12月1日 |
12月2日 |
12月3日 |
12月4日 |
12月5日 |
12月7日 |
12月8日 |
12月9日 |
12月11日 |
12月12日 |
12月16日 |
12月17日 |
12月18日 |
12月19日 |
12月20日 |
12月21日 |
12月22日 |
12月23日 |
12月24日 |
12月25日 |
12月29日 |
12月31日 |
| 下午往山頂參加一個步行籌款，近千人一齊響3點半出發， 繞住山頂行一個圈。正當大家浩浩蕩蕩行緊o個陣， 我突然聽到上面有D「沙沙…」聲，都未黎得切反應， 成棵樹lum左落黎壓住成條路，仲飛左成枝樹枝出黎， 所有野就響我不足五米前的路上發生，嚇到我淨係識退後， 不幸地其中一個參加者畀o個枝飛出黎o既樹枝壓住， 條頸流哂血，真係得人驚…所以我地急急腳完成成個旅程。 之後約屋企人出去食buffet，但又未夠鐘，所以搭左纜車落山， 然後搭小輪過海，再去電腦舖、書局同太空館打發時間， 食完飯後因為要捧大件野，所以飛的返屋企， 全日搭過小巴、地鐵、巴士、纜車、小輪、的士六種交通工具， 我諗都要破紀錄了… lum樹新聞 |
| 晏晝同屋企人出去飲茶飲到4點先返， 之後整下班網D相，夜晚又落樓下食晚飯， 一個禮拜日就咁過左了~ |
| 返到學校…釘野宣佈印野搵校長搵阿sir搵社工…忙到不得了… 放學後就突然好得閒，搞搞聽日陸運會D野，又四圍行下先至4點幾， 返到屋企訓埋晏覺，真係一身都鬆哂咁~ 希望未來兩日的陸運會，可以真係抖抖啦 |
| 今日係一年一度o既陸運會，身為工作人員晨早5點9就要起身， 7點鐘返到運動場打點一切。9點就開始比賽， 我首先玩o既係推鉛球，都推到幾米…算係咁啦~ 之後跑100米，都唔使包尾…好彩~ 食完飯之後跳遠，差10cm就入到決賽，跳到4.5米，勁！ 今日的結果已經畀我想像中好了… 可惜朝早影左D相唔知點解唔見哂…我推鉛球o既「美態」都冇埋… 希望聽日可以盡量補影番哂唔見左o個D啦 |
| 陸運會去到第二日…又係晨早返到黎，今日我已經冇哂賽事， 只係忙工作人員D野，得閒就影下相咁，雖然好似唔係行好多咁， 但返到屋企[支力]到不得了，大脾非常酸痛… 今年的陸運會算過得幾好，又唔會太悶， 下年就最後一年了，真係唔係咁捨得… 上返網先知原來中午屋企樓下發生殺人劫案， 仲封哂成個商場，個賊又唔知匿響邊， 令我諗起3月14日晚響學校forever咁…都幾得人驚 |
| 陸運會後有一日假期，正好可以畀我抖下…仲係好[支力]… 成日都在屋企搞下電腦D野同埋溫書，所以冇相可以提供… |
| 一朝早返到學校先記得有宣佈，又要爆肚… 搞到冇時間再溫溫測驗，唔夠時間做… 小息lunch搵人忙到嘔，last兩堂仲要係PE， 對腳都仲未痛完又要sit-up掌上壓，成個人幾乎崩潰… 放左學仲有第二次百萬富翁，今次D時間算掌握得幾好， 可惜參賽人數同觀賽人數比上次為少，但總算比預期的好了… 呼~電腦學會上學期終於完成所有工作，下學期繼續努力~ |
| 今日係清潔郊野公園活動，活動包埋BBQ， 一朝早就要去城門水塘霸爐，一行幾人去到就順便燒住先， 點知燒燒下就開始落雨，仲有越落越大o既跡象， 大隊1點到左，阿sir決定取消清潔郊野公園…燒完野食就算… 結果在微風細雨下，燒得極狼狽…搞到成身污糟哂… 仲要來回都要拎住D炭，加埋之前o個日o既push up， 隻手[支力]到不得了，真係由陸運會開始都一直係咁[支力]… |
| 朝早在M記開舊生會會議，午飯後返屋企攤抖左陣， 做埋D功課，睇埋本「吶喊」，晚上出去食pizza， 又係一個普普通通的星期日。 |
| 朝早又係宣佈爆肚…跟住搞一大堆舊生會的會員証， 原本諗住今日寄出，但唔知點解學校成今日五點先開始印… 效率真係奇高…唯有聽日再寄過… 返屋企搭緊車o個陣，見到大堆警車行緊，以為屋企樓下又有事， 結果架車去到荃錦對面見到有個解款車同埋一個人訓響度， 警車就封哂成條路，返到屋企睇新聞，原來又係槍劫案， 今年荃灣真係多呢D咁o既案件，仲要單單都畀我撞到正咁滯， 真係驚險… |
| 午飯後成班人去惠X買野食，準備放學後maths club的茶會， 順便買電腦學會會刊的獎品(即係下面o個堆金莎)， 放學後舊生會的會刊到手，茶會期間都要忙著處理D會刊， 茶會完左之後仲要入百幾個信封寄埋佢，又係成6點先返到屋企… 聽日pure maths又quiz...今次不容有失喇.. |
| 今日係第一次捐血，心情非常緊張~ 撞o岩last兩堂阿sir冇返，所以2點幾就去左hall了… 去到首先填張問卷，跟住畀護士問左幾句(佢初頭話有暗瘡唔捐得…) 跟住拮左隻無名指黎驗血，然後等一陣就埋位了… 個護士左鍊下右鍊下，最後決定用左手， 打左支麻醉針後，成粒肉腫起左(好核突…) 跟住就即刻成支野插左入去，D血就「爸爸」聲走出黎… 然後過左十分鐘左右，終於搞掂，成手痹哂，神志有少少不清… 之後就有橙汁飲，有餅乾食，仲送左支筆~ 休息左一陣就返屋企了…沿途隻手仲係郁都郁唔到… 沖涼o個陣狼狽不堪…打字都唔係咁就手… |
| 唔知係咪因為噚日捐完血…今日好似好[支力]咁… 頭兩堂空堂訓著左…行幾層樓梯都冇乜力咁… 放學後考oral，等到成五點先開始， 個題目唔錯，但非常緊張，不過表現尚算可以接受吧… |
| 天文台朝早有講座，約左網友甲樓下9點半等，於是打算9點鐘起身， 點知7點幾就醒了…於是就繼續訓…跟住就發夢鬧鐘唔響， 結果訓到12點幾，講座都完了…結果當然唔係真啦， 我都係9點起左身，落到樓下等等等…等到10點都未等到網友甲， 唯有自己出發先。點知打畀佢先知原來係佢鬧鐘唔響， 於是佢唯有立即趕來…夢境成真左部分… 下午去完旺角買floppy機同咭片紙，然後就去網友乙家拜訪， 坐左幾粒鐘後一齊去長沙灣同網友甲丙丁戊己打邊爐~ 雖然係貴左D，但都食得好飽，玩得幾開心， 坐到10點半先走，可惜巴士班次奇疏，仲要有一班full左， 搞到成12點先返到屋企… 今日部機借左畀細佬，所以又係冇相睇… |
| 朝早訓到11點，下晝搞下電腦野，做下功課咁， 夜晚出去意粉屋食芝士火鍋(仲貴過噚日打邊爐…)， 食得好飽~好暖~ |
| 今日好大霧…簡直就係春天一樣… 到左lunch time仲開始落住微雨，個情境真係好浪漫~ 食完飯PE堂，第一堂玩久違了的羽毛球， 第二堂原本考走籃，但因為出面落緊雨而取消(yes!!!)， 今年最後一堂PE就咁過左喇… 放左學之後留響課室準備佈置聖誕裝飾，一留就留到五點幾， 走o個陣擔住把遮又要拎住勁重o既袋，都幾狼狽下， 行行下突然醒起，兩年前o既今日， 我就響上綠楊的樓梯上畀把遮插到成手都係血，到今時今日， 我手上拎住o既仍然係呢把遮，而食指上o既疤痕到今日仍然響度， 估唔到咁快就過左兩年~ |
| 上堂前又投票選班長，唔知點解我又再被選中，下年正式上任… 放學後繼續為班房佈置一番，整到成個課室鬼五馬六咁… 點知夜晚上網收到壞消息話個課室要用黎在星期四畢業禮時 接待嘉賓，唔可以做任何裝飾，真係激鬼死… 聽日要同校方反映下…整得我地咁辛苦…而家先話要拆… 今日雖然冇咁大霧，但仍然一直落住微雨， 返屋企o個陣，仲覺得好凍，講野都有汽出，好有冬天feel~ 拎個風速計睇睇，原來得15度~ |
| 返到去被迫拆哂D裝飾，但仍堅持將個"We are ALL 6B!"的banner 貼在課室中，第三四堂教哂書就忙著完成呢個banner， 最後貼左上盞燈度阿sir都話由佢，咁就由佢啦！ 2001年最後兩堂係pure，又係教哂書，miss就決定天才表演， 我「表演」報導未來幾日天氣預測， 另外仲有人表演唱歌、計數…真係好好玩~ 之後入hall綵排明天的畢業禮，3點左右就搞掂， 然後執下野咁，4點幾就返到屋企啦，真係前所未有咁早… |
| 今日係畢業頒獎典禮，終於都畢業啦，不過畢業証書其實一早[才羅]左… 獎我都有個，不過今年就唔使上台，可惜compu差一題而[才羅]唔到科獎… 畢業禮完左後就食午飯，然後準備聽日打邊爐o既野， 買完後返學校整番個佈置，同埋搬好D檯，吽到五點幾先走~ |
| 今日係聖誕party~ 一早返到去就搞埋D聖誕裝飾，然後入hall睇show， 學校今年有大膽嘗試，搵左D教會D人搞個band show，又唱歌， 又講耶誕，真係搞野~ 跟住就有學生會o既節目， 有drama又有扮野大賽，算係幾好睇，幾搞笑吧… 下晝就係我地班開party、打邊爐時間，大家都玩得幾開心， 可惜的是仍然好似上次旅行咁分左幾group… 最難得就係可以全班同學順利砌到個"6B"出黎~ 交換禮物我就抽到記事簿…都唔錯… 最後仲有抽獎…玩到4點幾先返屋企~ 夜晚過阿姨屋企訓，第朝一早起身就要去西貢行山，10度…救命 |
| 今日係第一次參加hiking club的行山活動，地點係麥理浩徑第二段。 一早起身凍到不得了…開電視睇睇：嘩！9度！真係凍得咁交關！ 跟住去M記食完個暖暖的早餐後，發覺時日已無多，唯有飛的回校… 之後就坐專車直接前往萬宜水庫主壩，大概10點就開始旅程~ 雖然又凍又大風，但沿途景色實在非常之優美， 不知不覺就行到西灣，食完飯後就繼續，沿途經過幾個沙灘， 又要上山落斜，有D仲斜到要爬上去，都幾辛苦下， 最後4點幾終於完成呢個長13.5公里o既旅程，真係[支力]死了… |
| 又係一早起身返學校，準備舊生會的籃球比賽， 要set banner，搬檯搬[木凳]，買野食買野飲… 今日都見到幾多舊生返黎，而且有五十幾人入左會，算係唔錯， 由9點幾打到4點都未打得哂咁多場…唯有搵日再打埋佢… 夜晚去九龍城廣場打算往某餐廳食飯，但無啦啦執左笠， 走上走落之後最後決定唱K…自暑假後第一次去… 唱到10點先走…非常眼訓… |
| 日頭去同學響深井o既屋企…打下機、睇下電視、食下pizza咁… 跟住就返屋企，打左十幾張舊生會新會員資料， 食完飯之後被網友約出去尖沙咀慶祝平安夜， 在海旁行下，影下相咁，轉下眼就過左12點了， 由於我實在太[支力]太眼訓，唯有早走… 搭地鐵o個陣全程訓著左，1點半先返到屋企… |
| 今日係普天同慶o既大日子，我終於可以晏起身了…一訓就訓到12點~ 午飯後打埋o個幾十個會員資料，跟住又睇下mr bean， 轉下眼就已經晚飯時間，搭車出尖東食豐富o既聖誕大餐， 跟住就睇燈飾，可惜呢邊又封路，o個邊又唔行得， 結果都唔睇得幾多就已經幾夜下，返到屋企都已經過左12點… |
| 今日係boxing day…但冇禮物收… 下晝出左荃灣飲茶…一飲就飲左兩個幾鐘… 跟住返屋企搞搞hkspeed個project， 晚飯後出旺角同同學同埋同學D兄弟姊妹同埋佢地D朋友 睇harry potter，聖誕假終於有一套睇了， 可惜係坐第二行，睇完條頸都直哂… 不過都總算係幾好睇，兩個半鐘都冇悶場， 睇到過左12點先完…連續三晚夜返屋企了… 搭地鐵返到荃灣已經12:40，去左小巴站呆等幾個字都冇車， 平日熱鬧o既街道上面，淨番一架巴士同埋一排等小巴o既人， 最後有人提議夾份搭的士，於是就四個人一齊截左部返去了… 所有攝錄器材均嚴禁帶入戲院， 原本打算影下凌晨冷清的街道…都係放棄喇… |
| 成日都吽響屋企溫applied...悠閒的一天 |
| 成日都吽響屋企溫pure...悠閒的一天 下晝無無聊聊執下櫃桶，諗番起好多今年發生過o既野… |
| 7點幾醒左…個頭勁痛，痛到訓唔番，好彩起身後就慢慢好番… 今日係聖誕網友同樂日，節目非常豐富~ 首先晏晝去左唱K，跟住4點就去到紅磡個聖誕嘉年華， 用左百幾蚊玩左幾個機動遊戲，玩到暈舵舵~ 仲有位網友玩攤位遊戲贏左個成個人咁大o既熊啤啤返黎， 全場目光都放哂響隻公仔度，真係犀利~ 晚飯後再去睇麥兜，都幾好笑~ 返到屋企已經10.半… |
| 下晝係舊生會例會，傾完就返屋企溫下phy… 夜晚去睇千與千尋，都算唔錯~ 出到去見到個月色勁靚…可惜冇帶相機… |
| 今日係2001年最後一日，早上同晏晝依然係溫書， 夜晚就出去同網友去時代廣場倒數， 7點鐘就食完飯然後出去霸位，當時已經極多人， 之後呆等兩粒鐘後終於有節目睇，有一大堆歌星出黎唱歌， 企足五粒鐘後，終於都到左緊張o既倒數時刻， 10、9、8、7、6、5、4、3、2、1… |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |