| 去到海灘大家就開始等日出，不過日出個位畀座山遮住， 所以要再等多一段時間先有野睇，大家就趁機會玩下沙… 等到成7.個太陽終於出黎喇~ 睇完日出大家就出碼頭M記食早餐，返到渡假屋都已經8.幾， 我就睇下電視，然後就去沖涼，沖完又睇多陣電視睇到10.， 然後過隔離房同人鋤D鋤到11.幾，跟住就去廳準備食晏喇… 結果第一晚係完全冇訓過，但都唔係覺得太眼訓… 大家陸續咁起哂身之後就拉大隊出碼頭， 然後搵到間茶餐廳就嗌野食，嗌完就要即刻搵銀行噤機， 因為我拎左五舊水入camp，但畀camp錢畀左$350， 渡假屋按金畀左$100，買水買左$50，如果再唔噤機就冇錢找數… 食完飯就要去百佳買報紙同膠紙準備一陣玩遊戲， 買完就返渡假屋然後開始做野… 期間拎份報紙一睇，見到幅相影住個地方好面善… 原來係話有個大賊可能匿藏響離島，所以梅窩碼頭有好多差佬響度巡… 我地仲講笑話個賊已經匿左入我地間屋… 搞掂哂D物品就一齊出海灘，搵到個靚地方就開始玩遊戲， 其實呢個遊戲係我諗出黎o既，參考自科大camp定向環節o既一部分， 就係要分組走入用報紙圍住o既圈入面，然後扮火車咁行去岸邊， 用杯[才畢]水落個大水樽度，限時鬥[才畢]得最多水… 不過示範點玩時份報紙已經整爛哂，所以決定放棄報紙… 頭幾組玩o個陣都冇乜野，係除左我玩o個陣整爛對拖鞋， 要即刻去買過對…不過去到最後一組大家就開始癲， 然後就開始瘋狂水戰時間，大家係咁掟人落水，個個全身都濕哂… 期間發現我條單車鎖鎖匙失左蹤，不過搵極都搵唔到… 玩左陣之後大家就索性去游水，結果游左個幾鐘先返上水， 原來已經係5.，負責打邊爐o既就一齊出碼頭買野， 我就要捧住支水慢慢行返渡假屋，返到水已經超[支力]，好想訓覺… 沖完涼之後見到班人話去銀礦洞探險， 於是就成隊單車隊咁沿小徑一直行， 去到個瀑布就停低參觀下，不過呢個時候已經天黑，都睇唔到乜野… 睇完瀑布大家都話[支力]，所以放棄去銀礦洞， 大家就踩單車落返去，沿路一直係落斜，真係爽~ 返番渡假屋之後就係開飯時間，今晚係一檯打邊爐， 一檯燒埋噚晚食剩D野，不過大部分人都係主力打邊爐， 加上大家都好肚餓，所以個個都圍住個爐等食野， 一打開個煲十幾隻手就瘋狂夾野食，真係唔知「淥死誰手」… 雖然我隻碗擺正響個煲隔離，但次次都只係夾到少少野， 所以差唔多食哂D野時都仲幾餓下，好彩仲有幾包烏冬， 咁先填得飽個肚，再食埋D菜就真係飽哂~~ 食飽飯冇野做，大家就開始拎D水彈出黎玩， 然後個個越玩越激動，仲拎埋膠袋同水樽黎裝水， 掟到所有人全身濕透，同埋搞到天台水浸… 玩到差唔多11.，大家就換返套衫先， 然後11.半左右就開始singing con特別會議… 話說放暑假前班主任話希望我地下年歌唱比賽可以用7B名義組隊參賽， 今日就初步傾下唱乜歌同用乜野樂器， 結果呢個會都開左一個鐘~ 今晚o既集體遊戲係bilibala心底話， 我畀人問左條「你最後悔做過乜事?」 面對呢D咁哲理o既問題…諗左好耐都諗唔到， 結果大家唔耐煩就走去食宵夜先…食完都終於諗到啦… 然後D人就開始盤問大家o既愛情問題， 問問下搞到我好眼訓，聽聽下都洽著左… 結果到左5.左右，呢隻game終於玩完，我就返房訓了… |
| 彩漫草 2002/08/17 07:28 1. 我記得好似馬記同菲姐都有份捉我落水喎...>.<" 2. 愛情問題...睇我ICQ info... |
| Esther 2002/08/20 08:57 我曾經在只有相片登出之時留言, 問這是否日出景色 (不過你說過電腦出問題), 哈......俾我估中驉C |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |