12月25日 |
12月28日 |
12月29日 |
12月30日 |
12月31日 |
| 6.點先訓，但10.半CC堂我竟然起到身去上，真係佩服自己~ 雖然訓醒已經10.2，轉堂校巴一定趕唔到， 但響張床lur左幾分鐘，最終都戰勝左睡魔~yeah~ 呢科我都skip左好多堂啦，書又冇，希望之後跟得番啦… 之後去CC can，今個sem第一次去咋…久違o既頹飯！ 食完上返lab，做功課之餘去左睇人地dem lab， 我果組聽日先dem，今日去套下料，順便睇下人地dem成點先~ 睇完都淆哂底，好多野我地都冇check到， 其他同學dem果陣都有好多問題，順手幫佢地諗下點搞好囉… 成個lab搞到個戰場咁，搞到我好緊張添… 其餘時間都係響lab做功課，難得有時間print notes！ 做到2.幾(凌晨)，大家黎左個互隊時間，睇下份linux功課有冇做錯… 初初都好地地，做到有個test case大家都炒哂， 唯有埋頭苦幹咁怒debug，一下子就做到朝早8點… 今日都冇諗住會通頂，好彩有彭丹陪住大家~哈哈~ 之後仲去med can食早餐，ocamp之後我都未試過食早餐啦… 食完返到宿即刻撻落床，呢個時間已經係9點3… |
| 訓左4個鐘左右就要起身…沖涼之後落去同dept開會… 今次都開左個幾鐘，不過都冇乜特別… 係之後另外再搵dept d人，先知原來dept批左soc room加雪櫃~ 仲有兩部新電腦，正呀~可惜就黎落莊… 今日到我地dem份database project啦， 我partner特登揀個頹tutor黎dem，結果等左勁耐，唯有做住野黎等… 到我地dem果陣…一開始已經發覺有問題，搞到勁緊張，淆哂底… 好彩tutor比我地即刻改code仲要唔扣分， 之後扣左少少分，冇辦法啦，不過好多應該扣分o既佢都冇扣到… 最後計埋早交o既bonus，應該都夠滿分，好野~ 真係好彩揀左個頹tutor，如果唔係應該冇咁好分~ 今晚繼續響lab畫公仔(砌multipier)，之後試多陣linux功課就返宿啦~ 3.幾就返去啦，返到宿真係覺得好早咁… |
| 今個sem最後一次禮拜五組聚，得返四個仔女，有點靜… 一直都覺得自己班仔女都唔係d好靜o既人， 但原來一唔齊人就會冇乜話題，即使組聚左一個sem都係如此… 始終都係覺得自己唔太適合做個組爸，根本都唔係果種人… 不過ocamp都過左咁多個月，我諗無謂再諗呢d啦~ 諗下聖誕搞咩組聚好過啦~同埋…下個sem約唔約禮拜五食飯好呢… 之後去lab做功課，然後去dem個頹lab，跟住又出去補習了… 返到中大又返lab畫公仔，畫到2.幾，有d bug，聽日先算… 今晚要狠狠地訓一覺！ 爭d唔記得講，今日係呢個sem最後一日啦，時間真係過得好快好快… 死亡之sem果然唔講得笑，慶幸自己終於捱過喇~ 聽講下個sem可能仲激d，但自己都已經訓練有素，冇問題啦~ 過左呢個sem，響中大o既日子就過左一半啦，真係快到得人驚… 3年大學生活真係唔多夠使，淨番o既日子要盡情咁玩埋佢啦~ |
| 禮拜六又係訓覺日，一訓就5點先起身… 梳洗完，執下notes就返屋企啦~ 今晚開始睇下notes啦…不過都只係為左份功課… 呢科完全冇上堂呀，點識做呀…不過notes睇左陣已經好眼訓… |
| 今日又訓到兩點先起身… 開始正式溫書啦，禮拜三開始考試喇… 不過實在太耐冇溫過書啦(而且好耐冇上過堂)， 結果成個下晝都溫得好hea… 今晚唔出去食飯啦，留響屋企叫雞(海南雞飯)， 之後就返中大做功課啦，仲有兩份聽日dead呀… 不過做到4.幾都係冇乜進展，其實大部份時間都係做其他野… |
| 起左沖涼食麵落lab，一去到見到成棚人好落力咁響度抄功課， 第一個諗法係：「呢班算係d咩大學生呀?」 轉個頭，我已經成為抄功課o既一份子了，而且抄得好起勁呢。 鬼咩，成個月冇上過呢堂，睇左好耐notes都唔知點做… 做完呢份，再印埋另外一份功課，呢個sem o既功課終於完滿結束，yeah~ 早響唔知幾時，我地已經約好左，做完所有功課之後，要去打邊爐慶祝~ 雖然之前冇諗到呢一日原來係考試前兩日，不過無論如何都諗住食左先算~ 但發起人竟然做唔完份功課，hardware野都要debug勁耐， 時間一分一秒過去，做到8點幾先做完，結果都係打唔成…其實都預左了… 最後叫左pizza食，唔算太飽，但四十幾蚊都算係咁啦~ 食完仲響lab hea左好耐先返宿，都有溫過下書架~ 返到宿當然怒鋤啦，根本頭兩科係勁唔夠時間溫… 一直都覺得考試係一年之中最得閒o既一段日子， 冇功課o既煩惱，冇活動要搞，唯一要做o既就係溫書… 不過唔係訓覺就溫書當然冇可能，我之前諗過要響呢段時間進修下！ 但係我都未諗到可以進修d乜添，上網又睇唔到d乜， 都係過左呢個禮拜先算啦，仲有半個月先考完呀… |
| 全日都係怒煲OS，係唔夠時間溫架喇，盡量睇啦… 晏晝都要出去補習，都唔算阻太多時間o既… 返到宿溫溫下書，同房話部機中左毒，上網幫佢搵到件野， 佢裝左之後似乎解決左個問題…不過我竟然手多多走去run果件野， 結果自己部機上唔到網，唔知set錯d乜… 原本之後去另一邊XP(我部機裝左兩個xP)都仲上到， 點知無啦啦話斷左線，之後完全上唔到網，似乎仲多左個問題… 唉…考試先黎搞d咁o既野，我都仲要上網睇pastpaper架… 仲要聽日考OS我先整虧左個OS，吹漲。 |
| 冇得上網，唯有落lab上啦，順便同人一齊溫下書都好… 不過一直都忙呢樣忙果樣，搞到冇乜時間溫書添… 臨考之前諗住去食飯，點知途中撞到tutor大家就捉住怒問野， 結果冇時間食飯，去到NA can食左件三文治算…勁肚餓呀… 好耐冇踏過過試場啦，乜都唔記得哂，學生證都唔記得拎… 一望份卷就見到「上堂果陣，我地討論過…」之類o既題目… 玩咩…呢科上堂出席率咁低，個個都考起啦… 結果好多題目都係吹出黎，真係唔知會考成點… 考完去左NA can食tea，跟住就落lab繼續上網… 食完飯比班shaw友嗌左落去一齊溫書，橫掂宿都上唔到網，是但囉~ 又估唔到班友坐埋響間房裡面係真係溫書，個個埋頭苦幹都幾得意~ 溫到11.幾就返宿繼續溫啦，又係唔夠時間溫o既一科… |
| 起身望下部電腦，終於上得返網，實在太好啦~ 晏晝落本部食飯，撞o岩今日畢業典禮， 間間canteen都封哂，結果要走返上NA can食… 食完比班人捉左落lab，要我教佢地聽日考果科… 我一教就教左成個下晝，好彩我自己都叫溫得哂… 不過仲有下半場，今次仲要單tu，10.幾先返宿… 計計埋埋今日起碼用左6個鐘時間教人野，口水都乾呀… 返到宿繼續溫啦，聽日好早考呀，會唔會唔知醒架… |
| 好耐冇試過咁早起身喇…噚晚仲要訓唔著，激死… 今日考database，最有信心果科，不過臨考之前都淆淆地底… well…結果冇我想像中咁易答，題題都諗左好耐， 希望會有個令人滿意o既成績啦~ 之後上本部食飯，大家心情已經輕鬆到好似已經考哂咁~ 仲討論緊考完試果日去邊度玩好~ 食完仲返lab打機，俄羅斯方塊，正呀！ 期間開左會…傾下莊選舉d野…好耐冇開過會了… 今日都要補習呀，講山泥傾瀉，都ok啦~ 食完晚飯又響pageone hea，睇左勁耐書呀，正~ 跟住返宿本來應該要休息下， 不過又要send email比dept(仲要打到一半冇左要由頭打過)， 又要幫細佬做compu project，結果都冇乜點抖過… |
| 今日係休息日，不過都有溫下書咁呢… 最尾考果兩日一次過考三科，所以今日睇左其中一科先… 溫到差唔多就返屋企啦…今晚繼續幫細佬做個project， 一做就做到停唔到手，搞到成6點先訓… |
| 又係2點幾先起身…幫細佬份project執埋手尾，跟住又開始溫書啦… 仲有4日先考之後果科，搞到好似懶懶地咁… 成本書都唔知點溫好，拿手唔成勢咁… 最後都係溫返midterm之前果d算…其他野返到宿先繼續… 今晚食元氣，終於用左張8折卡了，勁飽呀~~ |
| 今日怒溫禮拜四科circuit，齋睇notes真係明得一半， 所以問人借左書，得一晚咁多咋，所以今晚要怒刨… 冇計啦…冇理由為左呢幾日而花百幾蚊買過本… 果然有本書響度好好多…早知一早買佢返黎啦~ (不過如果一早買都係等呢幾日先睇…咁同呢幾日先買有咩分別呢…) 晏晝去dem linux功課，次次都要指定tutor，今次都唔例外啦~ 可惜今次個tutor有野要，要等成個鐘，唯有去食個tea先啦~ 返到黎一試，咦，連compile個kernel都有問題，大煲！ 好彩借到隔離部機，順利dem到~ 但跟住有個case做唔到，果度成4分架，嚇到死… 開返段code黎睇，竟然有個符號寫錯左，一改就即刻做到… 好彩tutor好人當冇事發生過，如果唔係都真係幾慘… 真係次次dem呢個course d功課都搞到一額汗… |
| 今日成日都係溫書，但係又唔覺得悶~ 除左去補習之外，今日幾乎咩人都冇見過… well…補習個o靚仔話要加堂，分分鐘黎緊幾日就開始， 考試同聖誕假先黎加，豈不是好刺激? 我o既考試進修大計開始了！而家目標係－學日文！ 摷左d日文網站黎睇，睇下有幾多得著先~ |
| 今日呆呆的溫書…溫到傻了… 晏晝去左同同學搵tutor問野，講真我都唔知問乜好… 跟住陸陸續續有同學黎問野，結果呆呆咁坐響度聽… 之後去左u-lib溫書，講真我都係第一次響度溫， 呆呆咁坐左3個鐘，期間食左個tea，訓左半個鐘晏覺… 食完晚飯返宿了，都係覺得響宿溫好d，哈哈~ |
| 呢排開始有訓唔著o既情況出現，但估唔到今日仲嚴重， 6.幾醒左之後發覺好頭暈…考試d野充斥住成個腦… 起左身一陣再訓都係訓唔返，結果都係起左身… 都唔想再溫了，再塞野入腦盞更加辛苦…上下網算了… 之後NA gym考試了，份卷真係唔難， 睇下果幾條吹水題會唔會吹中啦… 考完試，拋低哂所有野，冇咁辛苦了… 食完野去百佳入貨，跟住返宿訓陣先… 今日有網友探訪，參觀下宿舍之餘順便還番野比佢… 去到本部落左車，兜左u-lib一轉， 但我都唔知呢度有咩值得參觀，好似白行一趟了… 之後去埋另一個網友度hea左一輪，咁就一個下晝了… 下一科禮拜三先考，今日當然要休息下啦~ 不過今晚留響宿都過得好充實下， 又downlaod下歌，又睇下獎門人，又tut左人野， 又同人吹左水，又搞掂左班網d野， 總算一次過清左近期想做o既野~ 唉~竟然無啦啦病了…不過其實而家病都好o既… 如果一年總要病一次的話，相信呢段時間都係最好o既時機… 又唔使通頂趕功課，又唔會出去玩，又冇工要返， 最緊要係23號之前一定要好返哂！ |
| 訓到2點起身，好爽~溫左一陣書，出去補習了… 個o靚仔越黎越懶了，考試就到啦，要管教下佢… 之後返屋企食飯啦，響中大食到口啖啖，好掛住屋企d飯呀~ 咦…竟然全家人都一齊病了，乜咁o岩呀… |
| 又係成日都響屋企溫書…無所事事的… 夜晚出左去探阿婆，都差唔多出院啦，精神唔錯呀~ 跟住去食晚飯，嘩…咩叫貴夾唔飽就係呢d喇… 食左兜意粉都飽唔夠一半，結果食完都要出去搵地方食野… 趁細佬去左買手機，我就去M記整返兩個包，終於飽哂~ 之後食埋糖水先返屋企，滿足了~ |
| 今日屋企好冷清…好多時間屋企都係得兩個人… 阿媽去台灣旅行了，希望佢玩得開心啦~ 溫左陣書決定返中大了，響宿起碼都有部電腦用下… 之前去百佳入貨，裝左修之後第一次真係去買野， 搵左好耐先搵到哂想買o既野… 哈哈~我要向大家宣佈：我好返了！ 各位仲病緊o既親友，你地要以我為榜樣呀！ |
| 呀~~今日依然吽響宿溫書，悶到抽筋呀… 唯一娛樂就係同人icq，我要去玩呀~ 唉…3科連續兩日考，都唔知點溫好… 溫下呢科又溫下第二科，搞到個腦好亂… |
| 今日要補習，所以晏晝都唔係溫得幾耐… 補完習去又一城，咦，溜冰場有show睇喎， 一路睇…有衝動想落去踩番轉添~ 諗諗下…我今年好似未踩過冰、未踩過單車、未行過山， 好多野今年都冇做過呢…我要去玩呀！ 馬鐵通車，無聊咁試搭左，架車好大陣膠味呀… 都幾快就去到馬鞍山，跟住轉番車返中大啦~ 咦…返到宿…都唔多想溫咁…都望左好多次… 對住d火星文字、古怪理論，唔想再花太多時間了， 睇陣獎門人好過，哈哈哈~(我o既日文進修大計…咳咳…) 今晚做冬，唔返去食飯了，屋企又唔多齊人… 而且以今日o既天氣，真係唔講都唔知係冬至… |
| 今日考兩科呀…過埋聽日就終於完啦~呵呵~ 首先考大通，之前食晏順便教下人， 響今個sem正式完結之前，我終於去過UC can食啦~ 考兩個鐘，早走左半個鐘，留番d時間溫下一科好過… 去到lab見到成班人響度溫緊書，好似好耐冇見咁啦~ 唉…呢科係我覺得最唔知學咩o既一科， 好多題目都真係亂吹一通，都唔知可以點答… 呢科都係只求合格算啦，都唔好要求咁多… 考完去lab hea陣，之後出左旺角部聚， 估唔到上年搞院慶，今年都仲搞到部聚呀~ 雖然人唔算多，但我都覺得幾難得架喇… 不過咁耐冇聚過又難免生疏左d，但氣氛都幾好呀~ 食日本野，$70食到勁飽，都唔錯呀~ 食完大家仲怒吹水，11點先走人， 即刻怒奔去火車站，趕到尾班校巴返宿… 飲飽食醉之後，聽日果科都忘記得七七八八… 結果用番幾個鐘黎溫，今晚唔夠訓了… |
| 半個月o既考試期，今日終於到左尾聲啦~ 最後一科，總算係不過不失啦，考完就唔理咁多啦~ 同中同去左灣仔，今日開茶會呀~ 呀係，宣佈一下先，28-1號我去星馬旅行呀~ 即係我去完旅行返黎，已經係新o既一年喇… 永安o既茶會室真係好多年未去過， 上次見到o既自助餐式o既茶點真係記憶猶新， 估唔到今日都仲keep到，食到好飽呀… 個茶會…講左d資料算有用o既… 不過我地留意d團友多d，暫時似乎平均年齡都幾高… 開完茶會本來冇節目，但突然興起想去唱K， 不過灣仔真係唔知邊度有K場，索K(場)行動失敗… 最後都係走左去旺角唱~ 啊~~兩個月冇唱過K喇我！真係口痕呀！ 今日終於可以一次過爆哂出黎喇，爽呀！ 雖然係怒走音，而且d歌唔識唱，但係都好鬼high~ 簡直將呢兩個月以黎o既通頂、溫書所積累落黎o既悶氣， 一次過透過歌聲發洩哂出黎，正呀~ 唱完K返左宿，今晚同班CE人打邊爐！ 佢地出左去買野，我就響宿等，等到訓著左… 響中大宿舍裡面打邊爐，我都係第一次； 要包住個曬水系統黎打邊爐…亦都係第一次見… 有成10個人去打，都幾熱鬧喎… 不過硬係覺得個氣氛…唔多自然咁o既~ 又唔係唔好…但又同平時唔同，唔知呢~ 食飽仲一齊打winning，不過有事做要返宿先， 玩得唔夠喉添…唔知幾時有機會再玩呢~ 聖誕假開始了。10日假期中，5日唔響香港。 |
| 今日返屋企啦~應該都開學先會返去住(雖然聽晚可能訓一晚)， 所以要執番d野走啦…最緊要係同旅行有關o既野啦~ 不過一路執，一路係咁miss校巴，都有d無奈… 響校巴站遇到個CE yr1，由UC傾到返荃灣， 聽佢講左個CE友o既故事…真係鮮為人知… 返屋企hea左輪，諗住出去探阿婆，點知過左探訪時間了… 哎呀…未來幾日都應該冇時間去探添，希望佢冇事啦… 今晚同阿媽食和民，食完行多陣都返屋企啦~ 過往三年平安夜都係同網友出老尖迫， 今年就平平安安，安坐家中迎接聖誕o既來臨~ 哈~今年聽到好多人話「唔出去啦，咁迫」， 個感覺係…大家都老喇… 不過以前響出去玩玩玩，都冇乜特別感覺， 係今年可以安安靜靜留響屋企，先至得閒諗下無聊野… 記得以前細細個，同學之間會係咁交換聖誕卡， 每年都至少收到十幾張聖誕卡…到而家都仲keep住哂~ 到左近兩年，都好少會寫卡，但都仲有整e-card比人… 但係今年，自己冇整e-card，亦都無收到任何卡… 幾句簡單o既icq同sms，都已經足夠了~ 咁樣諗番起…真係好多野都變得好快呢… 唔知幾年之後o既聖誕，又會變成點呢… |
| 聖誕節，當然要去玩番夠本啦~ 不過一起身都點幾，之後仲好多野搞，成3點幾先出去… 首先係出旺角睇《功夫》！唔係唔去睇呀? 原來一日開左幾十場，唔怪得仲買到飛啦~ 去到都開場咁滯，好彩我網上訂左飛，唔使排隊買~ 套戲真係勁多笑位，比我想像中好笑好多~ 估唔到有咁多特技，雖然好多野都抄matrix… 整體黎講都好正呀，未睇o既快d去買飛啦~ 睇完都晚飯時間，去左朗豪坊食元氣~ 之後過海睇棵聖誕樹同埋冬日節，惡夢亦都逐漸接近… 辛辛苦苦迫左入冬日節，諗住影番輯靚相， 勢估唔到聖誕老人竟然為我地帶黎哀傷… 話說冬日節有個counter係同聖誕老人影相， 影完仲可以拎張memory card比佢免費曬DC相， 但插張卡入部機話裡面讀唔到相，咁曬唔到相都算啦， 點知插番入部相機，竟然迫我format張卡… 之前影過o既所有野都冇哂，真係可惡… 最慘係我format左之後都影唔到相，張卡宣佈死亡… 影唔到相，咩心機都冇哂，唯有搭船過左海， 再買番張memory card，咁就冇左兩舊水，唉… 結果成晚都只係得九龍果邊d相，可惜呀… 跟住響海傍行左一輪都準備返去啦，因為要同人慶祝生日~ 估唔到響尖東，成11點都搵到間餅店可以買到生日蛋糕， 即刻飛奔返中大，12點準時送到宿舍門口，哈哈~ 食完蛋糕都返宿啦，響中大訓一晚咁多啦~ |
| 怒訓左十個鐘，勁爽呀~ 起身食個麵，就返左荃灣，探下阿婆先… 咦，今次似乎幾神志不清，但生理狀況就好似冇問題… 過左今日之後都冇機會探佢啦，希望去完旅行見到佢冇事啦~ 跟住陪人慶祝生日，首先又係出旺角睇戲… 《北極快車》，成套戲都響度演譯聖誕老人o既故事， 一路睇就一路諗番起噚日memory card事件… 嘩…而家d電腦動畫真係幾可亂真呀… 睇完戲食飯，已經五日內第四次食日本野，破產了… 食完又過中環，許左個願，之後又係行中環冬日節， 今次死都唔同聖誕老人影相… 跟住又係過海，但睇完海運就散水了… boxing day黎單大新聞，真係慘… 我都係夜晚返到屋企先知… 同埋後日o既星馬之旅，會唔會受影響呢… |
| 晏晝出左尖沙咀…哎呀…網友又有d紛爭要解決， 去左九龍公園傾…今次都算順利o既，係耐左少少囉… 搞掂哂都8點幾，跟住出旺角打邊爐，今晚氣氛都唔錯呀~ 網友呢…雖然又係一班佬，但係有時都幾好玩o既~ 食到11點幾先返去…聽日就出發去旅行啦~ 今日係04年最後一日打日記啦，又要大事回顧一下… 呢一年最主要o既當然係上莊啦…做一個P， 真係有開心有唔開心呀，經歷左好多成功與失敗… 今年話好當然唔算好，但差…都應該唔算太差卦~ 都希望CE soc可以一年搞得好過一年啦~ 仲有兩個ocamp，都係好重要~ 無論大O定細O，都可以響其中學到好多野， 亦都令自己知道左好多自己有咩不足(雖然唔知可以點改)… 同埋最緊要o既係，兩個ocamp都比到好多難忘o既回憶我~ 另外暑假仲返左兩個月工，一份唔似暑期工o既工… 雖然做o既野自己本身都識，但都拎左好多經驗呀~ 果個老細…係就係好長氣，但都教左我唔少野呢… 至於讀書方面，普普通通啦，係上到year 2就勁多功課囉… 其實都好辛苦架…不過亦都好開心， 開心在於可以同班CE佬共同作戰，都熟左好多呀~ 仲有樣好重要o既野，唔講啦，哈哈~ 最後想講o既係…請大家祝福我呢幾日唔使捐檯底啦~ |
| 星馬五天抵玩團今日開始~又要寫遊記啦~ 今朝竟然唔知醒，好彩有同學打黎， 都可以響集合時間前去到機場… 搞完手續落左大家樂食晏，之後都夠鐘入閘啦~ 點知臨上機先聽到話冷氣機故障，遲左半個鐘先飛， 真係要大嗌一聲「delay no more」… 今次搭星航，真係大鄉里出城，個私家電視好好玩呀~ 又有得打經典gameboy遊戲，又有得聽七里香成隻碟(仲有好多碟呀)， 最緊要係有得睇《鯊膽大話王》，好彩呢幾日冇買飛去睇，哈哈~ 結果呢幾個鐘旅程都過得勁充實~ 去到新加坡，都差唔多夜晚，所以去到都食左飯先… 架車一路駛上山頂，然後大家入左隻船入面食飯， 我呢度咁o既情景，即刻諗到o既係…海嘯… 食完呢個「魚翅鮑魚海鮮餐」，就到optional活動時間~ 第一站係夜遊新加坡河，感覺係同去泰國暢遊湄南河差唔多， 不過今次隻船勁慢…唔知點解上船之前突然發冷， 響隻船上面吹住風都幾辛苦，之後過左好耐先好返… 下一站係試食地道魚蛋粉同串燒，好正~不過飽得滯食唔落… 之後今日行程都完啦，但我地幾個仍然意猶未盡， 去左試搭地鐵，無聊得黎都幾好玩，有d上次去澳門o既感覺~ 返到酒店都成12點，今晚要好好休息下啦… 呢個團最特別o既地方係…我係全團最細o既團友… 估計平均團友年齡起碼超過40歲… |
| 今日好趕咁睇哂新加坡o既景點，晏晝已經過左馬來西亞… 第一站係海濱公園，睇下個榴槤狀o既歌劇院同埋d肥婆雕塑… 之後就去聖淘沙走馬看花，坐住架單軌火車繞島一周，睇下d渡假區咁… 影完輯靚相就去左牛車水，果度主力sell肉乾同藥油， 不過我都冇入貨…然後就去科學館參觀，呢個「景點」都幾奇怪… 其實都幾多野睇，但比香港果個都頹同悶… 新加坡最後一站係食晏，普普通通一餐仲開胃過噚晚個魚翅鮑魚餐… 食飽就過關去大馬啦，話咁快就要同新加坡o既導遊道別… 過左關第一站係去馬六甲，要坐3個幾鐘頭車，沿途訓得勁爽！ 去到馬六甲得一個景點，就係蝴蝶公園， 裡面一隻真蝴蝶都見唔到，取而代之o既係一堆奇怪動物… 今晚食海鮮餐，都幾正，仲有新發明o既椰汁布甸喎… 食完就返酒店，果陣先8.幾，我地當然唔會咁易罷休啦~ 幾個踢住拖出去行，不過都搵唔到好野食，淨係去左食蟹… 雖然都唔平，但係都幾好食丫~ 食飽行完便利店就返酒店咯…聽朝6.半morning call… |
| 今日繼續響馬六甲o既行程…第一站係唔知乜廟，聽講話供奉鄭和架喎… 仲有個鄭和掘井遺跡，同埋勁似劉德華o既鄭和像一個… 下一站係一系列荷蘭式建築，影左好多相呀，d景都好靚呀~ 然後係手信時間，有好多野食呀…不過都唔係買好多咋， 雖然3個人買o既野都夠裝滿個紙皮箱… 之後去鴕鳥園，先參觀下d植物，然後就到騎鴕鳥時間， 好刺激呀，雖然對腳成日比隻野踢到… 跟住就係所謂o既水果自助餐，只見檯面放左堆生果， 其中只有西瓜係我會食o既，結果個「餐」都只係食左3塊西瓜… 等我仲以為呢個就係午餐，原來之後都有晏食，好彩… 下晝去雲頂，又食怒坐車，大家又再大昏迷啦… 只係中途去左間賣衫o既舖頭，我地就冇乜世藝喇… 去到雲頂就要坐吊車上2000米高o既酒店， 類似海洋公園果d，不過坐好耐， 同埋架車一路升到入雲裡面，都幾得意~ 今晚晚餐係酒店食自助餐，d咖哩食正，不過好辣，食到勁頸渴… 食飽就去參觀賭場啦~雖然佢話就話21歲先入得， 但響團友o既掩護下，我地幾個當然順利混入去啦~ 個賭場同之前澳門見到果d都仲差d， 不過我地都玩左下老虎機，但又輸鬼哂，算啦… 但我地都玩左勁耐先玩輸哂，玩到勁累… 都未試過玩到咁唔想贏錢…冇哂錢就返酒店休息啦~ |
| 今朝食完早餐就離開雲頂啦~又再一次坐吊車騰雲駕霧啦… 不過今次打好耐蛇餅先上到車…之後上車返吉隆坡， 首先係參觀錫器廠，睇下人地點整果d工藝品… 跟住就午飯，食麵包雞，d麵包浸落d咖哩度食，好正呀~ 之後去睇蘇丹皇宮，過門而不入，淨係同d士兵影下相… 跟住去國家博物館，都ok多展品呀~ 然後去埋獨立廣場就去買手信， 睇左肉乾舖同朱古力舖，買左少少乾咁啦… 下一站就係去全球第2高o既雙子塔啦~ 首先係入裡面個商場shopping下，不過個商場實在太大， 類似又一城果d，個半鐘點會行得完丫… 不過個商場都係賣high class野，都冇斬獲呀… 行完仲要爭取時間去出面影下座塔呀~ 睇完雙子塔都到晚飯時間，今餐係最後的晚餐啦… (2004年同呢個團都係…)之後就返酒店，7點咋… 但係今日行左好多路，好累…都要抖下先… hea完就再出去，行下附近o既星光大道同阿廬食街~ 果個星光大道原本有倒數活動架，不過因為印尼地震取消左… 咁我地去左食街搵野食先啦~兜左一輪之後求其搵間野坐低， 點知一入去竟然撞到同檯食飯o既團友，真係有緣啊~ 我地叫左燒雞翼、炒通菜、串燒、 炒貴刁同燒魔鬼魚，件件都好正！尤其是魔鬼魚~ 之後繼續行星光大道…雖然冇官方倒數， 但果度都有勁多人出黎慶祝，我地都留低感受下氣氛啦~ 不過呢度好多人玩噴雪，情況都好混亂下， 我地都係決定隔岸觀火算…最後係途中想坐下， 但d露天茶座都冇哂位…係臨到12點， 先響間seven門口搵到個壆坐陣… 我地都唔明點解接近12點d人都仲行黎行去， 完全冇倒數o既意慾…直到見到個鐘過左12點， 先聽到有人用唔知咩話黎倒數… 我一次響外地過o既新年，就係咁樣過啦… 倒數完之後都即刻返酒店休息啦， 星馬之旅話咁快就最後一晚啦… |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |