| 太耐冇寫日記啦…唔知仲有冇人睇呢?
近期實在太忙了…番完暑期工又即刻去camp… 又狂打風落雨，搞到server死哂，呢個網都down埋添… 呢期收視實勁下跌啦~~ 不過由今日開始，我唔會再偷懶啦… keep番日日寫日記！希望有人睇啦… |
| 番學校聽放榜講座…雖則裡面有教人點冷靜、放鬆，
但越聽就越緊張…後日就係啦，一提起「放榜」 兩個字都震一震… |
| 放榜前夕，要準備所有關於放榜o既野，
一朝早就去影學生相，跟住又要搵畢業証書、 成績表黎影印，行程非常緊湊… 每小時倒數住仲有幾耐放榜，真係勁緊張… 希望聽日掂啦！！ |
| 成晚訓唔著…腦海不斷出現見到張成績單時的情境…
矇矓之中就天光了…然後過左一段時間，鬧鐘就響了。 雖然成個身好[支力]咁，但我都即刻彈起身， 好似以前番學咁，刷牙、洗面、食早餐…然後番學校， 嘩！好多人！我去到校務處，見到老師們都好忙碌咁 準備D成績單…好緊張！跟住班主任來了， 佢拎住一疊紙，有人話我知：「喂，你個名 highlight左喎！」我諗：係咪咁好彩入到？ 上到禮堂，心情越黎越緊張，手心開始出汗… 8點05分，阿sir就派成績單了。派到我後， 我即刻將張野反轉，然後偷偷咁掀起佢… 喔！22分？入唔到原校了…慘了…點解會咁的… 跟住我睇清楚D…車…原來睇錯…26分，入到有餘… 真係嚇死！跟住即刻打畀各親戚，然後即刻填表、交表， 等結果…11點05分，「入選名單」貼左出黎， 呼…自己揀的科都掂，好野！ 終於鬆一口氣了，然後就午飯、回家休息， 晚上到樓下食飯慶祝…這就是放榜的一天喇。 |
| 一大早去睇戲，
下晏去城門谷游水， 夜晚就chatroom icq， 終於可以好好享受暑假了~ |
| 成12點幾先起身…下午同夜晚一直上網…平淡的一日 |
| 早上去睇侏羅紀，下午百無聊賴，
入去機鋪打左一陣(16歲到而家終於第一次入…) 然後番屋企訓晏覺… |
| 同細佬去左個音樂日…去左成日… |
| 10點幾起身，都係覺得唔夠訓…都唔知點解
上左陣網後番學校訂校服(條褲吊腳了)， 估唔到兩條褲都要二百幾蚊…$$$ 下午都係上網、上網… 但始終都係冇乜心機整個網… 睇黎我未來幾日都要加把勁了 |
| 成日都係上網 |
| 下午往長沙灣康X旅行社開茶會，準備後日的韓國之旅。
那裡的裝修及食物比永X的黎講實在差太遠， 而且冷氣勁得滯，不過那個職員都算解釋得幾詳盡。 晚上忙著執行李，還要搞點網站的東東，真忙… |
| 旅行前夕，成日留響屋企準備一切…
希望今次旅途愉快吧！ |
| 《在韓國》 |
| 《在韓國》 |
| 《在韓國》 |
| 《在韓國》 |
| 嗯…噚晚從韓國回來後都冇時間寫日記添…
今次韓國之旅幾好玩啦，遲點得閒的話寫番篇遊記吧， 這裡唔講咁多了 回來後就要即刻開工，想在淨番的10日暑假內抖下都唔得… 嗯…諗諗下成100日的暑假，咁就過左10分9， 真係過得好快！ |
| 今日好熱…天文台有34度，係今年最高紀錄…
熱到冇乜mood咁…成日吽響屋企，乜都唔想做… |
| 早上往了睇戲(有人請)，下午同夜晚都係在家寫網頁。 |
| 這日的日記係唔記得左寫…咁o岩畀你睇到添… |
| 下午往青衣睇戲，然後上了朋友的家中坐，
講起上黎…我都好耐未上過人地屋企， 今次一坐就坐左4個鐘… 夜晚往阿姨屋企食飯，然後睇錄影帶， 真係近來難得充實的一日… |
| 一朝早返學校開會…搞學生會呢…
結果我做左內務文書，要寫會議記錄… 聽講話搞學生會好辛苦呢，不過[才羅]番個經驗都好o既… 都希望我地掂啦！ 下午同夜晚都在家幫阿爸整野… |
| 今日同網友們去海洋公園玩…有兩年幾冇去囉
雖然天公不做美，成日都落住雨咁，但都好好玩呀！ 玩勻哂過山車、海盜船、滑浪飛船等， 仲玩埋跳樓機添呢！真係好刺激 仲睇埋安安同佳佳…這是我第一次睇呢！ 跟住食埋飯返屋企囉，真係好[支力]… 不過突然整個一號波出來，又要繼續搞阿爸D野， 整到我點幾鐘都未訓得…好辛苦呀… 聽朝又係一早要番學校開會呢…救命 |
| 又係一朝早返學校開會…
下午做乜忘記了(因為又係補寫日記…近日太忙了) |
| 一早番學校參加F.6學生輔導，
下午同成班五丁友(上年5D同學)去飲茶~ 食完飯返學校開學生會的會… 開到學校清場再去主席屋企開、開、開…到7點半， 食埋晚飯返到屋企已經10點， 估唔到暑假最後幾日係咁忙的… |
| 八月最後一日，原本諗住出去睇戲或者唱K之類的，
但經過海洋公園之旅及連日的開會後， 我已經[支力]到不得了，加上仍有工作要做， 結果整日都留響屋企了。 下晝飛髮，買鞋，準備返學。 |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |