| 今年係學校五年一度開放日，9.鐘就要返到學校， 一入到去就有廿幾個人企響門口迎接我，幾威呀~ (當然佢地企響度係為左迎接嘉賓啦…i'm just a small potato) 上到去又好似噚日咁準備部電腦同projector， 見得閒就上下網仲玩下mini game，準備10.正先開始有人參觀~ 呵欠…噚日已經睇哂D人present，今日又要再睇一次，悶爆… 組組都present得勁快，比原定時間早左半個鐘就完， 結果搵多組夾硬present多次先走…雖然都冇乜觀眾… 之後落樓下hEA左陣，然後無啦啦走左去幫人捧水， 買左百幾支水，要用兩架手推車先推得番學校… 然後就等埋其他同班o既工作人員先一齊食飯~ 原本應承左個miss話食完飯返去搬電腦， 不過都搬唔切啦(好彩佢都搵左其他人幫手)… 但就算係咁都時日無多，o個陣已經淨番半個鐘食飯， 下晝仲要返課室搞電腦…於是極速食完然後極速跑返學校，差D遲到… 之後又再重複present朝早所有野，我都熟到可以自己走出黎講喇… 等到4.半終於完哂個present，執埋D野就走得~ 落到樓下就同班同學& miss搭訕，傾左成半個鐘先走， 此時開放日已經結束，仲有一大堆file派唔哂，於是任人拎， 我地就瘋狂咁每人拎幾個走~我都拎左成十個~ 去到綠楊又成班企左響度傾左十分鐘先走，返到屋企都6.咯… 嗯…如果要同五年前o既開放日比，我都係鍾意五年前o既多D， 今日呢個都唔係正統o既開放日，真係純粹係present野… 老實講，D人又真係唔係present得好好，最大問題係唔認真… 不過諗諗下，其實如果我仲係低form都未必做到呢亭野… 但如果要彈，我覺得高form D人仲衰… 佢地身為觀眾，但又成日掛住傾計，都唔尊重present緊o既人… 不過最衰o既都應該係阿sir，又唔控制下個場面， 仲要叫人問埋哂D古怪問題，仲要搞到最後有不愉快事件發生… anyway，呢個開放日都有咁多人黎，已經係我想像之外喇… 今日地心吸力同我作對!離開學校o個陣拎住D file七手八腳， 突然有舊野跌左落地，我部DC啊!!!! 即刻拎起一睇，好彩冇影響到個功能， 但部機多處受傷，個角位仲凹左… 部機之前已經發現有死點，原本我已經打算拎部機去換， 不過而家咁o既樣，唔使換啦下! 唉…又係careless累事，到底我要跌幾多次野先改到… 夜晚食飯，D[食送]係咁跌落地，撞鬼… 食完飯諗住設計e-card，但諗爆頭都唔知點畫， 最後畫左個超簡單的design，但都落左唔少心思架~ 各位朋友準備收貨啦~ |
| 羊 2002/12/20 00:13 心痛...部機...  嗚... |
| Esther 2002/12/20 09:28 不聽老人言, 建議過你多次用布袋裝住部機謚, 就 算趺落地都未必會太傷嘛! 係放左入去…但個袋未閂埋… |
| Evelyn 2002/12/20 10:14 I understand how you feel about the audiences not respect the presentation, and your teacher did not even try to control the situation - I've seen it all. Unfortunately, this is very commond in Chinese society, but anyway, you just be yourself and perform your best and support to the presenters. 嗯…點解中國社會特別係咁呢… |
| 彩漫草 2002/12/20 13:11 今年乜lab都唔開，好悶 咪囉…叫做乜野開放日… |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |