| 訓到12點幾先起身，都有9個鐘啦，結果都係訓唔夠… 洗完衫就落百佳入貨，因為宿舍缺糧好耐啦… 個幾禮拜都冇時間做o既兩樣野，今朝終於一次過做哂啦~ 嘩…今日中大真係熱死…返到宿即刻要開冷氣！好耐未開過啦… 食完飯，咇左少少時間出黎搞實習d野， 跟住即刻落lab搞埋個project，順便落本部book房，準備ocamp面試~ 試掂左個project，就去搞埋book房d手尾，順便歎個tea~ 咦…我呢排竟然無啦啦鍾意飲凍啡，好似食親tea都飲呢樣… 之後諗住返lab準備送舊晚會啦，我做MC連稿都未寫過… 點知突然project個組mate話可以去dem份野，又即刻走上去搞啦… dem完已經夠鐘拎d物資去送舊，又要拿拿聲走啦… 個死人soc櫃開左我個幾字先開到，搞到我手都痛埋… 跟住成大堆野拎上去UC學休，即係今晚送舊o既場地… 上面講咁多，都係想講我呢個下晝有幾忙… 好喇，放低d野就去學生會拎場啦，點知佢地搵唔到條鎖匙， 仲要佢地唔供應projector，搞到好多野都做唔到… 總之跟住好多野都要臨時執生啦，好彩都算搞得掂啦… 等左好耐先有近廿個老鬼黎左，幾驚真係班人集體唔去… 期間有樣野好唔明…點解廿幾歲人，仲可以厚面皮到賴死唔比錢? 差唔多d人黎齊d人就鼓譟話肚餓，唯有一開始就放佢地食野先啦… 最gap係竟然冇人拎碟上黎，要搵人臨時去UC can借… 食飽之後開始d活動啦，本身d老鬼好似唔多想參與，最尾都叫做過到骨啦… 然後就到壓軸o既燭光環節，即係成班人圍住燭光訴心事… 其實成班佬，我都唔expect佢地會有咩真情流露啦… 不過你地都唔好掛住玩支蠟燭先得架…認真d啦… 一開始叫我講d野先，突然個腦竟然一片空白，完全唔知自己up乜… 叫我講呢一年對於CE有咩感想，我竟然唔識答… 但我自己真係冇乜特別感覺囉，入得中大，預左係咁架啦，仲想點o者? 跟住到班老鬼輪流講野，都講左好多有point o既野，總算達到預期效果啦~ 不過十個裡面有九個都話讀CE好灰，我覺得…最緊要都係識苦中作樂o既o者~ 係咪個個話CE好忙你就要跟住覺得CE好忙呢…呢樣真係值得大家諗下囉… 最後大家講到差唔多11點，竟然overrun左，真係估唔到… 之後拿拿聲清場啦，然後一齊出去食宵~ 今次唔知點解個個莊員都好祥和，又唔劈酒又唔搶野食… 食到未夠1點就飛的返去，都未試過食宵食得咁頹~ 諗住返到去有覺好訓啦，點知老細又打黎叫我趕project， 我一做就做到成5點，寫完日記個天都開始光啦… 講番個送舊啦，我都好耐未試過為左個活動準備咁多野啦… 今日個情況，我覺得幾似兩年前搞o既舊生會annual dinner~ 又係活動開始前忙餐飽，又係勁驚唔夠人去，又係我做MC， 又係搞比d唔熟o既人玩，又係好多預期之外o既野發生左… 不過兩個活動性質唔同，都冇咩好比較啦… 但好彩今晚冇乜大問題出現，總算鬆一口氣啦~ 希望…老鬼會覺得今晚係一個好o既回憶囉~ |
| Esther 2004/05/12 09:02 睇都感覺到你真係好忙! 咁最終佢地有無俾到錢呀?  有幾個冇囉… |
| 彩漫草 2004/05/13 00:03 「咇左少少時間出黎搞實習d野」 呢句ok核突...你真係咁唔得閒? 「點解廿幾歲人，仲可以厚面皮到賴死唔比錢?」 我地果邊都係咁啦...真係吹佢地唔脹...所以我地諗過，甚至上莊都唔會咁衰架喇 .. 講真...D咁大的活動真係唔易搞...我搞左歡送，都覺得自己大個左...至少兩個禮拜 冇上堂的滋味我都嘗過... 至少我考完試之後未得閒過… 唔知果d老鬼當年搞莊，有冇遇過呢個情況呢… 如果有…照計佢地都會話「我地唔會咁衰架喇」… 我地果個話大唔係大，但莊員唔積極做野o既話就難搞好多… |
| Ming 2004/05/13 11:27 woo~~ 咩? |
| Esther 2004/05/14 09:26 我?佢地?年真係遇過, 所以到自己做老鬼時就一嘗「 手瓜起展食野唔俾錢」既滋味。就好似?家婆心態一樣0羅! 嘩…變左亂碼… 嗯…或者年年d人都會經歷呢樣野…結果到自己係老鬼就會將個傳統流傳落去… |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |