| 新一屆舊生會會員大會今日召開，一返到學校就要做準備， 要放紙仔叫D中六七同學出席，又要同阿sir拎返D野， 搞到差D遲入課室…到lunch又要搵番個舊生會主席， 畀哂D野佢仲要傾下之後要做乜，搞到想留番D時間黎上下網都唔得… 跟住上返課室諗住宣傳下個會，點知畀人「車」… 放學之後即刻飛奔去「會場」諗住準備，不過個主席又唔知去左邊… 主席黎左之後就準備個會，咁o岩呢個課室之前係F.7上堂， 不過主席出黎嗌都係得幾個人肯留低(其實佢地係要留低練oral…) 然後等左成半個鐘都未有其他人到， 於是我同主席一齊洗樓搵下有冇中六七同學， 結果搵到一堆中六，但佢地似乎唔多願郁… 跟住去到圖書館原來自己班同學響度等緊， 不過都好辛苦先召到佢地落去… 然後夾硬湊夠15人就開住個會先，校長都有列席… (會章規定30人先開得，我地諗住開兩次，因為好難同時30人…) 講完之後校長同我地傾番個會章，覺得我地太夾硬黎， 結果佢話要砌夠30人先係一個正式o既會，之前個會作廢… 咁唯有要原本黎左o既同學留低，然後主席再係咁叫D同學落黎， 最後再call埋D舊生老師上黎，突然間房多左好多人… 一數之下，31人!!即刻開左個會!不過已經係5.半… 我覺得開個會開成咁真係幾折墮，差唔多要跪地先求到D人上黎， 大家其實係為左30蚊唔肯入會，睇黎香港人真係冇乜消費意欲… 不過我都唔多相信今日個會可以咁「順利」開到， 真係非常感激咁多位出席今日會員大會o既同學， 我諗番轉頭，如果我唔係幹事我諗我都唔願意留到咁夜… 我唔知點樣報答大家，不過我保證， 我會令大家畀出黎o既30蚊畀得物超所值! 開完個會，執好D野就離開，此時都已經天黑… 跟住成班人仲去食糖水(慶功?)，仲叫左好多野食，好似當食埋晚飯… 不過我約左人，所以食到差唔多就要失陪先… 今日又係約左噚日借DC畀佢o個位同學， 因為佢影到部DC冇電，我要借埋叉電器畀佢… 不過我當然唔會帶呢個出街，所以佢索性同我一齊返上屋企， 我順便教佢點將D相上腦，佢又睇下我影過D相咁， 送埋佢走已經7.9，碗飯都凍哂… 第三晚冇得上網，以睇報紙同做功課黎打發時間，都算充實， 不過唔上網硬係好似少左D野咁，又唔係好清楚天氣點樣， 又唔知班網有咩新野，又唔知網友呢幾日點樣， 誇張D講真係與世隔絕…希望聽晚個人整得返好啦，如果唔係…my god… |
| ~羊~ 2002/12/13 21:27 你地d舊生踢都唔郁既~~ 上次遊船河又係 === 係ga~ 習慣好難改 我而家都成日reload同一堆網頁 但係又唔係想睇內容  冇計啦…大家冇歸屬感… |
| 彩漫草 2002/12/16 19:30 真係唔好勉強自己 想做日後仲可以呀 呢個唔係勉唔勉強o既問題…係我唔忍心睇住舊生會死… 雖然我可以置身度外乜都唔理…但我做唔到囉… 算啦…做唔做舊生會呢個問題都唔係而家先討論o既問題… |
| Esther 2002/12/19 08:32 好欣賞你呢種精神------對舊生會 |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |