| 今朝一起身就睇選舉結果，長毛入到立法會，都算係經典啦~ 跟住上完堂同班莊員去做class visit宣傳o nite，點知去到先知改左地方， 搞到自行一趟不特止，仲要等profesor上緊堂果陣突然做宣傳… 搞掂之後成支莊去飲茶，又被屈請，最終請唔哂…但都貼左百幾銀出黎… 我o既莊員真係好一班暴民，每籠點心出現唔夠十秒就即刻冇哂… 之後連續上四堂，落堂之後去lab，處理下soc房問題，順便印下notes， 仲諗住有好多時間淨，點知印唔哂d notes就要返宿…今晚宿舍o week呀~ 上年我就係因為住宿要appeal，結果玩唔到o week，搞到響宿勁摺呀… 雖然今年唔知陳宿d人會係點樣，但我都唔想摺埋呀，o week點都要玩！ 換左件hall tee之後就分組，每組仲有個組長，勁有ocamp feel… 一組有成十幾人，最後認唔到幾多人啦… 成晚d game同ocamp其實都差唔多，都係treasure hunt果d… 不過比我再感受下做freshmen o既滋味，都幾好呀~ 未來兩日仲有野玩，不過聽晚要遲去，後晚仲去唔到，有d可惜呀… 返到房怒做soc d野，唔知點解突然多左好多野要做咁… 期間大O個大組長拎d野比我，仲同我吹左陣水… 原來作為一個組爸，我真係做少好多野呢… 雖然我都知我做得唔係咁好，但原來仲有好多野我忽略左呢… 希望我都可以做到大組長心目中理想o既組爸啦~ 其實我今日最想講o既並唔係呢樣… 經過呢十幾分鐘o既對話，又再覺得自己o既渺小… 大組長係我識左七年o既中同，雖然大家一直都唔係好熟， 但係諗番當時，同而家比較，覺得佢真係成長得好快… 好多野都係佢冇經歷過，我都冇經歷過，但又諗到出黎… 另外仲有我上年o既同房，又係識左七年o既中同， 都係一直都唔係好熟，但又係覺得佢成長得好快… 今晚陳宿o既o week，就係由佢做P o既籌委搞出黎… 雖然唔係話特別搞得好或者點，但佢都比到我唔少surprise~ 然後再睇番我自己，呢一年，好似都仲係原地踏步… 搞過院慶、細O、大O，上左系會，做左P， 但諗野有冇成熟到？處事技巧有冇進步過？ 或者我自己睇唔出啦…但好似好多野都真係做得唔好… 如果硬係要諗呢d，我諗我會唔開心… 或者好多野我都受左環境限制，發揮唔到自己， 到底我點樣先可以跳出呢個框框，進一步提升自己呢？ 響某d時候，我會突然好有雄心壯志，想所有野都做好d， 但呢團火無啦啦就會被吹熄，我都唔知點解… 其實身邊多d好似我大組長咁o既人就好~ 入到大學，一直覺得自己識唔到一d好勁o既人… 以前響中學，起碼都有miss阿sir教精我… 但黎到呢度，就發覺好似冇乜特別值得我學習o既人… 今次同大組長傾左陣計，都已經啟發左我好多， 唔知我心裡面果團火，仲有冇機會辣番著呢~ |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |