起身去左飲茶,好耐冇試過啦~食得好飽呀~ 阿婆今日都食左好多野,勁呀~ 之後就返屋企溫下書啦…夜晚去完老人院又落街市食飯… 原來呢度都幾多野食,間上海野都唔錯,除左太多味精… 食飽飽就返中大啦…繼續溫書先~ |
今日都係繼續hea響中大溫書… 出面好大雨啊,都唔想出去啦~響宿玩下chatroom好過~ |
今日都係溫書,之後出去補習,唔使吽響宿啦~ 不過搵到個year 1頂,都應該就黎唔使補啦,呵呵~ 食完飯繼續返宿吽… |
今日又係溫完書去補習,補完仲要等呀等, 因為頂我果位同學黎左,又要等埋家長黎一齊傾下先… 點知果位家長「有野做」遲大到,差唔多8點先走… 去拎返之前乾洗左件袍,仲乾淨過借果陣,實唔使罰錢啦~ 返到中大去左lab食pizza,正~之後溫陣書都返宿啦… |
今日真係最後一日補習啦,仲要係一朝早去,好眼訓… 返到宿即刻訓陣先…晏d去左shaw食飯溫書… 之後返屋企啦…仲要拎埋隻倉鼠返去,總算順利~ 夜晚去左樓下食飯,今晚真係同阿婆慶祝正日生日, 不過今日就冇咁齊人呢…但餐飯都不錯吧~ |
今日都冇咩點溫書…好鬼hea添…哈哈~ 晏晝去左買個新籠比倉鼠用,勁大呀,正~ 食完飯又去左睇阿婆,次次見親都唔肯食藥,唉~ 不過想當年我自己又係咁,哈哈~ |
今日都係響屋企溫書…聽日第一科,亦係最後一科考試~ 其實都溫得好hea,話哂都溫左咁多日啦… 之後去完老人院就出荃灣食飯…之後返宿舍溫書啦~希望聽日順利~ |
今日考試啦~得一科,所以都溫左幾多日下… 其實份卷唔難,張貓紙寫得好就得,不過我就寫漏野… 不過點都好,已經係中大最後一次考試啦~可喜可賀~ 考埋呢個試,我都算叫做正式畢業啦~yeah~ 呢幾日都係響宿舍,過下d優悠o既生活先~ |
今日返半晝,朝早撞到個中同,好耐冇見啦~ 由荃灣吹水吹到長沙灣,有機會約出黎食飯啦~ 返工…呆左成朝…幾個鐘以黎都淨係做過一樣好簡單o既task… 之後就返屋企抖下啦~ |
又返工啦…好眼訓…不過竟然唔使飲咖啡都捱到一日… 今日終於有野做啦…但都唔易做… 做到夠鐘走都做唔完添,諗到頭都痛… 之後去左搞身份證,到我換證啦終於… 不過今日個樣麻麻,算啦…應該都好過之前果張o既… |
2001 | 6 | 7 | 8 | 9 | 10 | 11 | 12 | 月 | |||||
2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |