| 七年中學生涯，今日終於要劃上句號了… 我仲諗住會緊張到彈起身，不過最後都要要人叫先起到… 行過綠楊就入seven買筒菲林先， 買完出黎，就黎夠鐘喇添，即刻行快兩步… 第一日返學差D遲到，結果最後一日都係差唔多… 最後一堂physics堂，阿sir竟然冇返， 不過我地都大舉殺上phy lab，目的當然係影相！ 影完大堆二人合照之後就到大合照， 平均兩個人一部相機，十幾部機都要set自拍， 然後仲要逐部機set野，度位，等大家擺pose， 所以淨係影大合照都影左成半個鐘… 之後淨低幾堂都係兩個字：「影相」！ 基本上任何組合都可以影一餐， 低form同班啦、同一個社啦、同一個月生日啦… 影完成班過埋bio lab參觀「人體奧妙展」， 成個人體模型都「可以摸得個喎」！ 大家拎哂D心肝脾肺腎出黎影相，好搞笑~ lunch成班人落酒樓食飯，又掛住同人影相， 加上唔係好夠時間食，都唔係好飽添… 食完望望錶仲有五分鐘，大家即刻飛奔返去， 一踏進校門o個下即刻鬆一口氣， 因為我7年都冇遲到冇缺席呀~~可以拎多張cert咯~ 最後兩堂首先係派卷，嗯…比想像中低囉… 唔係溫得唔熟，不過D正負號寫到亂左，冇左一堆分囉… 開心左成日，o個一刻突然失落左陣囉… 希望今次測驗可以成為我黎緊溫書o既原動力啦~ 之後又係乜都影一餐，然後又走上chem lab影相， 結果中學最後一堂就係響呢度渡過… 出返黎之後又係亂影一輪，之後又好似兩年前咁， 四圍去D平時唔去得o既地方影相… 首站係6樓天台，又有一堆機要影大合照，好曬呀！ 之後比較離譜…4樓hall頂… 我從來冇想像過可以走到上面，不過大家都幾輕易擒過去… 跟住男仔參觀女廁，女仔參觀男廁… 最後成班人落左hall度影相同hEA，都hEA左成個鐘下，好眼訓… 等到成6.鐘，學校已經人影稀疏，大家先依依不捨咁離開… 雖然係依依不捨，但係就從來都冇人喊，唔通理科人唔夠感性? 但其實我地都相信考完AL之後仲會有大把機會見面， 所以根本大家之間都冇咩值得唔捨得丫~ |
| 你隻羊~* 2003/02/20 07:17 我地而家連「紀念冊」呢三隻字都冇人提過  喔… |
| 彩漫草 2003/02/20 14:39 真係好少傷感，但係唔係因為唔夠理性，而係24號 mock時候我地又見面了，反而13/3才不捨得……想想下我又想快D mock添……可以見 番大家 我諗過13/3搞個小型forever… |
| Esther 2003/02/20 18:05 低得黎都合格係馬?? 努力!! 奮鬥!! 合格o既~咁又 |
| 森姆 2003/02/21 19:33 一天一天的我在期待放學，一轉眼卻要告別校園...... 這校園，這班房，這走廊，這禮堂，告別時是我心的家鄉。 雖然我離開校園已十年多,但我時常懷念在學校的生活.尤期在中六及中七兩年間,同 學的感情特別深厚,希望你能珍惜現在,將來有個美好的回憶. |
| 凱凱 2003/02/21 23:44 有心的話∼畢業應該多搞聚會ｋｅｅｐ著份感情了∼ 我諗都會啦~ |
| Esther 2003/02/25 11:00 原來有人識唱李克勤呢首舊歌, 「森鶠v是否 Edward嚝ヰ? 「告別校園時」到而家都好多人識架啦…每逢畢業都大派用場~ 佢係網友… |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |