成班人入左房吹陣水之後,大組長就叫班佬著住件唔要o既衫,準備玩遊戲… 入camp之前聽到話要準備呢件衫,都心諗到底會玩d乜… 原來係玩扯衫遊戲,逐個扯爛件衫…大家又再一次坦胸露臂啦… 跟住拉左堆床褥出廳,坐哂響上面玩遊戲,節奏係慢左d,但都幾好玩o既~ 今晚唔知點解時間過得特別快,平時通頂都好似等極都未天光, 但今次我玩到天光都未有睡意,仲覺得未玩夠… 到7點幾差唔多全部人都lui低左,淨番兩三個響度吹水… 我坐埋去搭下訕啦,初頭都係傾下無聊野, 不過越傾就越正經,主要係講呢個大組出現o既問題囉… 對於我自己黎講,最大問題係同大部份人都未算熟囉… 除左有幾個係自己中同之外,其餘好多都係伯宿莊員, 佢地本身都已經好熟,要融入佢地果group就比較難… 問題其實唔算大,始終玩起上黎都幾開心,但傾計就唔多囉… 我諗我地大組響呢方面已經算好架啦,但當然應該更進一步啦~ 初初都係得幾個人傾,但傾傾下越黎越多人醒左, 結果成班輔導員都圍埋哂一齊傾計,足足傾左三個鐘… 雖然大家都好眼訓,我更加完全冇訓過,但都講左好多心底話, 仲比個好多建議點樣去搞好個大組,搞好個ocamp… 相信呢個preprecamp,最有用、最深刻o既都係呢段時間啦~ 傾完大組長講左一番話,講完大家都不禁訓著左… 我就去沖個涼先,跟住食個杯麵、睇下電視,然後其他人又陸續醒啦… 之後執野走,搭12點船返中環啦,一上船即刻大昏迷… 跟住一齊去太古廣場食晏,我就行屍走肉咁跟住… 食完即刻返屋企怒訓返幾粒鐘,真係有十個眼訓… 夜晚出和民食,食完買左幾件衫,準備應付黎緊o既一堆camp… 今次呢個preprecamp都好充實呀,兩日一夜真係勁唔夠喉… 雖然好似唔係好多節目,但大家都玩得幾開心呀~ 同大部份人都只係第三次見面,都已經開始玩得埋啦~ 加上今朝o既情深對話之後,大家距離更加拉近左好多~ 希望之後d輔聚同precamp玩得更開心啦~ |
彩漫草 2004/07/12 11:16 good wor 你呢篇o野令我都察覺到大家雖然玩得開心,但係其實可以再熟D……有個組員都咁同 我講……原來要一個大組熟,單係玩係唔足夠架,要真係可以發自內心咁講出自己感 受,先至係最重要的……但係話題方面,因為自己響UC唔多,所以有時佢地SU人講o 野我都跟唔到…… ![]() 係呀…大家慢慢努力啦~ |
2001 | 6 | 7 | 8 | 9 | 10 | 11 | 12 | 月 | |||||
2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |