| 嘩…轉眼間就3月啦…到底我成個二月做過d咩呢… 今日訓到死下死下，頭幾堂清一色走哂，唉… 之後先補返個tuto黎上，總未算day off自己o既… 跟住出去補習，返到黎又要開工， 都唔知做功課定溫書好，兩樣都做d咁啦… |
| 今朝頭5堂早堂全部上哂，兼且一分鐘都冇訓過，真係要比個服字自己！ 為左表揚自己，我決定跟住就返宿訓晏覺，好爽呀！ 跟住都落去上多一堂，之後響lab做下功課， 今晚就返宿溫書啦，聽日係最後一科midterm啦~ |
| 今日淨係要考midterm，起身之後就怒溫書，好似考final咁… 兩個鐘o既時間，都過得幾充實，呢科都應該唔差o既… 跟住去左幫同學手掛banner，話有50蚊一粒鐘， 我都係幫左一陣，唔知有冇份呢~ 今晚去左中唱…入到中大咁耐，都係第一次睇singcon~ 今次一來同中同聚下，二來捧個師弟場，三來睇下eason~ 中唱果然係中唱，參賽者o既水平真係好高呢… 特別欣賞合唱組，組組都有驚喜呀~ 最尾到大家最期待o既eason，唱得4首歌，真係好正~ 考哂4個midterm，終於可以鬆一口氣，然後即刻就要做功課喇… 下個禮拜有一堆功課要dead，差唔多全部未做， 到底奇蹟會唔會再次出現響大家身上呢? 今晚做到4點返宿，撞到個中同，傾下大家o既workload… 聽完呢位physics同學o既講法，就知道咩叫一山還有一山高， 忙其實都有好多種o既，頂唔頂得住就睇你點諗喇… |
| 今朝6點先訓，什麼堂都走了，起身都1點幾… 吽響宿怒做功課，呢份project唔知點解做到唔想停…雖然都幾煩… 今日係shaw photo day，而且CE今日大搞，要過去湊下熱鬧啦~ 不過之後要去補習，如果唔係出去同大家癲下都好~ 但係身為機佬o既我，都慘被顏射左一下，好彩唔算濕得好緊要~ 今年CE班佬除左噴香檳，仲出動埋水槍、牛奶、可樂、麵粉等等， 唔知下年我地會玩成點呢… 跟住出去補習，個細路越黎越唔聽話啦，真係難搞… 返到屋企，成晚都係做果份project，做左幾粒鐘終於de完個bug啦… |
| 今朝8.幾已經醒左，但之後冇訓番了，到晏晝先開始做功課… 做完一份之後好眼訓，頂唔順訓左陣，起身都食晚飯啦… 食完飯就電視直落…《殘酷一叮》+《獅子王》+《搞乜鬼奪命雜作》， 好耐冇試過一次過睇咁耐電視啦，哈哈~ 不過睇完先知衰，d功課都未必做得切，結果今晚做到5.半… |
| 今日都係頹頹地咁做下功課，但其實聽日dead 3份… 夜晚都留響屋企食啦，不過似乎幾豐富~ 今次睇埋獎門人先返宿，今集勁好笑~返到宿繼續功課啦~ |
| 瘋狂功課月正式開始，一浪接一浪o既功課，保證你樂而忘返！ 今日所有堂都走哂，一來今朝6點先訓，二來仲要趕功課… 12.幾起身已經要做…做到落lab繼續做…食完晏返黎都做… 唔知點解最近個人勤奮左，有時間都寧願去做功課，係咪好事呢… 今晚開始寫networking o既program，做到5點幾，又6點訓喇，唉~ |
| 已經好多日冇上過堂啦，今堂都唔例外…唔得…聽日一定要怒上堂~ 起身食完野就落lab開始寫個program，補習都冇去到， 除左夜晚忙裡偷閒去左食pizza之外，今日其餘時間都係坐響同一個位… 做到差唔多4點返宿，做左8成啦，真係佩服自己同partner… |
| 今日終於鼓起勇氣去上堂…訓左3個半鐘就彈起身啦~ 連續上4個鐘都冇訓過，真係要讚下自己先~ 之後返宿訓一陣，就繼續落lab做功課啦… 最後都搞掂份program啦，用左兩日半就做完，好野~ 跟住去左開首長會，約左咁耐終於開到啦… 都係同各新莊P講返開會o既注意事項咁… 之後食完飯又返lab繼續做野，今日有人生日， 響lab熄燈、食蛋糕、con人，仲有打機，成個lab我地玩哂… 今晚返宿好好訓返大覺啦~ |
| 連續訓左11個鐘，真係興奮呀~ 成4.半先起身，今日咩功課都冇做過， 只係做返d平時想做但又未做o既野… download返d歌、執下d notes、隨意咁上下網，勁優閒，哈哈~ 仲有睇下董生落台o既新聞，咁就過左一日啦~ |
| 今朝又再敵唔過睡魔，早堂走哂了… 算，都係堅持自己原則，明知自己上堂會訓，不如上床訓~ 下晝落lab交左功課就出發去site visit啦~ 上次上左東莞，今次都係去將軍澳o者… 今次睇呢間叫做「精電」，聽都未聽過，做咩都唔知… 原來係整LCD o既，d野都講得幾詳細， 仲講解埋LCD o既原理，都學到d野咁喎… 之後睇下個up dup o既lab，同埋d LCD產品， 睇睇下個professor話旅遊巴司機趕住走，要提早結束行程… 不過最後我地都唔係坐旅遊巴走，架巴駛返中大，我返屋企啦… 幾個CE+EE人企響個荒蕪o既工業村裡面等巴士，感覺都幾怪… 兜兜轉轉，返到屋企都唔早啦… |
| 今朝又補習啦…之後出左去買d野就返中大啦… 禮拜六要返去，都唔慌係好野啦…冇野，補課3小時~ 不過呢科係我最鍾意o既networking，梗係去捧下場啦， 其他科o既話就真係要嚴重考慮下啦… 聽同一個人講3個鐘書認真唔好受，不過都總算頂得住… 之後上lab hea陣，咦，點解個program好似有d問題咁o既… 今日唔返屋企啦，夜晚響宿煲《娛樂大亨》， 都冇我想像中咁好睇o既…佢d字幕又gap，唔太明個故事講乜… |
| 訓到成2點先起身，之後勁煲graphics功課… 要畫個瀑布動畫，但整左幾個鐘先有幾滴水走出黎… 夜晚又想去睇獎門人，點知電視房比成班內地同學霸哂， 一直播住d唔知乜野辯論比賽，勁冇癮… 今晚又要落lab，執埋份program手尾… 今次發現好多怪bug，搞左幾粒鐘，4.幾先返宿，噢… |
| 今朝都係上唔到頭兩堂，算罷~ 跟住幾堂都有上o既，之後就返lab怒做graphics功課， 期間出左去食飯，返到宿又怒做，都做得8899啦，yeah~ 今晚仲難得有閒情逸緻去睇獎門人呢~ |
| 今朝起身一睇，出左考試時間表… 最難o既科考先，算唔算係好事呢… 暑假係5月4號，都唔算太遲o既~ 今日早堂唔使上，因為有project present， 我禮拜四先pre，不過今日都去睇下人點pre啦… 唉…我地果組好似好求其，聽日要諗下點搞好啦… 補完習去左買公仔，準備禮拜五送舊送比組爸… 比我o既「好」組mate提議之下， 去左玩具反斗城、女人街、潮流特區， 睇過好多款有平有貴o既公仔，行左成個鐘， 終於去女人街買左隻大大公仔，好累呀… |
| 今朝早堂…掙扎左好耐，結果都係響張床度… lur足兩個鐘，終於上到10.半堂… 上完堂去左請教個technician，準備聽日present， 之後都改左唔少野，信心都大左唔少~ 今晚係細O傾莊，比上年遲左足足成個月… 之前都冇點準備，覺得自己好多野講漏添… 都算唔少人黎傾莊，最頂癮係有成7個人想做大組長， 仲要其中3個係女仔，真係好期待今年ocamp… |
| 今朝要去present，比平時上堂仲早左起身… 經過噚日一輪整理之後，今日信心大左好多喇… 不過我發覺到左而家，就算響好少人面前講野，都會有d緊張… pre完之後睇多兩組就走啦，食埋野就返宿訓晏覺… 訓左兩個幾鐘，好舒服呀~之後都要做下功課啦… 今晚落左本部同人傾UCFYP，即係書院o既final year project~ 我前排唔得閒part人，結果淨係同左個中同part， 其餘兩個就係今日先第一次見面…都應該合作得黎o既… 由franklin傾到去U lib，最後決定係做青少年問題o既野… 唔係太有趣o既topic，不過唔想花太多時間做喇… |
| 禮拜五o既早堂我都冇咩點上過，今日終於下定決心去上啦… 不過都lur左幾個字先起，遲左半個鐘o者… 難得冇隊啡上早堂都冇訓過，我諗都係同人吹水之故… 呢科自從midterm之後都冇上過堂啦，希望final之前追到啦… 跟住又要上assembly，今次講電影，周星馳果d，都幾得意~ 之後即刻走落去CC photo day，同組爸影相~ 比起上次同組媽影，今次算多左人同多左野講囉… |
| 今日訓到點幾先起身…跟住都係做下功課咁… 之後無無聊聊走去睇人日記，睇睇下突然有興致玩下個xanga， 結果執左一輪，大家可以去睇睇~xanga.edwardfung.com 果邊可能主要寫下d無聊野咁啦…睇心情啦~ 今晚返屋企啦，第一次試搭$5小巴返荃灣！ 個感覺係…好暈…亡命小巴真係唔係浪得虛名… 比起以前火車轉巴士，其實只係平左$2.7， 時間就慳左十分鐘左右，都算值得繼續搭落去o既… 夜晚突然有莊員打黎問我關於新莊o既野… 但老實講新莊我真係冇乜點理到… 其實都唔係唔理佢地，而係佢地有咩又唔問我地， 由得上上莊係咁插就算，其實都可以見招拆招架o者… 不過講真，我地上年都唔好得幾多…雖然新莊又的確太頹左d… |
| 今朝一起身見到阿姨，傾左好多好多野，足足有兩個幾鐘… 呢排同屋企的確有唔少問題，希望今次傾完可以減少大家o既誤會啦~ 我都知溝通係好重要o既…不過有時…唉… 希望遲d都有多d咁o既機會啦~ 之後食完個tea就返中大啦，今日阿媽上黎參觀~ 又係好似上年咁睇下宿舍、附近o既景色咁… 跟住就出火炭食飯，都好耐冇黎過啦~ 食到勁飽…跟住就返中大繼續功課啦… |
| 今朝特登走左早堂，因為我前一晚做足功課~ 睇返d notes，明知今堂照讀，不如抖足精神好過~ 下晝上堂有快譯通老細講lecture， 講下佢o既成功經驗，尤其是創業d野… 嗯…其實我都有諗住創業架，不過唔知搞乜好呢~ 今日其餘時間都係做CPU o既功課，進展都唔錯，希望呢兩日搞掂啦~ 夜晚又出左去火炭食，有人請，多謝哂~ 不過回程時比人遺棄左響月台度，仲比車門夾住，唉… |
| 今朝又上返一堂很久冇上過o既堂，已經完全唔知教緊乜， 但總算成堂冇訓到，聽到少少野o既… 今日除左補習同上堂之外，其餘時間都係怒做份VHDL功課， 宿舍部電腦好慢呀…個program要用成百幾MB RAM，真係誇張… |
| 噚晚做功課做到4.半，終極早堂放棄了… 晏晝仍然繼續鋤d VHDL，係咁望住d waveform真係好辛苦… 今日終於傾左次project，要研究收購一間公司o既可行性， 首先係要揀做邊間公司…最後揀左philips，唔知呢~ 不過d business野真係一竅不通，個project真係無從入手， 下年可以o既話都想take下d BA o既course~ 今晚又去細O傾莊啦~今次分部傾， 我就同大家暢談輔導部o既辛酸啦… 唔知點解輔導部咁多人想入，仲要好多係CE佬， 難道係因為我地上年做得好? 哈~ 今日幾有口福呀，晏晝med can有超巨型雞脾， 夜晚snack bar鴛鴦扒變雜扒，good~ |
| 本來dayoff，但今朝有補堂，都落左去聽下… 呢科係大家都最差果科，上次midterm平均分係30/100， 今堂professor特登同我地溫下書，希望我地final唔好死得咁慘… 不過講真佢講就作用不大，反而之後tuto時段仲好… 下晝dem份networking功課，都幾順利下~ 其他時間就開始做個free project，我地係做跳舞機… 一開始真係毫無頭緒，好彩有救星(technician)救助， 做做下都有d眉目啦…而且都好似幾好玩~ 未來幾日係復活假，所以今晚返屋企啦~ 返去之前去左鴨寮街，想買件野用黎做project… 問左幾間都唔見有果樣野，結果行哂成條街得一間有， 但budget似乎唔夠，最後都未買住… 睇睇下，個sales突然拎張「使用前使用後」o既相我睇， 竟然電器舖會無啦啦賣暗瘡膏，而且仲介紹得好詳細， 又話咩美國總統都用，用完效果好仲可以變成商機… 最後介紹埋佢老婆我識，原來佢賣美容產品架喎， 哦…呢d關我鬼事…不過最後都拎左張卡片走… |
| 復活假第一日，休息一天，成日響屋企hea~ 本來輔聚，起唔到身，冇去了，唔好意思… 今晚出左老尖食意式buffet，但其實都唔係太多意式野食… 話題又再一次圍繞我塊面…睇黎我都要下定決心搞下佢啦… |
| 今日去左唱K睇戲，不過唔太開心呢，唉… 睇《哈爾移動城堡》，感覺比我想像o既好好多~ 以前細細個都冇乜點睇宮崎駿o既戲，除左龍貓， 其他果d我都認為唔似係我鍾意睇果類… 不過之前睇左《千與千尋》又覺得唔係果回事， 今次其實同呢套個形式好似差唔多，(定係套套宮崎駿其實都係咁呢) 但係話有好深o既寓意…我又真係睇唔出… |
| 今朝本來打算落樓下飲茶，都好耐冇享過天倫之樂啦… 不過噚晚debug de到3點幾，結果都起唔到身… 晏晝陪阿媽行街，真係n年未試過啦… 去左文化博物館，我都係第一次去咋… 其實都應該幾多野睇，不過唔夠時間，睇左一半都唔知有冇… 夜晚又去唱K啦，之後睇怕都要考完試先有機會唱喇… |
| 話咁快就假期最後一日啦，晏晝執返d夏天衫返中大先… 今日阿爸生日，夜晚同左食飯慶祝… 唉…原本要拎d藥比佢，但之前唔記得左， 結果過銅鑼灣之前要特登兜返去荃灣拎先，搞到遲到添… 最慘係間野要等齊人先可以入去，真係唔好意思… 呢間叫做「峰壽司」，開左一個禮拜已經好多人等位， d野食都唔錯丫，不過我都係鍾意食元氣多d~ 今次食飯仲出現「神秘嘉賓」，搞到我同細佬都滴汗… 食飽就返中大開工啦，搞個所謂跳舞機，整到古古怪怪咁… |
| 放完假都預左起唔到身，今朝早堂上得一半… 下晝大部份時間都係搞個跳舞機， 好似花左唔少工夫，最後都只係做到識得detect幾時噤制… 其他野都唔知點做，又要聽日請教人喇… 今晚難得冇功課負擔，不過又唔算得閒得去邊~ |
| 今朝終於上到連環5堂早堂喇，過足上堂癮，以後可以安心走堂了~ 跟住繼續跳舞機，明明我同partner都唔想搞咁多hardware野， 點知環顧四周，好似我地先砌得最多circuit，哎呀… 搞左幾日，終於做到midterm demo想做到o既野… 夜晚最後一次細O傾莊，今次終於成莊啦~ 輔導部仍然係咁多人，真係好想知點解… 希望今年細O可以搞得好好睇睇啦~ |
| 終於有一個dayoff係真真正正咁比我dayoff喇， 但都係要落lab做demo…果部跳舞機都算係咁卦… 跟住都開始做下一份功課，寫個chatroom出黎… 一開始試demo program戟住好耐都做唔到， 但一做就差唔多d基本野都搞掂，真係估唔到咁快… 今晚出左旺角食飯，去間日式野食芝士火鍋… 嗯…同以前意粉屋食過o既都差唔多， 不過neway K buffet都有得食就真係抵好多… 食完行過戲院，即興去左睇《精武家庭》， 都OK啦套戲，不過英皇d戲好似做黎做去都係咁… 仲要側邊不斷有人「旁述」，噢… |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |