| 今日係港大開放日，亦都係三U之旅最後一站， 朝早去到等候地點…原來今日只係得5個同學去， 同科大同中大時簡直係差天共地… 去到中環就搭小巴去港大，我地一落車就畀個人捉住， 其實佢係負責介紹宿舍o既學生，仲要咁o岩係我地師兄… 跟住佢帶我地去佢個counter度傾左陣計，介紹下佢住個hall， 仲畀相簿我地睇…嘩！個宿舍完全係哈利波特o個隻， 豪得佢…不過我諗我都係高攀唔起呢款hall…畀我住都覺得唔自在… 之後我地就分頭去睇其他野，我就去左CSIS個lab tour， 又係睇下D lab咁，其中一個.net lab，係微軟贊助o既， 簡直型到不得了…最後去到個lab， D學生不斷問「你地仲有冇問題?」真係極無奈… 去完lab tour順便去埋個admission talk， 個professor一開始就講到IT界前境唔多好咁， 跟住就要勁踩科大…搞到我有D動搖…真係煩惱… 聽完個talk已經午飯時間，就搵地方食晏， 好彩撞到個已經入左港大讀o既同學， 佢就帶我地去傳聞勁好食o既美心食飯~ 雖然個canteen勁大，但人都勁多，好彩地唔使等位~ $15黑椒豬扒飯，嗯，都幾好食啦~ 食飽都冇乜野好睇，就搭車走喇… 睇完港大，睇唔出D學生有幾串，反而係professor串， 同埋聽講engine D professor都唔係點教書， 質素仲要同中學差唔多…我諗港大都應該繼續擺響較低位置啦… 架車輾轉間去到上環，就順便參觀下傳說中o既上環小月台… 聽聞話要越過欄杆先入到，但其實係必經之路… 雖然睇相已經見過個月台，但我都好好奇咁周圍望同影下相… 之後就搭番地鐵返屋企…打算整下超級notes， 不過發覺上一課書都唔太明…所以最後變左溫書… 夜晚出去佐敦同網友食飯，為左等9.後打邊爐特價， 唯有坐響酒樓門口等成大半個鐘… 9.正就準時入去任叫任食，食左兩個鐘先飽哂~ 期間隔離檯發生天花板漏水同石屎剝落事件， 好彩冇影響到我地呢檯… 食飽左大家仲話要去M記食宵夜，期間仲要夜闖九龍公園… 大家食完仲不斷吹水，大概12.半網友諗住離去， 我自己都好眼訓，於是一齊走先， 搭地鐵返到荃灣尾班小巴已經走左， 唯有飛的番去，之後再上一上網已經係2.幾… |
| 彩漫草 2002/10/21 00:57 都話HKU d人串串地架啦...唔敢講太多 不過d tutor等係唔會理架，就算你唔讀 所以驚沉淪玩海中 不過HKU既hall確係最正的∼ 聖莊最正，不過呢世都只有望了 |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |