| 今日日記差d唔記得寫！去到第日夜晚先突然醒起未寫… 禮拜日難得咁早起左身…去飲茶啦~間酒樓開左好耐都未去過，都OK啦~ 跟住又過海去老細度傾野，又繼續跟個project啦…今次有9日時間… 傾傾下去左M記食tea順便歎下免費冷氣…夾埋傾左5粒鐘…天呀… 個老細都幾睇得起我，無啦啦又讚下我，都有d唔好意思添… 不過其實係咁好彩…佢要我做果d野咁o岩食正我果範o者~ 夜晚約左阿媽去旺角食飯，不過5.半響灣仔走人，兩個鐘點過好呢? 去旺角行下囉…橫掂我都要買新電腦，順便睇下啦~ 去到旺電係咁拎d單張黎睇，行到某間舖門口突然比個sales截住， 我都未出聲佢已經係咁介紹d野，我望下間舖，咦，我3年前咪係幫襯呢間… 佢知道我係熟客就更加落力sell，我見佢咁有誠意，都無謂拒絕啦… $3500、P4 2.8G、512MB RAM、80GB HD…都符合我預算啦~ 不過我之前又冇留意市場走勢，其實都唔知抵唔抵… 望下隻錶，落埋訂都先6.幾，咪出去周圍行下囉… 吽左成個鐘，阿媽終於打黎話去到，不過我竟然唔識去果間野… 去到見到勁多人等位，早知去搵定間野響邊先啦… 好彩嗌位個阿姐都幾有娛樂性…「粉紅色飛」次次都變成「反彈識飛」… 等多一粒鐘終於有位，d野都幾好食，都不枉等咁耐o既… 食飽就去拎電腦，要去新世紀噤錢先， 去到火車站出面比個女仔截住左，叫我買乜野食肆優惠卡… 60蚊全年指定食肆都有優惠，我之前都有聽過呢樣野， 不過果d食肆我十年都唔去一次，所以我都拒絕左… 點知佢喊哂口咁求我買張卡，又話爭幾張單先可以收工… 不過糾纏左個幾字，結果我都無動於衷， 鬼叫我o岩o岩噤左幾千蚊出黎咩…肉赤架都… 去到拎電腦果度，同幾年前o既情況冇乜分別， 不過check機果陣發現部CDRW牌子唔同左， 結果要等個sales返黎check下喎，咁就響果度吽左幾個字… 最後一切正常就捧番部野屋企啦…不過要等我搬番屋企住先用得~ == 其實…我呢排係好忙定係好得閒呢? 好想約人去玩…但又好似抽唔到時間… 但有時一冇野做就會好悶…唔想咁樣呀~ |
liah 2004/05/17 23:30 你想你的生活過得輕鬆一點，更加方便舒適嗎？我們十分 希望你能夠支持我們的第十六屆聯校電子及電腦展覽，只 要你將以下原始碼貼上你的網頁內，就可以幫助推廣學界 電腦知識的交流！ <a href="http://ecs.school.net.hk/eclife/"><img border=0 alt="簡易生活 2004" src="http://ecs.school.net.hk/eclife/promo.gif"> </a>  嘩…使唔使用盡方法賣廣告… anyway，我盡量支持你啦，努力啦~~ |
| 蔡SIR 2004/05/17 23:48 約人簡直係十萬個麻煩... 再預著約親個個都唔得閒撞晒期就真係灰到爆 Y_Y 咁又係…雖然我好少真係走去約人…哈哈~ 所以辛苦哂你啦~ |
| 彩漫草 2004/05/18 02:03 其實你真係勁架，又識ASP､學又學得快∼∼我呢D都 係要由基本學起呀…… 你嫌悶的先前應plan好邊日玩嘛∼ 而家我都定緊下個禮拜的節目…… 算啦…家陣淨係technial勁都搵唔到飯食啦… 唉…我成日都身不由己，幾時輪到我plan丫…我又唔想約左人又要淆底… |
| Esther 2004/05/18 10:06 千萬不要心軟, 個D女仔最鍾意拉扯後生仔扮可憐, 要佢地買0尼買路, 葵芳地鐵多到不得了。 知道啦~ |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |