8月8日![]() |
嘩~又一個月啦~仲有一個月就放完暑假啦… 希望今個月唔會太忙啦…呢一世係淨返呢個暑假架咋… 今日呢…都係休息下玩下咁啦…聽日開始要努力工作啦… |
今日又返公司傾野啦,首先又係處理繁簡體問題… 搞左兩個幾鐘先搞得掂,原來好易就搞到,哎呀… 食完飯之後搵左個「外援」幫手搞network d野, 係個即將成為tutor o既CE同學,不出一陣已經搞掂左… 跟住又等dem野,班人好鬼死忙咁,結果hea左好耐先dem到… 又開始有d茫茫然o既感覺…好似d野差唔多做完, 但又覺得好似仲有更多更多手尾要跟…唉… 最沮喪就係今個禮拜仲未出到糧,原因竟然係我地未開單… 下個禮拜無論如何都要有支票響手,否則我罷工! |
今日返左中大,有幾樣野做… 第一係上UC嘗試再cap過餅帶,不過仍然唔成功, 因為比人霸左部機…唯有下次再返中大先搞…都唔急o既… 跟住去兆龍問下d reg科o既野, 再去賤build借左部PDA…用黎研究FYP d野… 其實有一半係想拎部野黎玩~不過都要有時間先… 響lab見到d幾個月冇見o既同學,大家吹下水問候下近況咁啦… 不知不覺吹左成個鐘…跟住再拎埋本磚走, 就完成今日返中大o既任務啦~ 拎左本磚,又係時候研究下下年take咩科啦~ |
今日都係吽響屋企繼續開工…除左夜晚打羽毛球之外… 唉…今日都係冇乜動力…搞到連FYP d野都唔想理… 後日就去camp啦,聽日都要盡量發力啦~做乜都好啦… |
繼續吽響屋企開工…進度算唔錯… 總算響周末前做完今個禮拜o既野啦~ 另外呢兩日著手研究點樣響PDA上面寫程式, 不過搞左兩日都係冇乜進度,可惡… 最慘自己從來冇用過PDA,連點樣用都未習慣… 聽日就係網友camp啦,禮拜一先返, 希望同以往幾年一樣都玩得開開心心啦~ |
又黎一年一度網友camp啦~今次依然係去貝澳~ 今年入貨入左千幾蚊野,張單有成米咁長… 今次間屋裝修一般,仲附送兩隻青蛙, 不過大家都好踴躍打掃,冇惹埋其他蛇蟲鼠蟻入黎… 夜晚班人燒野食,但我因為戒緊口, 結果只可以拎住碗麵同大家響爐邊吹水… 今年camp可謂準備充足,除左平時玩開o既野之外, 今次仲準備多兩個環節…bingo巨獎遊戲同大富翁~ 前者係用一部人手攪珠機黎玩bingo,仲可以用黎抽人洗碗… 後者就係我地自製o既氣象版大富翁,製作仲非常精美, 小弟最終靠「熱帶風暴溫黛」贏左第一鋪,好野~ |
噚晚竟然訓唔著,今朝又一早比電話嘈醒, 但經過上年o既通頂訓練,而家訓唔訓都係差唔多… 今日午餐本來有肉醬意粉食,但竟然發生爆樽殺小強事件, 成兜肉醬要報銷…好彩冇人食到玻璃… 食完野就出沙灘同陽光玩遊戲啦~ 成班人玩浪、玩泥沙、玩水、玩波, 不知不覺就渡過左一個愉快o既下午~ 夜晚又再玩各式各樣o既遊戲, 同埋享受各種o既美食,好快就一晚啦… |
今日因為要返公司dem野,所以迫不得已要早走… 晨早8點就要起身執野走,當時差唔多個個仲訓緊呢… 話咁快就完左呢三日兩夜,真係唔夠喉呢… 好耐未試過咁盡興啦,唔知仲有冇咁o既機會呢~ 去東涌d巴士不嬲都疏,加上我預多左搭車時間, 結果好早就去到東涌,距離約埋同學o既時間早左成個鐘… 於是乎就走左去迪士尼一遊,參觀下架車同個站~ 星期一未夠10點都已經唔少人黎參觀,相信噚日更加嚴重… 其實迪士尼果邊都係得個噴水池可以睇, 不過都好似幾有氣氛,尤其是d音樂~ 睇完之後返公司就差唔多時間啦… 今日本來都冇乜野做,都係dem少少野就得, 但係我做做下野突然唔小心剷哂成個database, 再setup過唔係問題,但問題係d資料完全冇backup… 果陣我當堂冒哂冷汗…呢個問題足以令成個project告吹… 幸而之前執行過o既SQL都有log keep住, 可以慢慢recover返d data,但都搞左個幾鐘… 今次真係不幸之中o既大幸,下次真係要好小心喇… 可賀o既係今日終於有糧出啦,我可以比心機工作啦~ 但今個禮拜要做d乜都未清楚,禮拜五又要再dem野… 返到屋企就休息下啦…今晚咩都冇做過… 聽日開始要開工啦…FYP啦…我仲好想去玩添… |
去完camp返黎都冇咩好好咁訓過… 不過今日都要開工啦,FYP果d過兩日先理… |
會考放榜啦~晨咁早就要起身,皆因到我細佬放啦… 我同埋阿媽一齊返去睇下有冇野幫到手咁啦… 呵欠…我真係十世冇試過咁早起身呀…好眼訓呀… 返到中學,見到個同學又係等佢阿妹放榜,於是就一齊等~ 期間一齊上左去新o既staff room,好大呀間野… 見到個教電腦個miss,竟然認唔到我地兩個,唉~ 之後都一直入唔到禮堂,只可以企響出面等消息… 到派成績單果下仲被驅逐離場,結果都只有等電話… 個成績應該係預期之中啦,剛好夠分報第二階段, 但似乎因為各種問題,佢都幾難讀到中六, 所以就走左去油麻地報明愛白英奇…諗住讀design… 其實我之前都冇乜點聽過呢間野,但都有唔少人排隊… 去到仲要即場面試,我同阿媽就唯有食住早餐等… 之後食完午餐仲要即刻入數交學費, 我就同阿媽行左一個地鐵站o既距離先搵到間銀行入數… 交完返黎細佬話我聽,對面街間銀行都交到筆數… 搞掂之後返屋企怒訓晏覺!好眼訓啊… 講返細佬放榜…其實佢應該可以再勤力d、再高分d, 唔知應唔應該怪我當時冇乜點教佢啦… 中六其實要搵學校收應該唔難,只係唔知讀唔讀得黎o者… 而家走去讀design,希望佢真係鍾意呢樣野, 響果間野度學到野,讀完出黎可以搵到份好工囉… 跟住開左陣工就出左去食飯,今晚食韓燒~ 依然戒口中o既我就以打邊爐同壽司充饑,都唔錯丫~ (睇返我放榜果日o既日記都冇呢日咁長,撞鬼!) |
今日主要都仲係開工,呵欠,好眼訓啊… 夜晚去左同兩個中同食飯,都好耐冇聚埋啦~ 去左朗豪坊扒王食,環境唔錯,但唔夠飽添… 之後仲返荃灣打左陣機,好耐冇打過啦~ 返到屋企有兩個壞消息,第一個係本來聽晚要返公司dem野, 但又話唔得閒要改禮拜六朝早… 第二個係話有bug要de,聽朝都要返埋去公司…噢賣吉… |
今日係歷史性o既日子!最遲開始打風o既一日! 朝早又要返公司啦,主要係為左de個bug… 唉…只係改漏少少野,就要特登返黎,真係唔符合效益… 順便就dem埋野啦,今個禮拜好鬼多野整呢… 本來今日班網友約左打羽毛球我都去唔到, 但搞掂d野、食埋飯、返到荃灣時間都尚早, 走左去痴左10分鐘黎打~之後一齊食個tea先返屋企~ 夜晚都係開工啦…同埋一路睇住今年第一個風啦~ |
今日去左西九龍踩冰,好耐冇踩過啦… 不過好多人啊,都踩唔得快… 夜晚返去開工,但竟然響雷電交加之下,突然上唔到網… 結果我咩都做唔到,已經唔係得閒,仲要搵d咁o既野黎搞… |
今朝一早出左去同中同去睇《冬蔭功》~ 又係食完早餐一齊入場…今次唔使坐到咁前啦~ 其實個故事我唔係太明想點,但tony jaa d功夫就真係好勁~ 睇完之後食埋飯,行左陣荃豐同三聯先返屋企… 返到屋企都冇咩好做,因為仲未上得網… 打去和記問,竟然話淨係呢棟大廈維修緊,真係「好彩」… 冇乜野做咪去訓,仲發左個歎世界o既夢,好正~ 到夜晚終於上到網啦,於是怒趕工啦,聽日又要dem野… 今晚做到5點…好耐未試過咁早啦… |
又到左返公司dem野o既日子…今次總算冇噤錯制, 而各位同事亦都好合作咁比我dem野, 感覺到舊野都應該完成得7788啦,係時候準備定invoice啦~ 之後返屋企hea…訓晏覺…夜晚開工了~ 今日要決定好哂take乜科啦…聽朝一早就要reg了… |
今朝一早要起身reg科,竟然有一科reg唔到… 話唔符合先修要求…搞錯…又要搞add/drop… 不過我咁早reg已經係好彩,下畫已經有d科滿左額… 晏晝過左海…去做細O EC,幫手守checkpoint~ 我地幾個CE老鬼就去淺水灣,去到主要係為左玩~ 不過我地四個齊人仲要怒等,因為負責o既OC未到… 幾個佬響IFC兜左好耐先搵到位坐下,雖然d位都好gap… 最後等左個半鐘d OC先到,真係應該回水~ 之後就去淺水灣啦,原來大家都早有準備, 拎返衫褲黎換…我都淨係拎左對拖鞋黎… 不過之後玩玩下比人著走埋,早知唔拎… 準備好d野之後,d freshmen都開始陸續黎到啦~ 淺水灣呢度有成5個check point,所以都要唔少人手~ 我係負責裝水環節,見d freshmen大部份都玩得幾放~ 真係好想再做返個freshman,無憂無慮的生活啊~ 不過今日做EC都感受到d ocamp氣氛,總算不枉此行~ 尤其是最尾果組…大雨下成班人仲high哂咁跳落水…好興奮… 逗留左4個鐘,大部份組都有黎,今年d freshmen應該唔錯呀~ 期間叫做落過一兩場雨,其他野總算順利啦~ 之後搭返車去旺角食埋晚飯就歸家啦~ 聽日繼續ocamp之晚會食宵,yo~ |
今日日頭都係開工,夜晚食完飯就返左中大, 今晚細O食宵,順便去睇下晚會~ 不過仲要買埋外賣,結果成9點半先到… 去到百萬大道,見到個台空空如也,9成9行左雨程… 入到lab只見班CE佬埋首打緊機… 原來晚會入左shaw搞,又冇得跳營舞,去黎都冇意思啦… 結果同埋班人一齊打機,久違o既俄羅斯方塊對戰! 打到差唔多夠鐘就搭火車去金沙角食宵啦… 今年CE得我地果年有返黎食宵,都有十幾人o既… 基本上都係食野o既時間多,都冇乜敬酒同dem beat o既機會… 之後食完都冇同班人返中大,直接飛小巴返屋企了… 今次食宵氣氛都幾好,只可惜自己投入唔到去了… |
噚晚好夜先訓…所以今日都唔知醒起身… 今日出左去城大…又係同網友解決d紛爭… 不過今次都傾得幾順利,當係吹下水都得o既… 返到屋企都冇乜點開工,好懶呀~~ 今晚又去打羽毛球,不過今次好多人, 連醫生都黎埋,打得好刺激呢~~ |
今日全日都冇出過街…都係開工啦… 終於搞掂左今個禮拜要做o既野,呢兩日都休息下先啦… |
噚晚同網友吹水吹到成6點幾先訓…今日o既節目自然係訓啦~ 起身之後上下網…做少少UCFYP d野… 夜晚出左去同幾個中同食和民,原來而家已經唔使等位~ 食野連吹水…足足坐左兩個幾鐘~ 之後本來想去睇下幾時有場打羽毛球,但原來都full哂… |
今日去左電腦展,嘩…人頭湧湧,仲勁過書展呀! 其實我都冇乜野要買,都係志在黎睇下野… 不過實在太迫啦,都睇唔到d咩特別野… 係算ok平o既d野…如果到換機時節應該會有所斬獲~ 之後順便去左配眼鏡,呢副眼鏡已經飛左出黎好多次啦… |
今日返公司dem野啦…呢個動作開始做到悶啦… 其實都做完咁滯…重要人物今日又冇返… 都冇乜野要改…睇黎今個禮拜都可以渣下攤啦~ 之後出左旺角整電話,因為佢唔識震… 上到去見到幾十人等緊籌,仲熱鬧過等位飲茶… 我拎住張飛等呀等…等左陣就決定去大家樂食個tea先… 食完返黎都仲可以睇陣書先到… 放低部電話去整,又要等多個幾鐘… 周圍兜呀兜…最後去左圖書館搵下書… 想搵pocket PC programming,但都搵唔到… 開始諗緊…係咪palm程式會多resources d呢… 等完返黎仲要再拎籌,不過今次快好多~ 佢話幫我「換左個震」喎…哦好… 今晚無啦啦有個女人打黎屋企搵我, 原來係我小學班主任!原來係叫我校友會返去… well…除左兩年前同個小學同學行山之後, 小學畢業以黎我都冇同小同聯絡過呢… miss仲叫我搵佢地去,呵呵,盡人事吧~ |
今日冇乜野做…四處閒逛~ 淨返個幾禮拜暑假,要盡情過優閒o既生活啦~ |
今日去左同網友踩冰~好耐冇同佢地踩啦~ 首先響天寒地凍o既foodcourt食晏,之後就排隊等入場啦~ 今次有成10個網友去踩,都幾熱鬧呀~ 踩得個半鐘…但總算盡興丫~ 之後去食tea,然後成班麻甩佬走去行玩具反斗城,好搞笑~ 夜晚返到屋企…開陣工咁啦~ |
今日都係hea o既一日…夜晚都係羽毛球時間… 同醫生一pair打雙打,即刻有種無形o既壓力,表現都差左… 打完返屋企開工,今個禮拜o既工作都差唔多做完啦~ 仲有10日暑假就完啦,要好好珍惜淨返o既日子~ |
日頭都係開工…今個禮拜d野做完了~ 夜晚出左去拎新眼鏡,以後唔使再驚飛眼鏡啦~ 之後同左兩個中同去食飯…尖沙咀想搵平野食的確唔易… 跟住就一齊返中大,去睇大O晚會,同埋之後食宵~ 晚會節目都係一般啦,都係等跳campfire o者~ 成班老鬼圍住響中間一齊跳,跳到出哂汗,好正~ 之後就坐車去沙角食宵,今次坐到有利位置,唔錯~ 上次食宵都冇乜機會敬酒,今次終於得償所願啦~ 不過今晚差佬唔知點解咁盡責,經常過黎探我地… 雖然有一段時間都呆左冇野做, 但都已經知足了~有d野不能強求嘛… |
嗯…今日都係留響屋企吧…冇乜特別野做呢… 睇到蘋果講中大四院互片單新聞就無名火起… xanga都講左好多,呢度唔重複啦… |
依然吽響屋企,整理返d野啦~ 仲有一個禮拜暑假,要盡情享受懶懶閒o既生活~ |
今朝又要返公司啦…原本係暑假最後一次返去啦~ 掟低左張invoice啦~不過唔知幾時先會出糧呢… 嗯…都有唔少野要執,仲要今個禮拜上去搞多次呢… 不過算啦…而家忙總好過等開左學先忙… |
今日活動豐富~首先朝早出左去唱K,今個暑假真係算唱得少啦… 之後去左買個新袋,最主要係因為舊袋太細,成日屈巢哂d紙… 跟住就去飛髮啦,橫掂都就黎開學,係時候飛下啦~ (飛緊果陣突然諗到樣得意/無聊野…就係我通常隔兩個月飛一次髮, 而且都係單數月o既一號之前去剪,呢d多數都係特別日子: 新年、勞動節、回歸紀念日、開學、生日… 係得3月1日冇咩特別…係咪好無聊呢…) 接住就出左去同網友碌ling…根據日記記錄我係成年冇碌過… 8個人碌一條lane我都係第一次見,好熱鬧呢… 哈哈,第一局我排第二架,就係因為戲劇性o既一球而拎唔到過百分… 第二局就爭d啦,不過以我一年先打一次咁滯…算係咁啦下話~ 之後再去左九龍灣食飯,14個人圍埋一檯,更加熱鬧~ 唔知係咪大家都好肚餓,個個都變哂暴民… 加上上菜又快,好快就食完,不過都吹左好耐水先散~ 返到屋企,準備chatroom交接儀式… 原本我係所謂o既chatroom負責人, 不過其實我根本就冇時間去打理,所以交低左比其他人去搞~ 過左今日之後,就唔係再我負責啦,好野~ |
今日努力開工…因為聽日又要返公司了… 成個下晝都做得好慢,夜晚先開始加速黎做… chatroom今日順利交接了,很好~ 聽日就係開學日啦,我就淨返4日~ |
2001 | 6 | 7 | 8 | 9 | 10 | 11 | 12 | 月 | |||||
2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |