| 終於到左UC院慶o既大日子，今日終於要去月會， 不過好彩之前果堂取消左，所以都可以訓到10.半… 今次月會當然係同院慶有關啦，仲請埋個廖秀冬黎致辭， 不過今日實在太眼訓，成個月會都係訓到唔清唔楚… 跟住UC搞左個生日會，我地宣傳部上去食下蛋糕順便玩下野~ 原本諗住響果度耍太極同打坐，不過因為冇左背景音樂， 所以最後變左唱歌同勁嗌口號…玩完就要趕番落本部上書通… 今次成班宣傳部員坐埋一齊，不過結果都係一齊訓哂… 跟住上NA食野，然後落賤標交功課就返宿上陣網… 一返上去見到兩個同房都竟然訓緊覺…搞到我都好想訓… 不過一直都有野做，最後都冇訓到添… 然後6.幾就落去出席院慶壓軸節目－千人宴喇~ 會合番大O班人，然後等左陣先可以入去… 個場面都幾熱鬧下，話哂都有超過2000人喎~ 今次係西式到會，只見檯面得三盒野食，勁驚唔夠飽， 不過後尾都總算食飽~不過d野就真係麻麻好食… 食到差唔多飽就過細O果邊坐陣， 因為原本我係應承左跟細O去，但係大O又買左我飛， 最後都係決定跟番大O…唯有去細O果邊玩番陣補數啦~ 大家食飽之後就移去另一個地方睇表演，我地都坐得幾前~ 一開始聽落d節目同O camp晚會果d差唔多， 又係danso表演、魔術、大組長時間果d… 不過除左danso d舞全部睇過之外， 其他兩個都出乎以料之外幾好睇~而且氣氛都唔錯~ 過左呢d節目之後梗係壓軸之中o既壓軸…明星表演！ 今年我地請到梁漢文、傅珮嘉同關心妍三個嘉賓！ 嘩~三個都睇得勁清楚呀~拍得住紅館頭兩行咁清楚~ 夾埋唱左7首歌，千人宴先至完滿結束~ 返宿之前拎d野借野畀細O d人， 不過唔知點解無故被佢地con…仲要係響湯宿門口… 今晚唔知點解又再谷氣…所以沖完涼冇耐就訓覺喇… 講番個千人宴先啦，都算搞得幾成功o既，係食野果度差d囉… 千人宴之後，所有院慶活動都完滿結束，係時候總結下喇… 今次做左宣傳部部員真係覺得好正囉，又識到一班部員， 又玩左好多以前未玩過o既野，仲拎到件靚靚籌委衫~ 而家開始終於可以得閒d喇~希望之後仲可以搞多d活動啦~ |
| Ming 2003/10/18 14:24 又院慶?  我都解釋過…只有一日係叫院慶… 之前果d只係成串院慶活動o既其中一部份… |
| 彩漫草 2003/10/18 22:59 月會免左 不過執頭執尾執死我地…… 鐵馬搬左X個 仲有傳說中的八舊台…… 嘩~辛苦哂你啦~ 果個台…我地之前果晚仲響上面猜枚劈酒…哈~ |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |