| 今日晨咁早就要返去開open day個會， 不過之前冇乜準備，加上勁眼訓，所以都冇乜意見發表… 開左個半鐘，都好似冇乜傾到乜咁…之後就要即刻上堂… 午飯之後約左個同房一齊搞入宿手續， 拎左封信填好D表格就可以拎鎖匙，即刻就上去視察下啦~ 係一間三人房，裡面已經有個maths o既同學住響度， 當然佢果個時間就唔響房度啦，所以都未清楚佢係咩人… 去到都係睇下d設施咁樣，同埋兜下成層咁… 間房係d檯同床擺得奇怪d囉…同埋冇景囉…其他暫時OK o既… 搞搞下已經成粒鐘，即刻就要去上tutor… (唔記得影下間房係點添…等我搬左入去再影啦…) 再之後就上大通－中國文化要義， 上堂因為要上briefing所以冇去，即係今堂第一次上… 果堂頭果一半簡直就係棟篤笑，講幾句就引大家發笑，好過癮~ 不過另一半就真係講書，講到文化就真係幾悶下， 仲要狂drop notes，因為冇野派畀我地，都幾辛苦… 上完呢個仲要tu多堂先放學，[支力]到我… 今日係中秋節，但冇乜特別節目，都係響屋企食飯… 但我又唔甘心成晚吽響屋企，最後都搵到網友上山頂賞月~ 不過去到中環都已經近10點，然後再搭纜車上去(都幾貴)… 上到山頂都近11點，真係未試過咁夜上去… 首先去百佳掃貨，最緊要梗係買蠟燭啦~ 之後就行上山頂公園，果條路我從來都未行過… 同埋呢…我印象中係未試過欣賞維港夜景，今晚終於有得睇喇~ 不過可惜今晚煙霞好勁，加上夜得滯d燈熄哂，所以都唔靚… 然後上到差唔多最高處，準備開始活動， 有幾個走去鋤d，我就玩下蠟燭啦~好耐未認真咁玩過喇~ 不過正所謂高處不勝寒，d蠟燭好快畀風吹熄哂… 最後都係要落返低D o既地方先玩到… 但係唔記得帶月餅罐，淪落到要去垃圾筒執紙袋黎墊住d蠟燭… 再之後玩左陣啤牌咁，去到近3.先走… 返到佐敦班人諗住去飲早茶，不過我已經爆眼訓，所以冇去… 但係返到屋企再搞埋d野都已經4.半…聽朝要訓番夠本~ |
| 彩漫草 2003/09/12 20:59 記住保持地方清潔呀  有保持呀~ |
| Esther 2003/09/15 09:18 我中秋夜已跟老板及同事一行十二人身在泰國, 四日 行程勁好玩, 不過會擔心婆婆, 以及擔心你亞媽和筠姨媽太辛苦。 嗯~有冇相睇下呀? 嗯…唔使擔心嘛…有我響度照住屋企一定冇事~ |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |