| 「生日快樂~~」一搭正12.，一堆網友的祝賀，標誌住我已經踏入18歲喇~ 今年我有好多個願望呀~好似貪心左D，不過都希望可以一一達成啦~ 1. 身邊所有人同埋自己身體健康 2. AL考到ABC 3. 讀CPEG 4. wic平均每日超越2000人 5. 為中學生涯留下美好回憶 6. 換部正DC 7. 搞好舊生會 8. 同朋友去旅行 9. 多點時間．多點生活 10. 考車牌 今日係旅行日，所以都唔上多幾耐就去訓覺了，不過訓上床都仍然係好緊張， 因為由我知道生日撞旅行日o個陣開始，已經勁期待呢一日o既來臨~ 訓左6個鐘就要起身，不過好似都幾精神， 望一望個出面，嘩，出太陽呀，好野~~ 搭車o個陣望望個天，18歲第一個日出真係靚到暈!! 首站行程係去M記食早餐，不過只係得7個人食… 新新口味－凱撒脆雞卷…抄KFC的，而且包得勁核突… 食完就去地鐵站集合然後一齊前往港外線碼頭~ 去到班船都差唔多開，即刻趕上船， 可惜上到位D位好散，成班要分開幾截黎坐… 不過呢班係快船，幾個字就去到索罟灣，如果唔係都悶死~ 今年旅行又係去南丫島，F.5 o個陣又係去呢度，不過都唔緊要啦~ 一落船大家就突然唱生日歌，跟住就有六份禮物出現， 分別係銀包兩個，記事簿兩本同同學自製o既生日蛋糕兩件~ 點解全部有兩份呢…因為有同學係同一日出世，所以禮物係兩份o既~ 突然咁多驚喜…的確幾驚…都呆左一陣…不過真係勁感動~~ 跟住o既行程係步行往榕樹灣，初頭都冇諗過今日咁熱咁曬， 大家又著哂黑色班衫…行左一陣已經出哂汗啦… 行左個幾鐘就已經去到洪聖爺灣，然後抖左陣就繼續前往榕樹灣~ 期間有間阿婆豆腐花，我地total嗌左28碗黎食，幾壯觀~ 拎件生日蛋糕出黎…已經溶哂，同埋幾似D………不過都好好食~~ 食完豆腐花就繼續行程，去到榕樹灣時大家仲飽飽地， 決定hEA一陣先一齊食飯，諗住去圖書館歎下冷氣，點知今日唔開… 最後大家響圖書館門口hEA左成個鐘先去附近酒樓食飯~ 據聞呢D海鮮酒樓一餐閒閒地都成百銀，我地隨便叫左幾碟野食， 埋單都只不過係$50，幾好啦~ 食飽飽就行返過洪聖爺灣玩班會遊戲~ 似乎我地對沙灘都比較有好感，過往7年旅行有6年我地都係去沙灘， 一去到大家已經急不及待剝鞋落沙灘玩~ 首先玩o既係經典小學遊戲－何濟公！ 不過唔好意思，我對於小學遊戲係一無所知，好在呢隻game都幾易玩… 響個沙灘度跑黎跑去都咪話唔辛苦，玩左幾輪已經[支力]到抽筋(真係抽…)， 但即刻就玩二人三足踩波波…綁幾個氣球響對腳然後鬥快踩爆對方D波… 我地o個組都唔錯，最終仲同另一組贏埋雙冠軍！ 期間戰況勁激烈，四個人糾纏左好耐先爆哂D波… 之後再玩埋單人組就差唔多夠鐘走喇~執好D野就行返過榕樹灣搭船走~ 上到船仲有大抽獎~雖然抽唔到，但唔緊要啦，贏左踩波波都有獎品~ 響船上見到18歲第一個日落…都係靚到暈!! 轉眼隻船就返到中環，然後大部份人都一齊搭地鐵返去…回到家已經係7.~ 今次係歷來玩得最開心o既旅行，今日亦都係歷來最開心o既生日， 相信我永遠永遠都會記得呢日~非常多謝各位畀我一個超級難忘o既18歲生日~ 我覺得今日最難得都係全班由朝都晚都係共同進退， 可以入到呢班真係覺得非常之榮幸~~ 返到屋企一陣就同家人落樓下打邊爐慶祝， 記得6年前生日都係響同一個位置慶祝，所以特別有意義~ |
| Esther 2002/11/02 10:07 最緊要係你開心! |
| 彩漫草 2002/11/02 13:19 非常之好，好到無野講 希望你鍾意我份生日禮物啦  鍾意到爆啦~多謝哂~ |
| Esther 2002/11/04 09:24 果然好心思, 用日落日出來表達送17迎18, 而且你影 麍蛘i張都鬼死咁靚, 正! 多謝~ |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |