2月1日 |
2月2日 |
2月3日 |
2月6日 |
2月8日 |
2月9日 |
2月10日 |
2月11日 |
2月12日 |
2月13日 |
2月14日 |
2月17日 |
2月26日 |
| 嘩…今日出門口等[車立]等左成個字，31分入[車立]，39分先上車， 然後以極速趕番學校…差兩分鐘遲到！嚇得我… 放學之後係電腦學會的javascript興趣班， 我係負責教o個個，今次算係教得幾理想啦， 時間係匆忙左少少，但都好在唔使搞到過哂時， 我畀75分自己啦，下個月…flash班，繼續努力啦 |
| 一早起身返學校參加參觀獅子會自然教育中心的活動， 大概十點就去到目的地，然後就有導遊帶大家參觀， 記得五年前我黎過呢度一次，五年之後， 呢度變化都唔係好大，只係多左個貝殼館， 令我諗番起form1時的回憶… 參觀哂所有展覽館同唔同種類o既植物之後就要走啦， 跟住o既節目係去網友所讀學校－喇沙的開放日， 好彩司機肯車我去地鐵站，否則肯定遲到… 去到九龍塘等齊人後，就搭小巴去九龍城食飯先， 呢間拉麵的小辣拉麵的確唔錯，下次再黎九龍城的話要挑戰下中辣… 食完就行上去喇沙，首先見到o既係運動場， 變態…個運動場已經大過自己間學校… 跟住網友帶我地四圍參觀，一間學校裡面竟然有壁球場， 仲聽講話有得焗桑拿，真係得人驚… 睇完個開幕典禮之後就四圍參觀， 睇左兩個幾鐘先睇哂成間學校， 五點幾就搭巴士+地鐵返屋企了… |
| 朝早終於有心機搞番舊生會個網頁… 下晝返學校…家長日…等左半個鐘阿媽先入得， 我就唯有四圍睇下…學校搞到個家長日好似開放日咁， 既然今年25年就好心真係搞個開放日啦， 不過首先要油番好個外牆啦，睇下下面幅相都知點解… 阿sir對我的comments都唔錯咁啦， 不過今次考試的名次就唔算高，下學期真係要追追… 等埋阿媽見埋細佬的班主任(等左成個鐘…)就去愉景買衫， 夜晚去扒王食飯，跟住返到屋企訓左成個鐘先繼續做野… |
| 原本打算同同學去睇魔戒…不過噚晚ICQ傾到成兩點… 諗諗下都係留響屋企做下功課上下網好過… 結果成日都係整hkspeed個project…做極都做唔完咁… 夜晚食完飯就做功課…但寫極都冇idea，做到十二點幾都未做完… |
| 今日要早15分鐘返到學校…準備送花畀老師的事… 買好一打花之後，分哂畀送花的同學， 然後上堂時一支一支花連埋前幾日印製好的請柬送畀miss阿sir， 結果都幾成功，希望禮拜五食飯時佢地會黎捧下場啦~ 放左學之後忙左一陣之後，就要去train個debate， 首先係演講幾分鐘(其實係爆肚)，然後真係做爆肚練習， 連續講左幾次之後，好似冇開頭咁緊張了， 希望train完個debate之後oral分都可以改善一下啦~ |
| 為左準備禮拜五的師生日遊戲，今日又要再搵miss阿sir影相， lunch time同放學之後差唔多跑勻成間學校， 先搵哂要影o既十幾位老師，真係跑到氣咳… 搞掂哂D相就跟住班人走左入hall， 跟住就順便做埋綵排，不知不覺間就做到五點半… 返到屋企[支力]到七彩，一訓就訓到食飯… 食完飯就狂scan相、執相、燒碟… 初頭諗住要做到好夜，好彩做到11點已經搞掂~ 下面o個幅係今朝phy堂的實驗…超複雜的circuit |
| 今日學校周圍都係閃光燈，原來係F.5同7的同學就黎要走咯… 而且今日仲係F.7的last day…即係表示我地仲有一年就要走了~ 時間過左真係快~~ 小息同lunch time都好得閒，但放左學之後就極忙， 又要去hall綵排，又要上4樓練debate， 都唔知去得邊度好…結果去完debate再落hall搞搞電腦， 跟住上返4樓繼續搞debate，散左又落返hall綵排， 一綵就搞到6點幾…響架車度訓到矇矇矓矓…好似訓左好耐咁… 唔知係咪塞車，原來都坐左4個字，成7點先返到屋企… |
| 今日係學校一年一度o既師生日， 7.半就返左去準備電腦同projector， 搞到差唔多八點先搞掂哂D野， 跟住同學陸續入hall，唱校歌之後活動就開始了~ 過左「何中三寶」(圖中o個三位)的環節後， 就到電腦出場的時間了，雖然都有D驚會噤錯， 不過好彩都冇乜出錯，只係試過一次唔小心閂埋左部notebook個蓋， 部機入左待命狀態一陣，要等一陣先再有野display… 完成左用電腦的三個環節後，就可以抖抖， 之後仲有一個播花絮的環節，其中我出現了幾秒， 嘩…放大到我個樣…自己都唔敢睇了… 個hall的節目完左之後就要趕去下面影低各項活動花絮， 拎住部機個幾鐘真係[支力]到七彩… 所有節目完成後就剛好午飯時間，就去酒樓參加六乙聚餐， 有好多miss阿Sir黎左(因為之前發過請柬)， 今次同學們終於坐得散D了，而且氣氛都唔錯， 大家又冇早走的情況出現，真係值得慶賀~ 食完之後去左M記傾左一陣英文的project， 之後就返屋企上網了 |
| 今日係網友的聚會，十點就出門口去旺角唱K… 唱左三個鐘之後就打算去花墟，點知細到不得了， 行左幾個字就行完…吽左響o個度幾個字唔知去邊好， 最後行黎行去去左新世紀廣場，大家見到twins又停左幾個字， 然後去女人街又行左幾個字，跟住去公園又坐左幾個字， 再去大X樂食下午茶坐左幾個字，然後等埋夜晚加入的網友 等左幾個字，終於都等到晚飯時間… 12人去沙嗲王食飽飽之後就搭地鐵去維園花市… 第一次去，原來真係咁大…淨係睇乾貨都行左個幾鐘， 行完已經十點幾…原本打算再去唱K， 但因為第日要開兩個會，所以都係放棄… 不過即刻搭車返屋企都成11.幾先返到去… |
| 今日打破左全日留響M記的最長時間紀錄…7個鐘… 朝早去石圍角M記開舊生會會議…開左兩個鐘… 開會即刻去大河道M記開debate會議… 一直討論咩叫「權利」、「私隱」傾左五粒鐘… 開到6點就去某酒樓同親朋戚友食左餐豐富的晚餐， 跟住就一齊行沙咀道花市…行到12.幾再去食埋宵夜， 返到屋企都剛好1點… |
| 年三十…成12點幾先起身…日頭都係響屋企搞埋個project先… 夜晚食完團年飯之後，心裡面就不斷掙扎緊… 到底之後應該陪阿媽行花墟好定同網友行維園? 前日已經去哂花墟同維園，而且前兩日已經同網友同家人行過… 擲毫決定了去維園，但突然細佬劫機，仲未同網友傾好詳情… 9:50 家中 (鈴~~~鈴~~~) 我：「喂?」 媽：「一陣你同我行花市架嘛?」 我：「em…我可能約左人…」 媽：「唔好啦~陪我啦…」 我：「…哦…」 劫完機之後，我發覺原來時間已經唔早， 我就算即刻換衫出門口都趕唔切同網友會合(10:30銅鑼灣)， 唯有決定陪阿媽行花市囉… 10:25 地鐵上… (音樂) 我：「喂?」 網友：「你而家響邊呀?」 我：「我…而家響葵興站…」 網友：「你可唔可以去死呀?」 (cut線) 雖然我都想去搵個網友，但地鐵已經到左葵芳站， 我唯有落車等埋阿媽先算… 10:35 葵芳站 (音樂) 我：「喂?」 媽：「我驚花墟太多人喎，不如去葵芳o個個花市算啦…」 我：「咁呀…是但啦…」 去到葵芳花市會合阿媽之後，就一齊行喇… 但個花市好細，行到11:20就行完喇， 我諗…不如去搵番D網友…就打去搵佢地… 我：「喂?我而家黎搵你地呀！」 網友：「係就快D啦！」 我在人潮中走走碰碰，最終都趕得及剛剛到達的列車， 地鐵一路行，我一路盤算住轉東涌線會唔會快D， 架車好快就去到荔景站，我見到站裡面都有D人等緊車， 就決定落車轉東涌線了。 「下一班往香港站o既東涌線列車將於8分鐘後開出…」 對面荃灣線的列車一班又一班的到達，呢邊月台就冷清清， 時間已經係11:45，真係等到我好心急，過多兩分鐘後列車終於來了… 架車等埋剛到達的荃灣線列車先開出，此時電話又響起… 11:50 地鐵上… (音樂) 我：「喂?」 網友：「你而家響邊呀?」 我：「去緊奧運站…」 網友：「乜地鐵都會塞車o既咩?定係你而家番緊屋企?」 我：「唔係呀…我…」 網友：「不如你去死啦好冇?!」 (cut線) 我發現原來猶豫不決係我最大o既缺點， 同時亦都深信今年屬鼠係犯太歲的… 「香港－呢個係東涌線o既尾站，多謝乘搭地下鐵路…」 我望一望表，時間係12:00… (待續) |
| (續上日) 車門打開了，我諗左兩秒，然後決定以極速跑向中環站， 最後剛好趕得切響港島線列車閂門前衝入去… 12:05 地鐵上… (噤電話號碼，撥出) 「你打o既電話暫時未能接通，請您遲D再打過黎啦…」 打左幾十次終於都接通… 我：「我而家去緊天后呀」 網友：「咁響籃球架隔離等啦」 列車好快就駛到天后站，我落車後就再極速跑向維園出口， 出到好，打哂蛇餅，我盡量迫向行，終於在12:20入到維園， 響籃球架隔離見到網友們在呆等… 我：「呼…真係唔好意思…」 網友們：「請食/飲野啦~」 雖然我都打算去請，但最終都係冇左件事… 行左一陣，有兩位網友先行告辭，淨番三個繼續行花市… 首先去7-11飲左D野，然後諗住入番去掃平貨， 但見到好似越黎越多人入去，就打算等人少D見再入去… 不過等到2.半都仲係好多人，唯有入左去先算… 花市D人實在多到行都行唔到，行成半個鐘先行完一行， 結果成五點先行哂成個花市，結果我買左個CD盒同筆袋，總值$15… 響架車度訓到成隻豬咁，架車到左荃灣都係矇矇矓矓… 出到去，條街冷冷清清，就好似上次睇哈利o個陣咁， 仲驚要好似o個日咁搭泥[魚孟]番去… 但好彩過左幾分鐘小巴就到左，番到屋企已經係6點， 我www完之後就立即吹頭訓覺，結果訓到10點鐘… 起身冇耐親戚們就黎拜年了，[才豆]完利是後就一齊食飯， 下晝就去阿爺屋企拜年，跟住去美心食左個下午茶餐， 然後就返屋企訓晏覺訓左兩粒鐘，然後落樓下食晚飯… 夜晚再同家人出去睇怪獸公司…睇到點幾鐘先完， 跟住搭極速的士返屋企即刻訓覺 |
| 朝早好多親戚黎左…食左餐豐富的開年飯之後就去左阿姨屋企拜年 (其實係去o個度訓晏覺)，之後又要作個決定， 到底同家人去春季嘉年華好定係同網友去尖沙咀睇煙花好， 擲毫決定左去嘉年華，於是就跟大隊搭車去紅磡… 去到首先入M記食左個下午茶餐，跟住就入嘉年華喇… 入到去…同冬季嘉年華分別都唔係咁大， 首先就去玩最貴o既大風車，排左成個鐘… 上到去好緊張，但見到周圍的靚景時， 就忘記哂一切，拎出相機狂影了… 過左冇耐就開始轉…轉左好多個圈…好彩都唔係好暈… 跟住再玩埋跳樓機同埋轉轉過山車， 然後就搵定靚位準備睇煙花… 一到8點「嘩…！」D煙花響邊?! 估唔到D煙花放得咁矮，全部畀部垃圾車遮住(圖中右下角o個部)， 唯有爬到高處先睇到… 23分鐘後，煙花完了，我地就出去搵野食， 最後去左間茶餐廳食左兩碗麵，然後就搭車回家了… |
| 今日係情人節+赤口，但我又冇情人又冇同人嗌交， 只係同以前的初三一樣，同家人去左車公廟… 飲完茶之後就搭車去大圍喇… 今次唔使等好耐就入到…經過一輪[也母]眼攻鼻之後， 再轉轉風車，打下個鼓就離去了， 食左串魚蛋休息左陣就搭車返去瘋狂上網了~ |
| 成日都係響屋企做功課…悶悶的一日 |
| 一起身就掀開本《西潮》黎睇…準備做book report， 但睇左成朝都只係睇左1/4本，結果睇到下晝已經冇心機睇， 求其lap哂成本書就算…然後急速寫完個撮寫… 夜晚出去鑽石山拜年同埋打邊爐，食得好飽~ |
| 今日係班會第一次活動…單車+燒烤活動… 一早起身食左個杯麵就出發去大埔視察一下環境， 搵到間百佳之後就再去搵單車舖， 可惜兜黎兜去都搵唔到響邊… 結果差唔多人到齊先知點行… 人齊了…得10個人踩…比預期中少好多… 去到間單車舖，90蚊? 有冇搞錯， 於是討價還價講到60蚊，再講我驚畀人斬… 今次只係由大埔踩去大尾督，個路程其實好短， 不過同學甲踩完條長命斜之後面青口唇白， 繼而「嘔…」嚇到我死…好彩抖左陣已經冇乜事… 1點左右去到大尾督個燒烤場，嘩…熱到… 拎個風速計出黎度下…30度…真係[才羅]命… 燒左3個幾鐘之後大家都飽飽， 於是就執野走了，然後沿路返去大埔， 去到長命斜o個陣，同學甲架車又甩鍊，真係邪… 返到大埔交車後就搭巴士返屋企沖個涼先， 然後再上上網，等夠鐘出去食飯， 夜晚係舊生會幹事春茗活動，去食自助韓國燒烤， 成9.半先開始食就係因為平幾十蚊， 裡面乜都有得食，泡菜沙律西瓜糖水甜品乜都齊， 食到飽哂就搭小巴返去…都已經成12點… 食完港式燒烤再加韓式燒烤，燒到成個人興哂， 仲比太陽哂到對手黑哂，踩單車又踩到[支力]哂， 所以返到屋企就即刻走上床訓覺… |
| 成日都用左黎整個project…做一世都做唔完咁… 真係想快D拿拿聲搞掂佢收埋D錢… |
| 食完飯返學校開debate的會… 返到去見到好多prefects響度BBQ…真係好想食返件:D:::::: 上到課室D味都傳到上黎，搞到冇乜心機開會… 加上又有D眼訓，個個又掛住玩部DC， 搞到幾個鐘都傾唔到乜野添…好似幾浪費時間… 返到屋企仲要訓個晏覺… 食完飯就完成埋個project…希望拿拿聲收工 |
| 今日係新年假最後一日了，時間過得真係快… 下晝同個maths club的partner一齊去圖書館出數， 準備4月的maths quiz，可惜成個圖書館都冇位可以坐低， 去到部冇人用的電腦前坐低又係咁畀人趕， 跟住搵勻成間圖書館都搵到一本書o岩用， 唯有走到隔離新ソ城間M記慢慢坐低出… 出左幾個鐘，最終都出到o個55條數，真係出到頭暈… 下個禮拜一之後仲要出多16條… |
| 假期之後第一日返學…第一日都好似冇乜野做咁，成日悠悠閒咁~ 今日係用condensed時間表，時間過得好快，轉眼間就過左八堂~ 跟住就去個關於性的論壇，都幾有趣，不過要我去present -_- 完左個論壇之後又係開debate的會開到五點… 返到屋企打maths quiz題目打到11點幾… |
| 呢兩日都係咁…返到學校就好得閒，返到屋企就忙到傻… 小息仲得閒食miss屋企人整的蘿蔔糕… lunch又四圍行黎行去唔知做乜… 放學原本就有D野做，不過好快就做完… 所以4.幾就返到屋企了… 返到屋企寫埋個中文book report同埋debate份稿， 仲有執靚埋D maths quiz D數， 夜晚就優閒咁享受下星期五的晚上，睇下書同電視~ |
| 訓到11點幾…一起身個人好[支力]… 下晝出左D maths quiz數之後就溫下禮拜一測的pure… 之後就去左飛髮，夜晚就做下功課… |
| 成日都係溫pure，準備第日的測驗~ 夜晚9點幾先出去食pizza~ |
| 今朝應該係測pure…但我又唔記得帶locker鎖匙，拎唔到紙黎測… 跟住出去集會，阿sir突然話pure miss冇返… 大家知道之後都掩飾唔到興奮o既情緒… 照計就個個都溫哂架啦…遲早都要測返… 於是大家就享受左一個悠閒的個幾鐘… 放左學又係去開debate meeting開到五點幾… |
| miss仲係冇返…又多兩堂空堂，買左張咭畀佢，希望佢快D好返啦… 另一方面…有位同學就黎飛去澳洲讀書喇，大家又準備送咭畀佢， 雖然佢呢幾年都帶畀我好多不快o既經歷… 不過始終都係同學…求其簽個名算啦… 放學後開interact club會又係開到五點， 返到屋企食完飯就做news cut… 坐響度掛住睇電視…諗左幾粒鐘都諗唔到點寫… |
| 今日仲可以享受多兩堂空堂…大家玩到癲哂咁… 但另一方面畀miss張咭寫到滿哂…佢見到實好感動~~ 下晝見到個天有一片黑雲…好似想落雨咁… 好耐未見過呢種天氣…有D懷念打風的日子… 除左個天黑…我自己竟然黑到朝早唔見擦膠下晝唔見間尺… 放左學竟然咩都唔使做…未夠4點已經返到屋企… 又再搞個project都已經搞到食飯… 夜晚溫聽日測的applied…但竟然一路溫一路睇電視… 好彩聽日仲有三堂空堂慢慢溫… |
| 今日測applied…比我預期中難D同埋唔多夠時間做…合格應該得卦? lunch之後去搜購聽日打字比賽的獎品，買到差D遲到… 跟住上英文堂真係quiz…冇溫…結果14題中1題… 放左學仲要train debate又係train到五點… |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |