| 今日去左濕地公園…朝早飲完茶就出發啦~ 搭西鐵再轉輕鐵，都要成個鐘先到目的地… 第一站去左睇貝貝，原來咁細隻…都唔識郁o既… 雖然個公園範圍都幾大，但周圍都人頭湧湧… 大家就走馬看花咁望下d花花草草咁啦… 上到觀鳥屋，望遠鏡都唔多個，當然觀唔到d咩啦… 兜左個圈就返公園唯一一間大家樂食個tea… 之後轉戰室內，都有d奇珍異獸睇下，仲有好多電腦噤囉… hea下hea下都去到5點關門時間，都差唔多搵地方食飯… 搭返輕鐵去三聖果邊食海鮮， 係自己去海鮮檔買完拎去酒樓幫你整果隻… 食飽飽都歸家啦~ |
| 今日出左中環…去姨媽o既新office參觀下… 不過都未裝修完冇咩好睇…最主要都係幫手整下電腦d野… office 2007我都係第一次接觸…覺得好難用… 之後去翠華食個晚餐，然後慢慢行去大會堂， 今晚有親戚表演中樂，去捧下場嘛~ 去到都仲有成個鐘，出左去皇后碼頭影下相咁… 呢個中樂表演都唔係第一次睇架啦，兩年前都睇過~ 不過今次冇訓著啦，仲encore左兩首歌，都唔錯o既~ 之後返荃灣食個許留山先返歸… |
| 今朝一早出左去拜山，係好耐冇拜過o既阿[女麻]… 除左老豆之外，其他親戚都好耐冇見啦…起碼都幾年… 墳場都好耐冇去過，好似上次去都仲係細細個… 今日冇我以前印象中咁多人，都冇印象中行得咁辛苦… 行完就一班人去飲茶，食飽都返屋企hea啦… |
| 今日出左去觀塘唱K，好耐未黎過呢頭啦… 呢次係同班大同唱，都好耐冇同佢地唱過啦… 我一首歌都冇揀，大家都揀d經典歌黎唱，另有一番風味~ 唱飽就過隔離機舖玩左陣，之後就散水啦… 走果陣見到草蜢表演緊，不過望一眼都走，趕住返屋企嘛… 今日隻狗生日，屋企幫佢搞左個party，梗係要趕返去~ 第一個節目係帶佢落街玩…平時佢都好少落去，今日就玩下啦~ 我都係第一次同佢一齊落去，雖然踩左屎，但都幾好玩~ 之後返屋企冇耐就有來賓黎到，影下相、食下野咁… 仲有生日歌、生日蛋糕…人生日都冇咁多野搞，哈哈~ 跟住拉大隊落樓下食飯，節目認真豐富… 五日假期咁就結束啦…充唔充實? 都算係咁啦~ |
| 呢幾日返工都冇打日記添…其實呢幾日都係時忙時得閒… 因為多數都係d細job，所以搞到散開哂黎做… 主要都係幫個客睇下點解system成日勁慢… 其實都唔知可以點執…實在太多data… 另一樣野就係幫個sales研究下d barcode， 原來barcode呢家野都有d學問，又幾好玩架喎~ 而且呢幾日都keep住成7點先走，唔知今個月有冇機會爆呢… |
| 呢兩日公司都ok忙，除左繼續執下個被嫌慢o既program之外， 都有唔少其他細job要跟，所以時間都過得幾充實… 今日有組聚，因為有兩個同事入左黎一年啦，即係我地組都成立一年… 話時話我都就黎做夠一年啦，到時又要慶祝下啦~ 今日一直預測話會有大雨，結果成日都冇事… 到放工返到荃灣先突然爆大雨，好彩有帶遮…雖然都濕哂… 沿途見到巴士站牌同垃圾筒都被KO哂，但轉眼就停雨… 返到屋企先發現wic個雨量圖壞左，又要花時間整… |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |