| 今日係舊生會一年一度o既盛大annual dinner， 起身首先落樓下同久違了的阿爸交換D物品， 然後準備好一切就出發，第一站係學校， 同舊生會主席一齊執好哂D所需物品，順便去D舖頭買埋未有o既野， 就去濠江午膳…食飽後突然發覺拎漏校長送出的獎品， 唯有急急腳番屋企拎，都用左差唔多半個鐘… 返到荃灣就同另一個幹事搭地鐵去尖沙咀然後行去會場， 呢間完全係一間酒吧，原本我地係book地成個場， 不過由於人數太少，所以而家轉左做間細房，咁就唔使蝕咁多喇… (遊船河又要轉細船，估唔到annual dinner都係咁…) 然後就開始佈置，我主要都係吹下氣球咁… 跟住就試下播番我隻CD裡面D相，呢個時候先發覺部機o既播放次序係 1→10→100→101→...→142→2→20→21... 咁樣玩遊戲o個陣會勁唔順…我應該整到D file名係001, 002咁樣… 諗住返屋企改，但遭其他幹事反對，不過本著校訓「止於至善」o既精神， 我都係決定返屋企整…希望5.前返到黎rehearsal…我走o個陣係3.10… 我諗住最快o既方法係去佐敦搭極速小巴，於是就極速跑去小巴站， 不過架車要等夠16人先開車…結果等左兩個字先開車… 返到屋企已經4.半…即刻改哂D file名然後再燒隻碟出黎， 然後即刻跑番落去搭車，見到有架車去佐敦道就上… 諗住今次唔使等夠人先開車應該好快返到去， 點知架車去到福來村就叫我轉車，然後架車左兜右兜， 簡直係西九龍一日遊，我感覺到差唔多成個西九龍D路都已經行勻哂… 最後去到一個未去過o既地方，個司機話到左總站喇… 落左車之後完全唔知點行，唯有求其向一個方向走， 終於畀我搵番條彌敦道，然後就跑返去會場，去到已經係5.9… 跟住就即刻rehearsal，不過都做得幾求其下， 然後大家就搞哩搞路，直到7.唔少人黎左就宣佈開飯… 今日阿姨黎左做特別嘉賓，所以我就同佢一齊食， 不過實在唔夠時間食，只係拎左兩碟野食就算(呢個係自助餐呀…)， 然後拿拿聲傾埋司儀D野… 到左8.左右個節目就正式開始…練o個陣就冇乜野， 不過出到黎面向觀眾就有D怯場，不過總算OK啦… 搞掂完第一個遊戲環節我就功成身退喇… 跟到抽完獎就到表演時間，有隊band為大家演奏， 然後有幹事同隊band D成員唱歌，當然唔少得我阿姨~ 唱完之後就再抽獎，今次我抽到一舊蠟燭！ 之後又到玩遊戲環節，今次係玩大電視，我要負責噤制… 跟住再到抽獎，今次我係做抽獎嘉賓… 玩哂咁多樣野之後個節目就完哂…此時已經走左唔少人… 淨番一堆人響度傾計，其他幹事就唱下歌，影下相咁， 一直hEA到12.幾，班人打算去唱通宵K，本來我都好想去， 不過實在太眼訓，都係下次先去啦… 出到去先知落咁大雨，阿姨就決定同我飛的返去， call左架八折的士要等10分鐘先有車，所以就落去坐番陣， 然後等左15分鐘就有車…大概.幾就返到屋企~ 今次個annual dinner出席o既人數比我地預期o既差好遠， 期間亦都有好多唔如意o既事情發生左， 不過今晚總算係順順利利完成個節目啦~ |
| ~迷羊~ 2002/09/15 13:48 你d記性似乎差左d喎~~ 成日出門口之後先發覺有野未做~~ 加油喇要~你  不嬲都係咁差 |
| 二姨 2002/09/16 09:24 我玩得好開心呀(^_^)有得食抽到獎(杯墊), 重答中問 題有呂獎品(CD) 可惜老師們的支持只局限於出席(好似重係要勁拉扯才出現), 現場表現未夠投入。 因為呢班都唔係玩得o既老師…玩得o既全部都冇去…咁冇計啦… |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |