| 今日又突然之間忙起上黎…終於有份新o既大job啦~ 應該直到下個禮拜都會忙呢份野，唔使日日等運到啦~ 噚日話公司有件新野manage d job，今日就有同事教點樣用啦… 都講左個幾鐘，好耐冇聽過書，聽到有d頭痛… 真係唔知會唔會方便左，都應該要一段時間適應… |
| 今朝地鐵又發神經站站等兩分鐘，9:10仲響太子，9:26先去到灣仔… 一出地鐵即刻9秒9怒奔返office，9:30入去到，指模都廢事嘟… 今日依然埋首份大job，edward係咁remind我…唔好做得太快… 嗯…我地d job全部用man day黎計錢，做得太快或者太慢都唔係好事… 下晝出糧啦，我地呢班新同事對一月o既糧都有d期待， 結果出完糧成間公司一片死寂…努力做野啦都係~ |
| 今朝我兩個阿頭一齊出左去見客，有一段時間成組冇王管… 不過都冇咩特別啦~大家都繼續埋頭苦幹…我都繼續我份大job… 有野要問大陸同事，send左一大段英文email，還好佢都知我講乜… 都還好我又識睇簡體，唔係真係幾難溝通… |
| 好耐冇寫日記啦…今朝一開工就黎左幾個大陸bug要de， 我都加把勁…用左一個朝早搞掂哂佢~ 唉…而家五天工作搞到大陸同事好似唔多滿意， 星期一尤其是關鍵…唯有盡量做好d啦~ 3月開始應該又變成5又1/6天工作周，總好過回復原狀o既… 下晝都變返冇乜野做，只係間中幫同事check下bug咁… 放左工去樓下百佳追討$4…因為lunch time時同同事一齊買野， 之後過左好耐先發覺我夾少左錢，因為話我搞錯一盒餅o既價錢… 我唔介意夾返$2，但係比百佳呃就條氣唔順…好彩成功追討返$4~ |
| 今日都係hea住hea住咁過…有一兩份大陸黎o既bug要de咁囉… 有個客睇唔到個report，見到句error msg話個database花左… 結果要等個客放工，先可以入去個server check… 期間呆等到訓著又唔知可以點，edward又開緊會，等到成7點… 之後佢都睇唔掂，R&D都搞唔到，最後要搵technical果邊… 即係我OT左成個鐘，咩都做唔到… |
| 狗年最後一個工作天啦，基本上成日都好hea… 一早收到好消息，4點鐘放工，大家不斷email討論去邊… 之後閒來無事執下個tray，將成疊文件放哂入folder裡面， 呢個工作都佔左我唔少工作時間，哈哈~ 晏晝全公司去食團年飯，全部同事分左四檯坐， 我坐果檯大部份係女仔，所以d野一定夠食，呵呵~ 其他檯就瘋狂咁搶野食，諗起以前同班CE佬食飯咁，哈哈~ 食飽飽hea一陣就到緊張刺激o既全民投票環節， 決定五天工作周o既安排…期間笑料百出… 最後係唔使延長時間，但返星期六冇補假，都好啦~ 4點鐘放工，全組去左會展個室內年宵兜個轉… 雖然話免費入場，但裡面其實冇咩野睇…行左半個鐘就走左… 之後想搵starbucks飲野，但搵唔到去左pacific coffee… 一人一杯沙冰吹水，都幾爆笑，哈哈~多謝edward請飲野~ 飲完都返屋企啦，聽日就開始放新年假，呵呵~ |
| 今日參加左失驚無神深圳2天團，又係時候寫遊記啦~ 首先朝坪落左樓下食開年飯，諗住請但請唔成添，哈~ 之後成棚人上左黎同隻狗玩，大家都勁興奮，梗係啦~ 跟住hea到阿媽放工就出發啦，搭火車上羅湖… 即刻就去左酒店check-in，原來就係勁近火車站果間， 真係出左關直行五分鐘就到，仲快過搭飛機啊~ 放低野就去左食晚飯，就去火車站附近o既一間酒樓... 食飽飽就去搭下深圳地鐵，我都未搭過呢… 買左d籌碼咁款o既車飛，研究左好耐先知點用… 原來呢度d地鐵都幾先進下呢~ 去左萬象城行…呢度簡直就係又一城o既翻版… 大部份都係香港有o既舖頭，又有溜冰場同超市， 廁所又乾淨，d野仲貴過香港… 個food court先抵死，一邊就打邊爐，一邊迴轉壽司， 另一邊就鐵板燒，可惜已經食飽… 呢度仲有可口可樂專門店，我唔係fans都覺得幾正~ 行完都返酒店休息啦，間房最特別係廁所有喇叭播電視… 等我一路沖涼一路聽《問題娛樂圈》先~ 夜晚睇埋eason演唱會先訓…個枕頭唔好訓o既… |
| 朝早指定動作就落樓下食自助早餐啦，我仲係食霸王餐添… 呢度豐富程度拍得住香港一般酒店o既dinner buffet，食得好飽~ 之後check-out左，寄存左行李，就搭地鐵出發去世界之窗~ 尾站搭去尾站都唔使半個鐘，幾快~ 去到諗住睇下歡樂谷平唔平，如果ok就下晝去埋… 原來都唔平，都係全日響世界之窗hea吧啦~ 入到去真係嚇一跳，一堆一堆旅行團湧入去， 我肯定呢度多人過迪迪尼…當然呢度9成9係內地旅客… 其實我n年前都黎過呢度，不過當時冇乜印象， 而且又應該冇今日咁多時間，就當我第一次黎呢度啦~ 全日o既行度就係由亞洲行去澳洲，經過歐洲再去非洲， 直剷過去北美同南美，之後去歐洲兜多轉，環遊世界啦~ 如果周圍唔係咁多樓呢，d景點都可以呃得下人架~ 一日之內去左咁多景點，真係滿足~哈哈~ 不過最令人眼界大開都係d內地遊客o既行為…簡直嘆為觀止… 行左成6個鐘，累到爆啦…都夠鐘搵野食… 又去返萬象城，一於試下food court打邊爐！ 爐係一人一鍋，肉係小肥羊咁款(外觀上)，價錢仲平過一哥火鍋！ 下次一於再黎食鐵板燒！四人餐都係98蚊！ 食飽都返香港啦，累到爆炸…聽日返工啦… |
| 年初四…本來請左假有節目，但結果取消左，都係返返工啦~ 其實最主要都係因為有餐開年飯，同埋有利是逗嘛，呵呵~ 第一次返工逗利是，都唔錯，雖然有d似指定節目咁… 大陸同事仲放緊假，都預左冇咩節目，成朝呆左坐響度… 等到放lunch就全公司去左食開年飯，去左間幾遠下o既酒樓… 今餐普普通通啦，幾日前果餐團年飯仲滿足d~ 有見及此，返到公司仲可以叫M記食， 我就揀平時嫌貴o既粟米同鮮橙汁啦~雖然食到肚痛… hea下hea下就順利放工啦…好眼訓… |
| 今日同噚日一樣咁hea，又一樣咁眼訓， 但唔同o既係今日冇開年飯，冇派利是節目，所以時間好難過… 好在食完晏就有兩份job到手，真係要珍而重之啦~ 不過聽朝都應該搞掂，會唔會就咁無以為繼呢… |
| 今朝果然唔使幾耐就做完份job，之後有幾份零碎bug要de， 但之後搞掂哂d野就極速進入睡眠狀態，好辛苦先捱到點半放lunch… 食完飯就好好多，因為要上堂，而且笑料百出~ 不過正如以往咁，我一係就勁得閒，一係就勁忙， 結果上上下堂都係咁比同事召左出去做野，搞到懶係忙咁… 期間仲有KFC下午茶，因為有同事今日last day啦… 講起上黎都好耐冇同事離開啦… |
| 今日係最後一日星期六返全日啦，因為下個月又改制… 還好噚日上完堂，今日有d功課做，唔使悶足全日… 其實都仲有其他野要搞，所以全日都幾充實下~ 晏晝又係最後一次「全公司」飲茶啦，好好珍惜… 放工即刻返屋企，去樓下食海鮮，皆因今日人人生日要慶祝下~ |
| 今日無所事事，諗住飲完茶返屋企訓個靚覺… 飲茶時姨媽話想整web album放上網比人睇， 呢樣野查實自己都未整過，於是自己download個程式玩下啦… 玩下玩下，又睇返下d相，一直都未訓晏覺添… 正當我想訓晏覺果陣，細佬打黎話校友會個特別會員大會唔夠人… 本來我都冇打算去，但諗左一陣都係決定去… 返到中學已經聽到d老校友響度嘈緊，但嘈完就走左… 跟住果一大堆時間都係討論d幹事合唔合法，個會合唔合法… 總之傾黎傾去o既野都好冇建設性，唉… 最後傾到6點幾終於傾完，返去食飯啦~ 之後又去左教姨媽整個web album，總算過左充實o既一日… |
| 放左兩日假又返工啦~大陸果邊放完假之後我都係第一日返… 一返就有份大陸bug要de，不過最後發覺都唔係bug黎o既… 老細終於返黎，終於有開工利是啦，都開左成個禮拜工啦… 臨放工要update個program去大陸客，但駁極都駁唔到上去， 結果搞到7點幾先放工…無啦啦又賺左80分鐘ok，還好唔趕住走… |
| 今日都係hea住做d大陸bug，最抵死係10點幾send個bug過黎， 想我12點update去客度…平時淨係send file都要預個幾鐘… 還好一切順利，最後都差唔多1點update到過去啦… 下晝都有個bug，不過又唔趕，慢慢黎啦~ 放左工去中同聚會，響旺角食飯，好耐冇試過呢d聚會啦~ 今晚都幾多人出席，可惜有d同學有事黎唔到… 已經好耐冇試過一班人吹水吹得咁開心啦，哈哈~ 之後食埋糖水先返歸，今晚都幾盡興~ |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |