| 今日對於我黎講，有兩個大考驗， 第一係mock marks checking，第二係英文oral… 好似好耐冇著過校服返學咁(其實一個禮拜都冇)， 但其實今日已經係最後一個著校服返學校喇~ 所以我特登拎D lastday相返黎當紀念冊咁畀同學寫， 放學前已經收到幾個回覆，希望其他同學keep住第日畀番我啦~ 返到課室，有種好親切o既感覺，雖然冇見同學都只不過係幾日， 但就好似已經隔左幾個月咁，好掛住大家咁~ 第一堂空堂，我用左黎練oral，不過練極都係爭D咁… 跟住就正式開始緊張刺激o既派卷時間! 第一科係英文!一堂派5份卷+1份功課，都咪話唔趕， 成績方面都算滿意啦，保持到一貫水準~ 跟住applied，阿sir出得超難，個分當然唔係咁高， 同埋比我expect o既都差D囉，呢科要谷下喇… 小息後到physics，唔錯啦，essay就幾滿意， 我覺得呢科仲可以有進步空間! 之後到上年最差o既pure，都唔錯呀~ 睇番上年平均分，我進步左20分呀! 淨係計上年上學期，進步左成倍! 最令人驚訝係呢科變左3科AL之中最勁! (反而applied變左最差…都幾令人驚訝) 最尾係中化，都普通啦，畀listening拉低左囉… 總結今年o既成績…比上年進步左幾分囉~ 如果唔係畀測驗拉低仲有得高分D呀~ 總之繼續努力啦~向住ABC進發~ (我打算提高目標至ABB…目標咋，唔係expectation) 之後午飯時間，又有近兩個鐘，走左落荃灣食， 然後仲行左荃豐兜左轉…都好耐冇逛過呢度~ 下晝仲要返學校做central marks checking… 全級人黎齊之後，校長講左D激勵o既說話， 跟住仲有頒獎－7年冇遲到獎! 1246日喎~都幾犀利架~ 我咁多年黎冇遲到又冇缺席，當然有份啦~ 頒完獎，派哂分，著校服返學o既日子就正式畫上句號， 大家留左響hall唔捨得走咁，個情景好似中五放榜… 可惜我要趕住返屋企換衫出去考oral，所以留左陣就要走… 其實今日成日都為左oral而緊張，越接近就越驚， 一驚就急…結果lunch之後都屙左幾次…返到屋企迫住食止屙藥… 然後再抖一抖就要出門口，去呂明才考AL第一個試~ 呂明才基本上係返學校路線再行多一陣， 因為之前去過所以冇睇過地圖， 點知行到返學校突然好似唔記得點行，嚇得我… 最後梗係順利去到啦…不過去到好熱，出哂汗… 上到去等嗌名，心情都幾複雜， 一方面想快D考完唔使咁緊張，但咁快考又驚未ready… 結果好遲先被嗌，原來我被編到last一組， 坐響個位由天光等到天黑先有得考…足足個半鐘… 今次竟然又係好似CE咁，1男對3女…而且對手全部都唔弱… 兩個主考官都係鬼婆，不過幾nice架~ 我覺得今日表現算係OK囉，起碼好過噚日… 但係好似突然唔夠vocab，好多term唔識講… 總括黎講，今日兩個考驗都總算順利通過， 今晚可以好好抖番晚先，聽日繼續AL作戰~ |
| 凱凱 2003/03/14 01:24 七年無遲到無缺席，嘩！好強悍！ 病都無病？勁！抵你有獎！ －－－－ ＡＬ口試‥英文‥嗯∼的確係好好好驚∼ 第一年口試我有一次幾有趣的遭遇∼嘻∼那年得個Ｄ 第二年Ｆ，那年春分，考完好開心，最開心係春分而唔係考完個口試！哈哈！ 因為那年好想快ｄ雨季∼顛左！  我病親都係小病…同埋多數係放假先病… ---- 怎麼第一次oral會好過第二次的? |
| 凱凱 2003/03/14 01:25 又係我丫∼ 仲有一點想回： 咦？乜驚唔係尿急ｋａ？又會柯都有既？ ＸＤＤＤ 我一緊張就乜都會急… |
| Esther 2003/03/14 09:11 好佩服你地班辛辛學子, 要應付不斷的測驗考試, 只 有精神上支持你地, 努力呀! |
| 森姆 2003/03/14 20:26 記得我中七在培正中學結束了我尤長中學生涯當日,同 你的感覺一樣,大家真係好唔捨得.盼望你能珍惜現在,把你們的友誼直到永遠. 嗯,一定! |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |