| 最後一年陸運會，今年除左玩哂三個event之外仲做埋工作人員， 要一早返學校幫人捧D電腦過去運動場，點知個人嚴重遲到， 約左7.半佢遲左25分鐘…8.就要去運動場點名… 不過好彩o個度冇得打鐘，遲左少少都冇人知~ 我地幾個去到放低D野入記者室，然後一出番黎就畀阿sir捉住， 要我地幫佢派號碼布…點解呢個重任會無啦啦落響我地手上… 因為出面落緊雨，所以改左上看台點名，全校30班分散哂黎坐， D號碼布又卷到一舊舊，要慢慢拆開黎睇係邊班，結果一搞就搞左半粒鐘… 搞掂就急忙走返去工作基地－控制室~ 話說兩年前知道個電子告示板可以由同學控制之後， 我就好想玩下，不過當時畀左當年電腦學會班人玩左， 到上年我做埋主席，但都畀番原班人馬玩，真係離譜… 直到今年阿sir親自問我做唔做，終於可以一償所願啦~~~ 我地呢個電子計時組有4個人，兩個負責玩塊board，兩個落下面打字， 我就做左前者(不過做後者o個兩個吞左pok)， 噤下個制全校都即刻見到個effect，真係幾好玩~ 跟住仲即場用小畫家畫過D公仔出黎，好正~ 望番出面，原來雨勢越落越大，乜野比賽都進行唔到， 記得過去六年陸運會都未試過落雨(根本係年年都係天晴)， 竟然最後一年先搵D咁o既野黎搞… 不過我都幸慶自己今年做工作人員，因為控制室有暖氣， 出面又凍又撇雨，個個都要瑟縮一角，真係慘… 最後等左三個鐘D雨都唔停，校長正式宣佈今日項目取消! 嘩…兩日又進行唔到一日o既賽事，咁到底聽日會做乜? 仲有如果真係迫哂一日搞，咁咪冇得玩畢業長跑? 不過一切疑問都要聽日先有分曉… 同學就慢慢散水，但我地工作人員就要捧番D野番學校， 然後成堆人就順便響MMLC上下網，我就好有興致咁畫圖， 大家玩左成個鐘先走~ 剛好午飯時間，於是一行四人去neway食飯(順便唱K)， 期間見到差唔多成間neway都係學校D人， 我諗全校都有十份一人黎左呢度午膳… 唱完就番屋企做野，一直覺得自己有好多野要做， 但又醒唔起係乜，結果到夜晚先諗到， 原來係打舊生會會員D資料，不過搞得D野黎已經冇時間打… 嗯…唔知點解換左床褥之後反而會失眠…係訓唔慣張床定點呢? 近排又發覺好似係個枕頭太矮，其實係佢有問題定我有問題? 去年今日響樓下見到幾十粒流星雨，o個種興奮到而家仲好記得， 今年又係呢一日高峰期，不過成日都天陰，唔使旨意睇到啦… |
| 羊~ 2002/11/19 23:35 我一直都好想玩呢亭野 丫~ 幾得意丫 === 你叫你屋企人睇下你訓緊既時候 頭部係咪平放囉 如果枕頭唔o岩要換啦 (<- 訓2個枕頭) |
| Esther 2002/11/20 09:12 你打上去? 好得意呀! 梗係要換埋個枕頭啦!  係呀.. 我最驚就係換哂D野之後先發覺原來係自己問題… |
| Esther 2002/11/21 09:23 到時咪換「個好心情」囉! 人大部份發生之問題, 其 實都係心情影響。 手上擁有半杯水, 心情差時, 會怨「得一半喳??」心情好時, 會話「正! 有半杯水 !!」 我平時訓唔著係因為心情太興奮…再換好心情會更加訓唔著… |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |