| 今日同網友+1個小學同學去大帽山行山，點知今朝個電子鬧鐘又發癲， 無啦啦同我tun遲半粒鐘先響…好彩人肉鬧鐘今日有運作… 去到只係見到網友齊哂，小學同學就未見…嗯…好緊張… 等左幾分鐘就有個人走左埋黎，但戴住罩所以我認唔到…應該都係啦~ 跟住去百佳入貨，然後搭小巴上城門水塘~ 上到去…呼吸新鮮o既空氣啦~可以望到個小學同學o既真面目喇… 第一眼望落去…又唔係好似以前個樣… 但之後再望多幾眼…又越黎越似喎~感覺好得意~ 講番個行程先，今日係由城門水塘上大帽山再落返川龍，全程15.25公里， 一開始係以極速行完城門水塘段路，上到鉛礦坳， 抖左陣就開始行變態石級，一上就上左幾百米…勁辛苦… 之後成段都舒服番D，不過個太陽間唔中都幾曬下… 去到個亭休息下食下野就再行幾段變態斜路…用左2個幾鐘就上到山頂喇! 全港第一高峰呀~真係唔係浪得虛名…簡直係大地在我腳下… 去到梗係要影下兩個雷達站啦~大帽山o既標誌~ 不過最衰係今日D煙霞都幾勁…唔係好望到下面D景… 之後開始落山啦，係一大堆之字路，雖然有捷徑，但其實都快唔到幾多… 跟住一路抖下又行下咁，終於去到終點喇~行左五個幾鐘咋~ 然後搭番小巴落荃灣~入M記坐下咁…就返屋企喇… 幾個月冇行過山，好彩今次都冇乜問題出現~但係真係好[支力]囉~ 今日雖然係涼番D，但係有時都幾曬，所以都曬到隻手同塊面紅哂… 第一次同網友行，都幾好丫~係一開始行得太快囉… 不過最開心都係見番個小學同學囉…真係冇諗過咁快可以見番面… 我地都係上個禮拜先響ICQ搵番咋嘛…希望之後仲有機會再見面啦~ 返到屋企之後第一件事梗係沖涼，之後抖下睇下新聞就食飯~ 之後仲要帶住疲累o既身軀出去開舊生會…幾個月冇開過啦… 就係因為咁耐冇開過，所以勁多野要講，一開就開左3粒幾鐘， 返到屋企已經乜都唔想做，淨係想訓覺! |
| liahsheep.com 2003/05/11 14:16 我諗你變得仲多....尤其是... 攀援而登, xx而遨, 則凡數州土壤, 皆在任席之下, 其高下之勢, 岈然洼然, 若垤若穴, 尺寸千里, xx累積, 莫得x隱, 縈青繚白, 外興天際, 四望如一, 然後知是山之特立, 不興塿培為類, 悠悠乎與顥氣俱, 而莫得其涯, 洋洋與造物者遊, 而不知其所窮... 仲要開會, 真陰公  我諗我真係會變得最多…小學o個陣實在太極端… 但係你好似想講第樣野… === 仲記住哂D中文做乜… === 開會…都唔算好陰公o者… |
| Ming 2003/05/11 21:47 今次行得超快... 直情…尤其是城門o個段… |
| henric 2003/05/11 21:56 我雖然都幾[支力]0下，但係都無所謂啦。因日為今 日行得好開心，加上又可以見番七年無見0既你。 不過.....我兩隻手臂.....好痛呀 真係掂下都痛，而且仲發熱添 睇0黎你講得無錯，我太少曬太陽啦^^ 行山實[支力]架喇~不過行完一座山都幾有滿足感架~ 嗯…手臂…我而家都好痛…我通常曬完之後都係過一排先出事… 得閒就曬多D太陽啦~曬多D…暗瘡都少D呀~ |
| 彩漫草 2003/05/11 22:44 聽日再去咯﹗hehe 我未來幾日都唔會再進行戶外活動… |
| esther 2003/05/12 09:28 點解唔係「川龍」試下飲餐自助式廣東茶呢, D菜好 新鮮嫁。 我都好耐無行山, 有機會都約班舊同學行下先。 大家都冇興趣食野… 行山~好丫~ |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |