… 原來學校真係想將兩日o既比賽縮埋響一日進行， 結果搞到控制室呢邊都勁忙，要不斷顯示召集運動員o既訊息… 可能我緊張得滯，搞到要經常去toilet， 但其他人又同時玩同一個項目，搞到冇人控制咁滯… 之後有100米，召集o個陣我仲做緊野，結果遲左少少， 最後釘鞋都借唔到就要去跑，結果跑尾三，算係咁啦… 然後上返去冇耐又要再跑800米，此時已經勁[支力]，唯有死撐… 一路做熱身對腳都已經好痛，幾驚連800米都跑唔到… 好彩最終都完成到個賽事，都有尾四o既成績… 食完飯返黎就繼續賽事，仲要不斷召集，我聽都聽唔切， 我仲心諗點解咁耐都未有跳遠，過左好耐望清楚D， 原本下面D人已經一直跳緊，唯有極速換衫補跳番… 第一次竟然踩界，第二次為左就住結果跑到慢哂， 最後都僅僅過左4米，OK啦… 返上控制室先知要準備閉幕儀式，要整埋邊個社有咩獎之類， 結果儀式開始之前o個十五分鐘控制室呢度極度緊張， 電子計時組4個組員再加一位幫手o既同學要齊集響裡面做野， 忙到我差唔多心臟病發咁滯…可惜最後都整唔哂要整o既野，算數啦… 因為個儀式有好多嘉賓，所以絕對唔可以出錯野， 直到D嘉賓致詞o個陣我地先可以抖一抖，仲有閒情影相留念… 好彩最終個儀式都順利完成，大家可以鬆一口氣了… 估唔到兩日o既賽事真係可以響一日內完成， 不過可惜係部分項目被迫取消，連畢業長跑都冇埋… 話說F.5 o個陣得F.6同7有得跑，到F.6就竟然得F.5同7有得跑， 即係話我地呢個form已經連續兩年冇得跑， 到最後一年都要取消就真係極度唔抵， 於是兩班F.7都決定無論如何都要自己跑番一次， 我地班仲要換哂班衫先出黎跑，等齊人就正式出發~ 「7B!7B!」一路跑大家一路大嗌，大家心情都勁高漲~ 雖然大家都勁[支力]，但好似興奮可以令大家忘記所有疲倦， 仲越跑越快，過左一個圈之後就以除左面頭件班衫，以另一件班衫示人~ 然後大家手拖手一齊跑，個感覺勁正~ 朝早跑800米一直心諗「快D跑完啦」，不過今次我仲想跑多兩轉! 跑完之後大家就響跑道合照留念，跟住就大家就為個同學慶祝生日， 大家仲響跑道上面圍圈食蛋糕，之後仲好似好唔捨得個運動場咁， 一直響度玩水玩梨都唔捨得走，最後hEA到6.幾天都黑哂先離開~ 然後過半班同學一齊行落荃灣，去新開o既吉野家食飯~ 食完大家仲留響度盡訴心中情，完全唔捨得離開咁… 雖然傾o既可能係D唔係咁開心o既事，但見大家咁坦白講出自己o既諗法， 總好過有問題出現都唔嘗試去解決o既~ 之後就乜都講一餐，講到完全唔知時間，連間舖頭打左佯都唔知… 我要畀屋企人催番屋企先知原來已經咁夜… 搭番小巴返屋企都差唔多11.喇，雖然只係短短16個鐘， 但好似已經經歷左好多日咁，呢一日真係非常之充實， 亦都係七年陸運會裡面最難忘，最開心，最令人感動o既一次， 雖然三項比賽都得唔到D乜野好成績， 雖然要做野而冇機會同成班同學一齊欣賞賽事同埋影多D相， 雖然個電子告示板間唔中出錯野， 雖然夾埋跑左1700米，加上走上走落，成個人[支力]到散哂咁滯… 但有個咁正o既陸運會，真係死而無憾啦~~ |
| Esther 2002/11/21 09:25 咦! 溫書呀? 無寫鵅C  返到屋企太眼訓未寫啦…第二朝先補寫 |
| 森姆 2002/11/27 20:26 看你的日記己有一段時間,我覺得這日的曰記是寫得最 好.你們7B的感情真是好好呀!仲有3個月的中學生活,要好好珍惜. |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |