| 話咁快個camp已經去到第三日喇~今日9.起身，訓左3個幾鐘啦… 今日早餐同噚日係一樣o既…食飽就又去聽talk… 首先係有人介紹個什麼工程師學會，不過就完全冇興趣… 之後就有人sell信用卡，仲派哂form， 我見免三年年費咪申請囉…遲D實用得著啦~ 聽完個talk就係大合照時間，影完大組仲要全部人一齊影， 二百幾人一齊影張靚相…唔係咁簡單架~ 跟住入canteen食飯，然後去體育館聽briefing…都係關於下晝活動… 今日個活動同噚日果個差唔多，又係周圍搵checkpoint， 不過就全部響中大裡面進行… 準備好一切就開始出發，我地第一個task就要勁飲水… 而且係o岩o岩食完飯，個個飲完都想嘔咁滯，嚇得我… 然後仲要即刻跳大繩，係鬥多人一齊跳到5下… 跳跳下發現原來我係唔識跳o既，被迫要退出…跟住都內疚左一排… 之後仲有十幾個task要做，個個都好新奇刺激架~ 玩夠哂d task仲有時間淨，仲特登走去食西瓜個task果度慢慢享受~ 玩完又係晚飯時間，又係去番同一個canteen… 跟住就落百萬大道，出席engineering night… 首先有遊戲結果公佈時間，我地組響今日個活動拎到第三，勁呀！ 然後就有歌舞表演環節，隊band表演果陣勁正，個個都好high~ 最後就係campfire時間，真係跳到成身濕哂呀！ 所有節目完左之後就分批去toilet， 然後浩浩蕩蕩咁離開中大，搭一個站火車去火炭食宵！ (冇打漏字呀…真係叫食宵…CU人勁鍾意用簡稱) 我地係包左個球場黎食，所以一定有位坐~ 等左陣終於有野食，睇落都幾好食， 可惜我唔知點解覺得勁飽，都食唔到幾多野… 食完有鬥飲啤酒環節，不過當然唔關我事啦，我連罐雪碧都飲唔落… 之後就到dept互片時間，大家企響哂檯椅上面勁片， 有樣野想像唔到o既就係D粗口淫賤口號又出返哂黎， 我有少少反感架，到果d位就求其lur過佢算囉… 玩完就集體坐的士返去，返上宿舍已經係兩點… 沖完涼又再準備集合玩遊戲，我亦都諗住last一晚玩通頂， 但係唔少組員竟然訓哂覺，淨番幾個響房度鋤d… 然後3.幾落左去活動室，成班唔訓o既人組成「地下嘻治閣」玩遊戲~ 主要都係玩水槍，不過我都淨係畀人射中腳… 一路玩個天一路光，望出去個景都幾靚架~ 到6.幾冇乜野玩就上返去鋤d，到7.幾其他人都頂唔順訓埋， 我就返房寫日記，寫左頭兩日囉… |
| Esther 2003/08/16 09:41 我曾經為工程師學會Annual Dinner做過司儀及表演 唱歌, 當年會長係識0既 無人係萬能家馬, 唔會跳繩但你重有其他強項0番!  哦… em…我要澄清…我係唔識跳大繩…但跳繩我係識o既… 不過餐餐都係我累事…唔內疚就假o既… |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |