| 好快就到precamp o既last day，今日冇節目，淨係開E… 食完早餐就執野quit宿，跟住開E開到成1點… 影埋個大合照之後，成個precamp就完滿結束啦~ 之後我地去staff can飲茶，我又係第一次去果度咋… 飲完返屋企都4點，即刻上網跟番細O d野先啦… 夜晚去唱K，都ok耐冇唱過啦，不過都冇乜新歌… 今晚要好好休息下啦，連續三晚訓得4粒鐘，要怒訓呀！ 總結下precamp先…今次所有野都幾順利啦~ 睇得出班OC為左個precamp都做左好多工夫… 有好多野都值得我地響細O度學習呀~希望我地都可以搞得好好睇睇啦~ 同埋做完呢邊輔導員，又做果邊OC，仲要係輔導部部主， 可以響唔同角度睇番ocamp呢樣野，都幾得意~ |
| 泰國去完了，大O precamp都去完了…係時候好好休息下啦… 怒訓到1.半先起身，實在太幸福啦~ 今日o既節目都係吽響屋企，補寫日記啦~處理ocamp野啦~ 時間真係過得好快好快，成日都冇乜真係休息o既時間… 未來兩個禮拜都未有camp住，可以抖抖啦~ 之後就到兩個ocamp，真係希望兩邊都可以搞/玩得順順利利~ 不過講開…呢排似乎大部份時間都比左ocamp… 唔係大O輔聚就係細O開會，而且應該會越黎越密呢… 其他野真係忽略哂，屋企人啦…身邊o既朋友啦…真係要講聲唔好意思先… 但係都冇辦法呢…我好多自己想做o既野都未有時間做… ocamp對於我黎講，的確係幾重要o既活動…無論細O同大O都係… 入左大學一年，經歷左好多好多野，但相信當中最深刻o既，都會係ocamp啦~ 未來呢幾個禮拜，都真係奉獻哂比兩個ocamp架啦~努力啦~ |
| 今日同班細O OC去pretrip，即係行一次全港treasure hunt，睇下有咩問題… 之前precamp就係呢個活動最大問題，所以今次都好多OC去幫手睇呢… 首站係尖咀，十幾個OC當係一組咁玩遊戲， 不過一開始可能太熱啦，都玩得ok頹下，overrun左好多… 跟住搭船去灣仔，好似仲熱，不過有有人請食雪糕，感覺好番d啦~ 再去埋銅鑼灣d checkpoint，都應該算係最好玩果區啦~ 不過我行果條石春路果陣真係超痛…我係咪好唔健康呢… 玩完所有野都成8點，但係仲未完， 反而仲要去淺水灣，仲有checkpoint響果度呢… 去到成個天都黑哂啦，不過睇到好多星，成個天蠍座走左出黎，好靚呀~ 夜媽媽響沙灘玩遊戲我都係第一次，我都係鍾意日頭玩多d… 事前毫無準備去沙灘玩，所以乜都冇帶，但都比人掟左落水， 搞到最尾都係濕哂咁走，等回程果陣慢慢乾囉… 返到出金鐘都已經10點，我地仲未食飯同開會… 我地見過左9.半…唔係唔去打邊爐呀? 一行14人去左旺角果邊打…多謝哂行政部包底~ 一路食一路開會，搞到12.幾先走得， 諗住趕去搭尾班小巴，可惜都係趕唔到… |
| 去完pretrip竟有種去完camp o既感覺，所以今日要休息下啦… 晏晝出左去食飯，之後返屋企訓左輪晏覺… 訓完就繼續執ocamp d野…d時間幾乎比ocamp塞滿哂添… 聽日就係另一次細O大輔聚，雖然明知唔多輔導員黎到， 不過都希望到時順順利利，唔好再好似precamp咁多問題啦… |
| 又返中大做細O野啦…今日算係大輔聚啦~ 所以一朝早就要返lab印本輔導員手冊…噚晚都已經搞到好夜… 一開始有d技術問題，好彩有莊員過黎幫我解決左… 但係輔導部得我一個人得閒，結果咩都要一腳踢… 期間等佢印緊野果陣出左去極速食飯，之後繼續做野啦… 搞左3個鐘終於都印好60幾本輔導員手冊啦… 之後即刻趕去MMW，OC約左自己跳熟campfire先… 雖然果度有冷氣，但係都熱死左… 練左陣就移去NA gym同班輔導員一齊跳~(suppose係咁) 不過竟然得勁少輔導員去，冇計啦…之前約得咁趕… 人少少都要教架啦，好快就過左一粒鐘… 跟住本來去pre mass game，不過天雨關係， 改去賤build brief下d game，同埋E下咁，咁就完左個大輔聚… 完左果陣4.幾，但8.大O有野做，要諗下時間點打發好… 首先清理現場啦，跟住同班OC去食tea，都食到6.幾… 之後見部電話冇電，結果上左人地宿叉電，咁就dum哂d時間… 上到百萬大道，工作係幫手度位，準備四書院互片… 不過我地幾個輔導員好無奈咁度左一陣就冇野做， 結果我地走左去開會傾大組營刊，傾到差唔多10點… 跟住同個輔導員去食飯，佢介紹左間勁平?扒~ 27蚊就有得食鐵板牛扒，仲有成3塊咁多，飽到震呀~ 返到屋企都成12點啦，聽日連開三個會，變態… |
| 又返中大啦…今日預定要開三個會，仲要差唔多接住落… 第一個會係見faculty d人…但去到賤build先有人話我知果個人放緊假… 咁唯有去lab做住野先…dum左果兩個鐘佢… 期間見到CS soc d人同dept admin傾緊野…原來講緊新soc房… 跟住落埋去1樓睇下新環境…原來dept已經計劃好搬soc房… 不過我同CS果邊都覺得搬soc房唔方便，但似乎dept果邊都一早決定左… 唯有再睇下點樣同dept傾啦… 跟住落CC can開首長會，傾番ocamp d野，都算順利啦… 不過幾個大組d野…都要d首長話番我知先清楚…有d野真係幾難搞… 之後上返lab hea陣，然後話去開會，事實上只係去coffee con食野… 食完又要幫手搬野，一大堆camp tee等物資送到啦… 成幾廿袋重野，成十個OC幫手都要搞好耐先搞得掂… 之後響百萬大道踢左陣毽(唔知點解)，就再去NA can食飯… 食緊果陣總算開過下會o既…跟住就落百萬大道pre水戰… 今次拎埋水池出黎玩，不過都未充水我都已經成身濕哂… 跟住比人掟左幾次落水池，真係濕到冇得再濕啦… 玩到臨尾仲要落大雨，等到停雨先執野走，返到屋企又12點幾啦… |
| 晏晝又返中大啦…終於暫時唔使搞細O野住啦… 今日返去目的係聽大O o既輔導員training session… 佢請左兩個social work老鬼返黎分享下點樣先可以做一個好o既輔導員… 我唔止係輔導員，仲係細O輔導部部主，梗係要洗耳恭聽啦~ 不過老實講…呢個training我都係冇乜得著… 好多情況我之前都已經考慮過，但到時han唔handle到又係另一回事… 跟住大組去左開會，講左好多大組要做o既野… 我要幫手搞大組刊，仲要design埋大組旗… 基本上細O都已經佔用左唔少時間，但大O我都盡量幫下手啦… 個會開到最後就係緊張刺激o既揭曉partner時間啦… 嗯…我o既partner都唔錯啦~希望到時合作愉快啦~ 連續幾晚冇返屋企食飯，今晚終於有得番啦， 實在太懷念屋企o既晚飯啦~ |
| 今日總算可以暫時掟低所有ocamp野住啦~去左唱K同碌ling~ 嘩…唔知點解今日碌ling嚴重失準，第一局爆低分…之後碌多兩局先好番d… 碌完一出去突然落雨，所以行多陣商場先返屋企… 夜晚出左太子果邊打冷，好有大排檔feel，有d都幾好食，食到好飽呀~ 返屋企都係繼續ocamp…仲有3日就收freshmen，到時真係忙死啦… 掛住忙ocamp o既後果今日體現到啦…比網友覺得我唔理個chatroom… 嗯…其實今日本來都係同網友去踩單車，不過都因為之前約左人在先而冇去， 呢個唔多唔少都係因為呢排ocamp野太忙，d時間撞埋哂一齊呢… 至於個chatroom，本來不嬲都係我睇開，但近來真係好難再去理啦… 我知果度近排發生左好多事，但講真好多其他野我都已經無暇再理會… 唯有希望班網友體諒下啦，都希望果度d事快d解決左佢啦… |
| 又黎中大ocamp之旅啦，首先返去幫手搬野… 校巴上面見到個OC，於是一齊食左飯先，越食越多OC黎左… 跟住一齊去拎野，只見勁多箱sponsor物品擺響度， 係sponsor agent搵番黎o既，由牙線到香水都有， 最搞笑係有幾把印左廣告o既太陽遮，要ocamp時影相影埋把遮… 真係十足十而家d劇集咁，無啦啦係咁同人賣廣告… 其實咁多人幫手拎，我都冇乜野幫到架喇，幫手開下門啦唯有… 擺低兩箱野就響lab涼下冷氣，之後同faculty個advisor開會… 不過個會真係超頹，OC又唔知有咩要問faculty，faculty又唔知我地要乜， 搞到個會淨係吹左d無聊野，等我地仲咁多人去左… 跟住去左食tea，久違o既檸檬批呀~多謝VP請呀~ 食完就pre番中大對戰節目，不過超頹，只係pre左兩個game… 其他game…我估係冇問題卦…希望係啦… 返到荃灣仲要影印野，到屋企都8.幾啦… |
| jupas今日放榜啦…有三個網友一齊入到中大，可喜可賀~ 諗番起話咁快就一年啦，記得上年我都曾經為入中大定科大而掙扎過… 最後揀左中大…呢一年都過得幾開心丫，識到好多新朋友， 仲有好多好多重要o既野都響中大裡面發生… 希望幾個網友響中大都讀得開心啦~ 今日要出去長沙灣搞貸款d野，因為屋企問題， 今年grant loan又係冇著落，唯有去借囉… 原來而家交form都要拎籌，仲以為自己去左銀行添… 等左幾個字，竟然話身份證副本dum左印唔收貨，要再交過… 而且呢個係阿媽同阿姨o既身份證副本，仲要佢地簽名… 但係聽日就係deadline，仲要聽日全日都唔得閒呢… 結果當然要佢地親自拎番副本黎簽名，但係兩個都返工， 要等佢地lunch time就唯有自己都去食左飯先，初時諗住響屋企食啦… 食完就要搭去葵芳果邊拎番副本，再去長沙灣交form， 結果成個過程用左3個鐘，真係交張form都咁辛苦… 晏晝難得冇野做，渣一陣攤咁多啦… 不過其實之後要做野都做得好慢，搞到好夜訓添… 聽日一早就要返中大做野啦，reg day嘛… |
| 今日係reg day，晨早7點就起身，因為要幫大O果邊做宣傳… 至於宣傳方法就係響百萬大道怒跳campfire… 我都未試過跳campfire跳得咁辛苦，真係累到暈低咁滯… 不過又可以幫手宣傳大O，其實都幾好玩o既~ 跳左成3個半鐘，都氣咳咁滯啦…換件衫就走啦… 跟住係去開番自己系會，好耐冇試過咁齊人啦~ 傾番禮拜六welcome day d野囉… 話哂呢個係比新生o既第一個活動，梗係想搞好d啦~ 傾傾下出面落大雨，要等雨細番d先走得，去lab準備reg day o既物資… 之後要響百萬大道守counter，歡迎CE o既新生~ 執好野出面又落過大雨，我地企響賤build 5樓都唔敢郁… 我上百萬大道睇番個情況，又話做唔到ocamp宣傳， 仲要有d counter個帳篷比風吹lum左，真係激… 結果我因為了解番個情況，搞到遲左陣先set好個counter… set完又發現自己好多野做漏左，乜鬼都唔記得哂， 一時間就忙到死左，搞到頭痛左好耐… 個counter擺左兩個鐘，接待左37個CE新生， 原來有三個何傳耀o既，我都係見到時先知… 令人意外o既係…裡面竟然全部都係男仔！今年CE竟然冇女仔… 之前已經覺得CE男女失衡情況好嚴重架啦，估唔到今年更誇張… 希望下年班同學都可以一樣讀得開心啦… 搞掂個counter又要過franklin果邊搞細O報名表格， 4個人搞左成粒鐘先分好哂d表格，不過又發現左令人失望o既野… 我地原本預計300人玩個ocamp，但最後竟然得200個… 除左有十幾個新生唔玩之外，仲要唔知點解得咁少人交表… 如果到時都係得咁多人就慘啦…個ocamp要蝕死… 搞掂之後即刻趕上去UC開大O會，傾個大組要做o既野… 呀…呢幾日仲要抽時間做大O d野，希望做得切啦… 開到9.幾又要趕落lab印野，然後落CC同個部員搞細O分細組o既野… 分左個半鐘先分好哂24組，返到屋企都12.幾啦… 估唔到reg day都要搞到咁忙，累到不得了啦… 今日仲有樣唔關我事，不過都幾重要o既野，就係會考放榜啦~ 同自己學校o既人唔熟，所以都冇乜點理，不過聽講話麻麻地… 至於班網友，有幾個都唔錯呀，恭喜哂~仲有餐飯食，yeah~ |
| 今日又吽響屋企，不過就忙到死…因為細O已經迫在眉睫啦… 首先梗係搞分細組d野啦，除左打番d人名落excel度，仲要調番好d新生… 夜晚分比大組長果陣又個個都有唔同要求，又要調呢樣調果樣… 估計淨係搞呢樣野都用左我三個鐘時間… 另外仲有打電話比d唔去ocamp o既新生，因為實在太多人唔去… 結果唔去o既30幾個人之中只有一個話考慮去，真係灰到爆… 希望到時多d walk-in啦(雖然到時會做死)，否則就真係蝕死… 夜晚仲有大O要design大組刊封面同大組旗，都好耐冇做過呢d啦… 聽日應該比今日更忙，後日就細O入camp啦… |
| 一朝早就係咁處理新加入ocamp o既新生，多左幾個，好過冇啦… 食完晏就返中大，山長水遠入shaw pre開幕禮，但竟然勁少人去… 最後都係冇pre過咁滯，我去到淨係搞左分房d野… 跟住就去賤build同CS同dept d admin開會，傾搬soc房問題… CS果邊d人好強硬，點都唔肯搬，至於我地CE都係唔多想搬， 不過d admin就死要我地搬，不過講黎講去都係冇說服力… 睇怕佢地都係受左dept o既壓力先會咁同我地拗架o者，其實兩邊都辛苦… 最後傾左兩個鐘都係妥協唔到，soc房仍然唔知搬唔搬… 之後去會合番班OC，食完飯去傾野，但期間hea左好多時間… 一路傾仲要搞聽日系會welcome day d野，要一心二用添… 傾到11.幾先走，差唔多要趕尾班巴士啦… 返到屋企竟然走左睇奧運開幕禮，再加埋執野去camp，搞到成5點先訓… 我想講o既係我7點要起身，救命呀… 聽日就係細O day -1，呢日就要入camp準備啦~ 未來六日睇怕一定冇時間打日記啦，大家唔好掛住我喇~ |
| 今日係系會welcome day同埋細O day-1，不過因為要一次過打哂6日o既日記， 所以我只會好簡略咁講番呢幾日做過d乜，感想過d留番哂響最尾一日先打啦~ 7點就要起身返中大搞welcome day，我仲要全日做MC， 搞到冇心情去認番d freshmen添，成日都只係認到幾個… 今年流程其實同上年差唔多，基本上都順利進行… 係printer壞左同server房火燭搞到有d野比唔到freshmen睇… 睇番呢班新生，雖然佢地都要接受全男班o既殘酷現實， 但都算係幾玩得啦，希望可以辣著佢地，令成個CE好玩d啦~ 完左呢個就入camp啦，今晚除左搬野同開會之外都冇乜野做， 仲有閒情走去食pizza，都唔錯丫~ 不過都要盡量爭取時間休息啦，到day 1就要怒搏殺… |
| 怒訓到11點起身，落去食晏同去lab印野，都算ok優閒~ 跟住返到去輔導員就黎到啦，再加埋D EC都係我管，開始慢慢忙起黎啦… 不過其實今日做過d乜…唔係太有印象… |
| 細O day 1啦，終於見到班freshmen，好緊張！ 朝早一直忙分房o既野，百幾間房要分得好都唔係易事… 跟住去canteen食晏…竟然係新生早過d組爸媽去到，都有點兒那個… 我匆匆食完就趕番上shaw準備開幕禮，又係負責分位… 開幕禮最尾dem beat，見班freshmen都算投入，好開始丫~ 之後佢地入宿，問題即刻出現…原來有一堆房冇冷氣用， 結果其他OC渣攤o既時候，我就要頻頻撲撲咁搞掂冷氣d野… 跟住大組時間，終於可以真正渣下攤啦~ 佢地玩完遊戲就跳campfire，可以教新生跳舞，正呀~ 食晚飯，由我地OC帶起番個氣氛，之後全場都好熱鬧， 出現番上年怒dem beat o既情景，幾好丫~ 跟住又大組時間，繼續怒渣攤，爽呀~ 係臨尾唔知點解好無辜咁比大組d人玩… 最後一個活動係四組互片，氣氛算唔錯呀~ 返到宿又有大問題，就係洗衫…之前一直冇傾過呢樣野… 好辛苦先搵到d credit黎洗衫，仲要人幫手洗哂幾百件衫， 我開完會都幫幫手做番，搞到4.幾終於洗哂啦… |
| 今朝一早落lab搞加print quota o既野…如果唔係印唔到營報… 之後去運動場準備mass game d野，烈日當空，曬到正一正，好辛苦… 勁唔知點解d新生會搭校巴落去，搞到delay左成個幾鐘，真慘… 不過最慘都係我地book唔到gym，搞到大家mass game玩得勁辛苦… 我幫手幫到後段都頂唔順，熱到暈暈地，要入壁球場果邊涼冷氣… 食完飯就係treasure hunt，我守o既checkpoint當然係nami nami啦~ 去到要等成兩個鐘先有組黎到，好彩有報紙同mp3機解下悶… 上次precamp d輔導員都唔肯跳，今次d freshmen聽話好多啦~組組都肯跳~ 不過我就慘啦，有18組黎左，即係我要dem 18次，跳到超累… 響銅鑼灣鬧市吽左5粒鐘之後，就同其他OC去又一城食飯，之後返中大準備水戰啦… 今年d新生好似都玩得幾癲，但我地OC玩得仲癲，好正呀~~ 不過最尾分dept玩(上年都冇咁玩)就慘啦，我完全唔知d CE人去左邊， 嗌得勁辛苦都call唔到人，搞到CE頹鬼哂添… 返到宿又係搞洗衫d野，不過今日好好多啦…最後都係由大組自己睇番~ 但係開會傾野果d都搞到好夜訓啦… |
| 今朝有悶talk，我又係負責分位，但竟然唔知醒，比原定遲左個幾鐘起身… 未刷牙洗面就即刻衝出去搞番d野，好彩都響freshmen黎之前搞掂… 跟住返宿渣攤，然後又準備食晏分位啦…我好似做黎做去都係呢d… 匆匆食完飯就去準備duel(對戰)環節，響lab守checkpoint，爽呀~ 我個checkpoint係叫佢地同人ICQ，鬥d reply裡面多d「我」字… 不過呢個遊戲都好sai時間下，難為d freshmen真係咁落力諗點先贏到… 守左4個幾鐘，都只係得12組人玩過， 不過其實我呢個game都唔係太好玩，唔緊要啦~ 跟住吽響lab渣攤，上年組爸又黎左，同佢一路吹水吹到晚飯時間… 都係負責分位，不過有d組遲左黎到， 搞到我去到張OC檯先發覺d[食送]比人夾哂，要食白飯，好慘呀… 食完又帶d人落本部參加個engine nite啦~ 呢個活動之前一直冇pre過，所以我都擔心搞得唔好… 但最後成個過程都好順利呀，成個節目d氣氛都好好呀~ 真係估唔到上年果種氣氛，今年都可以出現番呀~ 玩完去完toilet就出發去食宵啦~ 今年食宵都幾麻煩，d位又窄，效率又慢，搞到d新生有d鼓譟添… 最煩係片人環節，因為太近民居，搞到差佬黎逗左我地兩次… 結果決定係返中大先片，都係第一次見人響lady shaw天台片人… 有兩個dept都係由個P出黎帶片，所以我都走出黎帶啦… 雖然我明知自己唔係合適人選，都冇辦法，唯有死撐啦… 今年我地出得d貨都幾賤，我自己真係豁哂出去啦… 同埋把聲真係放盡哂，完左之後真係失哂聲… 之後返宿，同兩個OC行包尾，一路行大家一路講左好多心底話… 可能我少理OC之間o既關係，所以好多野原來我都唔知道… 總之希望大家完左個camp，唔好再記住d唔開心野啦~ 最後一晚，總算冇乜野要處理，但訓覺果陣天都光哂啦~ |
| 今朝淨係響宿忙還鎖匙d野，搞到去唔到閉幕禮添，唔知搞成點呢… 搞完班freshmen都去拎學生證啦，個camp咁就完左… 原本諗住等佢地搞掂之後影大合照，但竟然無啦啦爆大雨，影唔到… 不過我地都算執到啦，真係等個camp完哂先有落雨… 避完雨之後幾個OC去食晏，之後我就響lab吽住等reg科啦… 不過實在太眼訓，去上上下網都要較鬧鐘洽陣先… reg完就返屋企啦，離開左屋企6日，日日都忙爆，今晚真係要好好休息啦~ 講下去完個camp o既感想啦…初初真係冇諗到個camp可以咁順利舉行呢~ 我響日記都已經成日講，話好擔心今年會搞得唔好… 因為我地之前準備工夫真係好唔夠，好難可以搞得好… 不過而家睇番，成個camp o既過程都算好順利丫~ 雖然中途都遇到好多問題，但最後都總算搞得掂，又學到好多野啦~ 呢幾日，睇得出成班OC都付出左好多，個個都為做野搞到冇覺好訓… 不過大家辛苦得黎都仲可以成日走出黎搞氣氛，好掂呀~ 真係好開心可以搞到今年o既 ocamp~~ 經過呢6日5夜一齊搏殺，大家都熟左好多呀，正~ 希望遲d有時間就約到大家出黎聚下啦~ |
| 終於可以真真正正咁渣下攤啦~好爽呀~~ 昏迷到2點先起身，足足訓左11個鐘呀~ 其實都唔係好夠…不過好肚餓，冇計啦… 晏晝用左唔少時間睇奧運…香港隊好野~ 不過今日都唔係渣哂全日攤架，因為大O就黎到啦… 過多4日就係day 0，但係我乜野細組野都未做丫… 細組名都係噚晚先臨急臨忙諗好，叫做「信吾巽」！ 夜晚約左老婆傾野，好彩同佢住得勁近，又會咁o岩都係麗城~ 傾左個幾鐘，組旗組刊果d終於有d idea啦，希望d野做得切啦~ |
| 今日又係渣攤o既日子~ 晚飯時間睇奧運，雖然只係響屋企睇，但氣氛都已經好正~ 特區旗幟首次響奧運場上升起，好威呀~~ 今晚應該要去整細組旗，不過我老婆唔知點解勁夜先得閒… 結果我要1點鐘漏夜登門造訪，用左3個幾鐘時間完成支旗啦~ 返到屋企上陣網都5.幾，好彩聽朝可以勁晏起身~ |
| 怒訓到1點先起身，爽呀~ 今日全家人去澳門玩，屋企淨番我同細佬，不過我起身食左個麵都出門口啦… 返中大開大O會…主要係傾大組時間d野，原來之前咩都未傾過咁， 有成6個鐘大組時間都未知要搞d乜，結果由3.幾傾到11.幾先傾好… 今次開會效率好似幾慢下呀…我傾傾下都訓著左… 走果陣仲要飛的落火車站，咁先趕到尾班巴士… |
| 噚晚幫手搞大組刊d野，竟然搞到6.半先訓…所以今日就怒訓到2點先起身… 今日o既生活可以用「十分頹廢」黎形容，我都講唔出今日做過d乜… 大O o既day -1，竟然係如此得閒…講真我都唔想… 當係休息下囉，講真呢個暑假我有邊日真係hea過呢其實… 聽日出發去大O啦，禮拜六返黎，希望呢幾日大家都過得開心啦~ 突然好擔心自己做唔到一個好o既組爸…仲要呢幾晚發夢都係帶住d組仔組女… 我開始覺得，做個好o既組爸比做個好o既OC難好多… 至少以我呢種性格黎講係咁囉…我真係好驚帶唔起個氣氛… 又驚人地覺得我地細組頹…始終準備工夫都比其他組少好多… 唉~~或者係我諗得太多啦…都係盡力做好本份就算啦~好好enjoy大O啦都係~ |
| 大O day 0啦~呢幾日o既日記又係會勁簡略，到last day先講感受啦~ 執好野就返中大入宿先啦，呢幾日都會住湯宿，返到「老家」啦~ 跟住成堆組爸組媽落百佳入貨for組仔女呢幾晚o既零食杯麵， 不過我老婆夜晚先入camp，要我自己一個入貨，諗買咩都幾傷腦筋呢… 買完返上UC，搞細組旗d野啦，原來紮支組旗都要好有技巧… 跟住搞埋camp tee d野就去食飯，然後繼續組旗， 之後o既時間都係大組長同我地傾番呢幾日o既細節， 講完都已經2點幾，再傾多陣野沖涼果d， 都搞到4點先訓，仲諗住day 0訓番夠本添… 返中大期間收到個壞消息，阿婆又入左醫院… 冇耐仲話入左ICU，話心臟隨時會停，我隨時要出camp… 收到呢個消息真係呆左，話哂我都係佢幫手揍大… 好驚真係玩玩下個camp突然會有更壞o既消息… 好彩夜晚再收到電話…情況好番好多啦…希望快d冇事啦… |
| 9點幾就要起身，去UC gym pre番一次開幕禮就去左切燒豬儀式， 又要唱院歌又要宣誓，都幾serious下…食完飯就去gym等freshmen啦~ 我果組唔知點解等勁耐先有第一個freshman黎，好緊張呀~ 之後陸陸續續都有其他仔女黎啦，係最慘有個仔最尾都退出… 開幕禮之後入宿，跟住有個新搞o既開幕活動，排字母影大合照… 跟住係書院時間，輔導員可以渣攤，我地去左食tea！ 之後見仲有唔少時間…咪落賤build搞soc d野，充份利用時間！ 食完晚飯就到大組時間，玩細組自介同互片， 見到今年d freshmen…都好似幾有貨咁喎~ 玩左陣大組遊戲就夜遊中大，去唔同checkpoint玩game~ 做組爸基本上都冇得玩，都係陪d仔女行黎行去架咋… 玩到成1點先完，仲要逆走小橋流水返宿，都幾刺激… 沖完涼班仔女玩truth or dare，玩到4.幾先訓… |
| 今日玩全港treasure hunt，帶住班仔女四圍去， 間唔中又有得同佢地一齊玩下，都幾好~ 跟住返中大，又係大組時間，我之前suggest左個扮野game，都應該算唔錯啦~ 之後跳campfire，跳到身水身汗，好正呀~ 抖完就到夜話時間(雖然天都未黑)，竟然搵到我n年前o既中文阿sir番黎… 不過我果陣同佢唔熟，所以都冇乜感覺…但佢都係同以前一樣咁… 食完晚飯就大組競技，今年新加左油banner環節，都幾有meaning o既~ 玩完就再跳campfire，跳到12點返宿沖涼~ 噚晚冇準備啤牌，今日出去特登買返黎，可以玩game啦~ 玩完仲繼續吹水，差唔多5點先訓… |
| 今朝又有大組時間，選組花草玩drama，班freshmen真係勁有貨， 大部份drama都勁爆笑，仲係笑到勁辛苦，有d位真係笑到唔敢睇落去… 跟住食晏有好多hea o既時間，因為落雨要行雨程… 最慘係四院互片歷史性cancel左，淨係可以響gym練片… 之後班freshmen聽學生會時間，又係輔導員渣攤時候… 跟住藝墟，班仔女分散哂黎走，但有幾個又要我帶，都搞到幾亂… 晚飯時間揭spy，我地組冇人估到，都難怪o既… 然後就晚會，好彩一直都冇落雨，不過我覺得d節目麻麻地… 係最尾campfire就真係正o既~尤其是比仔女怒踢果陣(我好似有d被虐狂)~ 跟住去食宵，我地大組拎埋件超型precamp衫去， 仲即場響門口換埋衫，入食宵場地果陣真係型到爆炸~ 今次食宵雖然多次有差佬逗，不過都唔理得咁多，照嗌一餐~ 最正就係十幾廿個中同一齊怒嗌「何傳耀」，估唔到真係咁多中同入左UC~ 食完飛的返去，不幸地係最尾一組沖涼，鋤d打發時間… 本來今晚應該通頂，但沖完涼都5.半，女仔又累，都唯有訓啦… |
| 大O話咁快就到last day啦，今日唯一節目就係閉幕… 2個幾鐘時間裡面，好多人走左出黎做sharing，好多人喊左… 雖然上年閉幕情況都係咁，不過今年第二次玩，感覺特別唔同… 今次真正feel到細O同大O o既分別…前者真係得個玩字， 後者雖然未必有細O咁好玩，但係個camp好有meaning， 玩完之後對書院o既歸屬感真係會多好多呢~ share完一齊唱《海闊天空》，真係好touching… 最後齊嗌UC同唱山歌，果下真係好唔捨得，都唔知仲有冇機會… 閉幕之後影大合照，真係天公造美，竟然比左幾分鐘陽光我地… 等影埋大組合照就出去食飯啦，去到沙田已經2.幾… 成個大組去飲茶，等位都有排…食完返到屋企都5點啦… 之後即刻出醫院探阿婆，佢精神番好多啦，總算放低心頭大石… 係時候講感想啦…呢幾日真係比我睇到自己最大o既缺點囉… 或者我去camp之前講o既真係冇錯…我o既性格真係好難做到個好組爸… 呢幾日都冇乜點搞過氣氛囉，大部份時間都係靠我老婆… 其實d仔女本身都幾好玩o既，不過有唔少悶位我都做唔到d咩… 希望以後d組聚…同d仔女可以再close d啦~ 至於個camp本身…就冇乜特別…同上年都差唔多… 呢5日4夜真係過得太快啦，閉幕禮同開幕禮好似只係隔左一陣… 有好多地方都令我諗番起上年以freshman身份玩ocamp o既情景… 今年以組爸o既身份玩，但遇上相同o既情景，感覺都幾得意~ 唔知我下年仲有冇機會玩大O呢… |
| 今日完全係大昏迷…由12.幾訓到2.幾，起左身都冇做過乜野… 夜晚出紅磡食buffet預祝阿媽生日，不過今晚胃口麻麻… 呢度係3年前grad din o既場地呢~重臨舊地都幾感觸呀… 今日係咁多啦…極頹廢o既一日… |
| 今日繼續大昏迷，又訓到2.幾起身… 起身食個麵之後就出去比d野人，順便閒逛一陣，食個tea咁… 之後去飛髮，但真係激死，竟然比人ignore左… 等左成個鐘都冇得剪，結果仲搞到之後約人要遲到… 原本諗住飛完仲有時間探下阿婆先嘛… 夜晚同網友食飯，慶祝其中兩個會考成功~ 今次有成18人一齊食，真係好耐冇試過咁齊人呢~ 去旺角打邊爐，又黎肥牛爭霸戰，都幾搞笑~ 食飽仲去左打機同飲野，玩到成11點都唔捨得走… 不過我竟然又再唔舒服，谷住道氣…最尾都頂唔順要走先… 好辛苦先返到屋企，即刻訓上床到，好番好多啦… |
| 今朝返中大開會，但竟然唔知醒，又遲到啦… 竟然接二連三發生黑仔事件，搞到又遲到又做唔到野，可惡… 唉…呢排完全冷落左soc d野…要執番好個爛攤子啦… 又唔夠人開會，都係意料中事，都已經唔想理咁多，照傾啦… 晏晝有unix talk，請個tutor返黎教freshmen點用unix野， 記得上年兩個講者講得超快超難，完全唔知學左d乜… 今年呢個tutor簡直係掂啦~雖然都講左勁多野，但我估佢地都理解到卦… 3個鐘o既talk裡面，我都學左好多野呀~ 之前有莊員諗住叫埋d freshmen一齊食飯，但我驚dum唔到咁耐時間， 所以都冇贊成到，不過最後都有叫佢地，估唔到佢地又肯留低… 夾硬同佢地吹住水黎dum…估唔到都dum到一個鐘時間…6點鐘離開lab… 去泰源食飯…都有幾個freshmen到，真係估唔到~ 呢幾個都應該係下莊希望黎架啦，要認實佢地啦~ 又一樣估唔到o既係…今餐都可以傾咁耐野，成9點先散水… 返到屋企，睇左人地d日記，又有感而發啦~ 呢排d人講番大O野，原來每個細組經歷o既都好唔同呢… 睇得出其他輔導員真係花左好多工夫令自己細組好玩d… 唔知係我地細組本身冇乜問題，定係我睇唔出d問題呢… 比起上黎，我好似都冇做過d乜野工夫咁…搞到自己好懶咁呢… anyway，我都希望以後盡力keep好仔女o既關係啦~ |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |